(VOVWORLD) - អញ្ជើញដឹកនាំសម័យប្រជុំរបស់គណៈកម្មាធិការអចិន្ត្រៃយ៍ គណៈកម្មាធិការមជ្ឈឹមបក្ស ទទួលបន្ទុកការបង្ការ ប្រ យុទ្ធប្រឆាំងអំពើពុករលួយ ដែលប្រារព្ធនាថ្ងៃទី ២៥ វិច្ឆិកា អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានលើកឡើងថា ការដោះស្រាយនិងដាក់វិន័យលើកម្មាភិបាលរាប់រយនាក់រួមទាំងសមាជិកការិយាល័យនយោបាយនិងសមាជិកមជ្ឈឹមបក្សក្នុងអាណត្តិនីតិកាលទី ១២ របស់បក្ស ហាក់ដូចជាការព្រមាននិងជាការដាស់ស្មារតីអញ្ជឹង។ សូម្បីតែនៅពេលដែល សន្និបាតបក្សទូទាំងប្រទេសលើកទី ១៣ ជិតនឹងប្រព្រឹត្តទៅក៏ដោយ ក៏ការងារវិន័យរបស់បក្សនៅតែបន្តបានអនុវត្តន៍ដដែល។

(VOVWORLD) - ចាប់ពីថ្ងៃទី ២ ដល់ថ្ងៃទី ៤ ខែធ្នូ មហាសន្និបាតតំណាងទូទាំងប្រទេសនៃបណ្ដាជនជាតិភាគតិចវៀតណាមលើកទី ២ ឆ្នាំ ២០២០ បានប្រព្រឹត្តិទៅនៅទីក្រុងហាណូយ។ ដោយប្រធានបទ“ ក្រោមទង់ដ៏រុងរឿងរបស់បក្សកុម្មុយនិស្តវៀតណាមបណ្ដាជនជាតិមានសមភាព សាមគ្គីភាព គោរពគ្នា ជួយគ្នាទៅវិញទៅមក ពង្រីកកម្លាំងផ្ទៃក្នុង រួមគ្នាអភិវឌ្ឍន៍ជាមួយប្រទេសជាតិ” នោះ មហាសន្និបាតលើកនេះគឺជាព្រឹត្តិការណ៍នយោបាយដ៏សំខាន់ ហើយជាមហោស្រពសាមគ្គីភាព ពង្រឹងជំនឿទុកចិត្ត និងការស្រុះចិត្តគំនិតរបស់ជនរួមជាតិក្រោមការដឹកនាំរបស់បក្ស។

(VOVWORLD) - កាលពីចុងសប្ដាហ៍មុន បរិយាកាសសន្តិភាពដ៏ខ្លីដែលកម្រមាននៅ មជ្ឈឹមបូព៌ាក្រោយពីការចុះហត្ថលេខាលើកិច្ចព្រមព្រៀងសន្តិភាពទាំងឡាយរវាងអ៊ីស្រាអែលជាមួយបណ្ដាប្រទេសអារ៉ាប់នាពេលចុងក្រោយនេះ ត្រូវបំបែក នៅពេលដែលអ្នកវិទ្យាសាស្ត្រនុយក្លេអ៊ែរជួរមុខរបស់អ៊ីរ៉ង់លោក Mohsen Fakhrizadeh ត្រូវគេធ្វើឃាតនៅក្នុងករណីវាយឆ្មក់មួយនៅភាគខាងកើតអ៊ីរ៉ង់ កាលពីថ្ងៃទី២៧ វិច្ឆិកា។ រឿងក្ដីនេះបានញាំងឲ្យសាធារណៈមតិនិងមជ្ឈដ្ឋានអ្នក វិភាគព្រួយបារម្ភថា វាអាចនាំទៅរកការផ្ទុះឡើងវិញនូវភាពវឹកវរនិងភាព តានតឹងយ៉ាងធ្ងន់ធ្ងរនៅក្នុងតំបន់។

