(VOVWORLD) - នាព្រឹកថ្ងៃទី២១ ខែកុម្ភៈ នៅទីក្រុងហាណូយ គណៈ កម្មាធិការអចិន្រ្តៃយ៍រដ្ឋសភាវៀតណាមបានរៀបចំកិច្ចប្រជុំបូកសរុបនិងដាក់ពង្រាយការងារឆ្នាំរបស់ក្រុមប្រឹក្សាប្រជាជននៃបណ្ដាខេត្ត ក្រុងភាគខាងជើង ដើម្បីពង្រីកប្រសិទ្ធភាពឲ្យបានខ្ពស់បំផុតនូវតួនាទីនិងឋានៈរបស់ស្ថាប័នអំណាចរដ្ឋប្រចាំមូលដ្ឋាន។ ផ្ដើមពីនោះ អាចពង្រីកប្រៀបខ្លាំងនៃមូលដ្ឋាននីមួយៗ ចូលរួមចំណែកជាមួយប្រទេសទាំងមូលអនុវត្តន៍គោលដៅអភិវឌ្ឍសេដ្ឋកិច្ចសង្គម។

(VOVWORLD) - ចាប់ពីថ្ងៃទី១៧ដល់ថ្ងៃទី១៩ ខែកុម្ភៈ ឆ្នាំ២០២២ អនុប្រធានប្រតិបត្តិគណៈកម្មាធិការអឺរ៉ុប (EC) លោក Frans Timmermans បានអញ្ជើញមកបំពេញទស្សនកិច្ចនៅវៀតណាមតបតាមការអញ្ជើញរបស់ឧបនាយករដ្ឋមន្រ្តីរដ្ឋាភិបាលលោក Le Van Thanh។ ក្នុងបរិបទដែលជម្ងឺរាតត្បាតវិវឌ្ឍន៍យ៉ាងស្មុគស្មាញ និងការប្រកួតប្រជែងភូមិសាស្ត្រយុទ្ធសាស្ត្រលើទូទាំងសកលលោកកាន់តឹងតែងឡើងៗ ដំណើរទស្សនកិច្ចដោយមានរបៀបវារៈគ្របដណ្ដប់លើខ្លឹមសារសំខាន់ជាច្រើននេះ បានបង្ហាញសារជាថ្មីម្ដងទៀតនូវការគោរពរបស់ភាគីទាំងពីរចំពោះការជំរុញ ពង្រឹងទំនាក់ទំនងភាពជាដៃគូនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម-EU ឲ្យកាន់តែជាក់ស្ដែងនិងមានប្រសិទ្ធភាពថែមទៀត។

(VOVWORLD) - នៅពេលដែលសៀវភៅ “ទ្រឹស្តីនិងការអនុវត្តជាក់ស្តែងមួយចំនួនស្តីពីសង្គមនិយមនិងមាគ៌ាទៅកាន់សង្គមនិយមនៅ វៀតណាម” និពន្ធឡើងដោយអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong ត្រូវបានបង្ហាញផ្សព្វផ្សាយ អ្នកសរសេរប្លុកមួយចំនួន (blogger) ដែលមានអាសយដ្ឋាននៅក្រៅប្រទេសចាត់ទុកថា ទឡ្ហីករណ៍និងខ្លឹមសារនៅក្នុងសៀវភៅនេះគឺហួសសម័យ ខ្វះមូលដ្ឋានវិទ្យាសាស្ត្រ ហើយថា ការជ្រើសរើសឈានឡើងសង្គមនិយមវៀតណាមគឺជាកំហុសមួយដែរ។ ទឡ្ហីករណ៍ទាំងនេះមានគោលបំណងធ្វើឲ្យរង្គោះរង្គើរជំនឿអំពីគោលដៅឧត្តមគតិរបស់បក្សនិងអនុវត្តន៍យុទ្ធសាស្ត្រ “ការវិវត្តដោយសន្តិភាព” របស់កងកម្លាំងអរិភាពចំពោះវៀតណាម។

(VOVWORLD) - កិច្ចប្រជុំទូទាំងប្រទេសតាមអនឡាញស្ដីពីការបូកសរុបរយៈពេល ២០ ឆ្នាំ នៃការអនុវត្តសេចក្តីសម្រេចចិត្តលេខ 13-NQ/TW ស្តីពីសេដ្ឋកិច្ចសមូហភាព និងបូកសរុបរយៈពេល ១០ ឆ្នាំនៃការអនុវត្តច្បាប់ស្តីពីសហករណ៍ឆ្នាំ ២០១២ បានប្រព្រឹត្តិទៅនាថ្ងៃទី ១៥ កុម្ភៈ ឆ្នាំ ២០២២ នៅទីក្រុងហាណូយ។ នេះគឺជាព្រឹត្តិការណ៍ដ៏សំខាន់ សំដៅជំរុញខ្លាំងការអនុវត្តគោលការណ៍របស់បក្សកុម្មុយនិស្តវៀតណាមអំពីការអភិវឌ្ឍសេដ្ឋកិច្ចសមូហភាព និងសហករណ៍របស់វៀតណាមក្នុងដំណាក់កាលថ្មីផងដែរ។

(VOVWORLD) - នាពេលថ្មីៗនេះ រដ្ឋបាលរបស់លោកប្រធានាធិបតី Joe Biden បានប្រកាសយុទ្ធសាស្ត្រថ្មីមួយអំពីតំបន់ឥណ្ឌាប៉ាស៊ីហ្វិកប្រកបដោយសេរី និងបើកចំហ ដែលជាផ្នែកមួយនៃកិច្ចខិតខំប្រឹងប្រែងដើម្បីបញ្ជាក់ពីសារៈសំខាន់របស់តំបន់នេះ។ សារពីសហរដ្ឋ អាមេរិក និងប្រទេសស្ថិតក្នុងក្រុម “Quad” ឆ្លុះបញ្ចាំងពីការប្តេជ្ញាចិត្ត ក្នុងការប្រដេញតាមការកសាងតំបន់ឥណ្ឌាប៉ាស៊ីហ្វិកប្រកបដោយសេរីនិងបើកចំហ លើគ្រប់វិស័យ ចាប់ពីសន្តិសុខ រហូតដល់សេដ្ឋកិច្ច។

(VOVWORLD) - វៀតណាមកំពុងបង្ហាញឲ្យឃើញពីការខិតខំប្រឹងប្រែងយ៉ាងខ្លាំងក្នុងការពន្លឿនដំណើរការស្តារទាំងម៉ាក្រូសេដ្ឋកិច្ចនិង មីក្រូសេដ្ឋកិច្ច។ ចាប់ពីដើមឆ្នាំ ២០២២ មក គោល នយោបាយថ្មីត្រូវបានរដ្ឋាភិបាល ដាក់ពង្រាយជាបន្តបន្ទាប់ដើម្បីដោះស្រាយចំណុច កកស្ទះក្នុងការបើកចំណាយដើមទុនវិនិយោគសាធារណៈ កសាងហេដ្ឋារចនាសម្ព័ន្ធ ហើយជំរុញការការប្រើប្រាស់ទំនិញ។

(VOVWORLD) - នៅថ្ងៃទី ៨ ខែកុម្ភៈ វង់ចរចាលើកទី៩ អំពីការស្តារឡើងវិញនូវកិច្ចព្រមព្រៀងនុយក្លេអ៊ែរអ៊ីរ៉ង់ (ដែលបានហៅថា ផែនការសកម្មភាពរួមគ្រប់ជ្រុងជ្រោយ JCPOA) ដែលបានចុះហត្ថលេខាកាលពីឆ្នាំ ២០១៥ រវាងអ៊ីរ៉ង់ និងប្រទេសមហាអំណាចចំនួន ៦ (ក្រុម P៥+១) ត្រូវបានបន្តឡើងវិញនៅទីក្រុងវីយែន (អូទ្រីស)។ គួរកត់សំគាល់ថា មុនពេលវង់ចរចារថ្មីចាប់ផ្តើម សហរដ្ឋអាមេរិកមានការបោះជំហានមួយ ដែលត្រូវបានចាត់ទុកថា “មានអត្ថប្រយោជន៍” សម្រាប់ដំណើរការចរចា។ ទោះជាយ៉ាងណាក៏ដោយ បើតាមអ្នកវិភាគថា ដើម្បីឈានដល់កិច្ចព្រមព្រៀង ចុងក្រោយ ភាគីពាក់ព័ន្ធទាំងអស់ត្រូវខិតខំប្រឹងប្រែងឲ្យបានច្រើនថែមទៀត។

(VOVWORLD) - ក្នុងសៀវភៅ “ទ្រឹស្តីនិងការអនុវត្តជាក់ស្តែងមួយចំនួនអំពីសង្គមនិយម និងមាគ៌ាទៅកាន់សង្គមនិយមនៅវៀតណាម” ដែលនឹងត្រូវបានផ្សព្វផ្សាយក្នុងប៉ុន្មានថ្ងៃខាងមុខនៅវៀតណាម អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong បានលើកឡើង តម្រង់ទិស និងស្នើនូវបញ្ហាថ្មីជាច្រើនអំពីមាគ៌ាបដិវត្តន៍ ដែលបក្ស លោកប្រធានហូជីមិញ និងប្រជាជនវៀតណាមបានជ្រើសរើសក្នុងដំណាក់កាលថ្មី។

(VOVWORLD) - បរិយាកាសធ្វើការ ល្បឿនផលិតកម្ម និងការដោះដូរពាណិជ្ជកម្មនៅវៀតណាមមានសភាពការណ៍សស្រាក់សស្រាំនាដើមឆ្នាំថ្មី ២០២២។ នេះគឺជាសញ្ញាវិជ្ជមានក្រោយរយៈពេលវែង ដែលខឿនសេដ្ឋកិច្ចរងផលប៉ះពាល់ពីជំងឺរាតត្បាតកូវីដ ១៩។ លទ្ធផលទាំងនេះ បានសរឲ្យឃើញនូវការដឹកនាំប្រកបដោយភាពបត់បែន ទាន់ពេលវេលារបស់រដ្ឋាភិបាល និងការចូលរួមរបស់ក្រសួង ស្ថាប័ន ខេត្ត ក្រុង ក៏ដូជាការជួយជ្រោមជ្រែង និងកាស្រុះចិត្តគំនិតរបស់ប្រជាជន ដើម្បីដើរតាមនិន្នាការអភិវឌ្ឍន៍របស់ប្រទេសជាតិផងដែរ។

(VOVWORLD) - ភាពតានតឹងនាពេលថ្មីៗនេះ រវាងរុស្ស៊ីនិងលោកខាងលិចមិនបង្ហាញសញ្ញាបន្ធូរបន្ថយនៅឡើយ ជុំវិញបញ្ហាអ៊ុយក្រែន។ មតិសាធារណៈដំបូងឡើយ អាចដកដង្ហើមធូរស្រាល បន្ទាប់ពីរយៈពេលនៃការចោទប្រកាន់ពីការឈ្លានពាន ការព្រមានអំពីការតបត រួមទាំងការដែលភាគីទាំងពីរបានដាក់ពង្រាយកងទ័ពយ៉ាងឆាប់រហ័ស ធ្វើអោយបរិយាកាសនៅទីនេះឡើងកំដៅតាមម៉ោង។