(VOVWORLD) - មហោស្រពចាប់ផ្តើមអាជីវកម្មប្រកបដោយការផ្លាស់ប្ដូរថ្មី និងច្នៃប្រឌិតថ្នាក់ជាតិឆ្នាំ ២០២០ (TECHFES វៀតណាម ២០២០) បានបិទបញ្ចប់ បន្ទាប់ពីរយៈពេលជាង ៣ ថ្ងៃ បានប្រព្រឹត្តិទៅ (ចាប់ពីថ្ងៃទី ២៧-២៩ ខែវិច្ឆិកា) ។ ព្រឹត្តិការណ៍ប្រចាំឆ្នាំនេះ បានសរឲ្យឃើញនូវដំណើរការអភិវឌ្ឍន៍យ៉ាងខ្លាំងក្លានៃប្រព័ន្ធអេកូឡូស៊ីចាប់ផ្តើមអាជីវកម្ម ប្រកបដោយការច្នៃប្រឌិតរបស់វៀតណាម ព្រមទាំងជាការបោះជំហានថ្មីក្នុងដំណើរការធ្វើសមាហរណកម្មអន្តរជាតិផងដែរ។

(VOVWORLD) - ទោះបីជាចំនួនអ្នកជំងឺកូវីដ ១៩ នៅលើពិភពលោកបានកើនឡើងជាឯតទគ្គកម្មទាំងចំនួនអ្នកឆ្លងជំងឺ និងអ្នកស្លាប់ក៏ដោយ ប៉ុន្តែខឿនសេដ្ឋកិច្ចពិភពលោកនៅតែមានសញ្ញាស្ដារឡើងវិញយ៉ាងវិជ្ជមាន។ យ៉ាងណាមិញ ក្រុមអ្នកជំនាញ និង ស្ថាប័នហិរញ្ញវត្ថុអន្តរជាតិធំ ៗនៅតែនាំចេញការព្រមានអំពីហានិភ័យ និងគ្រោះអាសន្នចំពោះសេដ្ឋកិច្ចពិភពលោកជាបន្តបន្ទាប់ ខណៈដែលជំងឺរាតត្បាតនៅក្នុងតំបន់ភាគច្រើននៅតែមិនទាន់គ្រប់គ្រងបានល្អនៅឡើយ។

(VOVWORLD) - ការកសាងនិងការធ្វើឱ្យល្អប្រសើរឡើងនូវសេដ្ឋកិច្ចទីផ្សារទិសដៅសង្គមនិយម គឺជាគោលការណ៍ដ៏សំខាន់របស់បក្សនិងរដ្ឋវៀតណាម។ គោលការណ៍នេះ ជាលទ្ធផលនៃដំណើរការបូកសរុបសកម្មភាពជាក់ស្តែងក៏ដូចជាផ្លាស់ប្តូរផ្នត់គំនិតដើម្បីទទួលយកគុណតម្លៃវិជ្ជមានរបស់មនុស្សជាតិក្នុងការអភិវឌ្ឍសេដ្ឋកិច្ចឱ្យសមស្របនឹងលក្ខខណ្ឌជាក់ស្តែងរបស់វៀតណាម។ តថភាពជាក់ស្តែងបានអះអាងនូវតួនាទីដឹកនាំរបស់បក្សកុម្មុយនិស្តវៀតណាម ក្នុងការកសាងសេដ្ឋកិច្ចទីផ្សារទិសដៅសង្គមនិយមនៅវៀតណាម។

(VOVWORLD) - សមុទ្រខាងកើត ដែលជាតំបន់សមុទ្រយុទ្ធសាស្ត្រនៅទ្វីបអាស៊ី កំពុងទាក់ ទាញការយកចិត្តទុកដាក់របស់សហគមន៍អន្តរជាតិកាន់តែច្រើនពីមួយថ្ងៃទៅមួយថ្ងៃ ដែលក្នុងនោះ ការប្រកួតប្រជែងយុទ្ធសាស្ត្ររវាងប្រទេសធំៗ កាន់តែតានតឹងឡើងៗ។ នាពេលកន្លងមក ប្រទេសជាប់ឆ្នេរសមុទ្រ ខាងកើត ជាច្រើន ជាក់ស្ដែងគឺសមាគមន៍ប្រជាជាតិអាស៊ីអាគ្នេយ៍ (អាស៊ាន) បានសម្ដែងហើយស្រាយបំភ្លឺយ៉ាងក្បោះក្បាយនូវគោលជំហរគតិយុត្ត នៅសមុទ្រខាងកើត តាមរយៈកំណត់ទូតដាក់ជូនអង្គការសហប្រជាជាតិ ក៏ដូច ជាសេចក្ដីថ្លែងការណ៍ជាក់លាក់ផងដែរ។ ប្រការនេះបង្ហាញឲ្យឃើញថា ប្រទេសអាស៊ានទាំងឡាយសុទ្ធតែ គោរពតួនាទីនិងតម្លៃនៃច្បាប់អន្តរជាតិ ហើយអះអាងនូវតួនាទីមជ្ឈភាពរបស់អាស៊ានក្នុងការដោះស្រាយជម្លោះនៅសមុទ្រខាងកើត។

(VOVWORLD) - កិច្ចប្រជុំកំពូល G20 ទើបបានបិទបញ្ចប់ ក្រោយរយៈពេល ២ ថ្ងៃប្រជុំតាមប្រព័ន្ធវីដេអូ ក្រោមព្រះរាជអធិបតីភាពរបស់ ព្រះបាទ Salman bin Abdulaziz Al Saud ព្រះមហាក្សត្រអារ៉ាប៊ីសាអូឌីត។ ដោយប្រធានបទ “ ការអនុវត្តជាក់ស្ដែងនូវកាលានុវត្តភាពក្នុងសតវត្សរ៍ទី ២១ សម្រាប់មនុស្សទាំងអស់គ្នា” នោះ កិច្ចប្រជុំកំពូល G20 បានផ្តោតសំខាន់លើការពិភាក្សាអំពីបណ្ដាវិធានការនាំសេដ្ឋកិច្ចពិភពលោកជំនះពុះពារលើផលប៉ះពាល់ដ៏ស៊ីជម្រៅ ដោយសារជំងឺរាតត្បាតកូវីដ ១៩ ក៏ដូចជាបន្តអភិវឌ្ឍន៍ផងដែរ។

(VOVWORLD) - កិច្ចប្រជុំកំពូលថ្នាក់ដឹកនាំបណ្ដាខឿនសេដ្ឋកិច្ចជាសមាជិកវេទិកាសហប្រតិបត្តិការសេដ្ឋកិច្ចតំបន់អាស៊ី-ប៉ាស៊ីហ្វិកលើកទី ២៧ (APEC ២៧) បាន ប្រារព្ធធ្វើឡើងតាមប្រព័ន្ធវីដេអូកាលពីថ្ងៃទី២០ វិច្ឆិកា ក្រោមអធិបតីភាព របស់នាយករដ្ឋមន្រ្តីម៉ាឡេស៊ី លោក Muhyddin Yassin។ ថ្នាក់ដឹកនាំ ប្រទេសជាសមាជិក APEC ទាំង២១ រួមទាំងនាយករដ្ឋមន្រ្តីវៀតណាម លោក Nguyen Xuan Phuc បានអនុម័តលើសេចក្ដីថ្លែងការណ៍ទីក្រុង Putrajaya ស្ដីពីចក្ខុវិស័យ APEC ដល់ឆ្នាំ២០៤០។ នេះគឺជាបុព្វបទដ៏សំខាន់ សម្រាប់កិច្ចសហប្រតិបត្តិការនិងការអភិវឌ្ឍរួមគ្នារបស់ APEC ក្នុងរយៈពេល២ ទសវត្សខាងមុខ។

(VOVWORLD) - តាមការអញ្ជើញរបស់នាយករដ្ឋមន្រ្តីម៉ាឡេស៊ីលោក Muhyiddin Yassin នៅថ្ងៃទី២០ វិច្ឆិកា នាយករដ្ឋមន្រ្តីវៀតណាម លោក Nguyen Xuan Phuc បានចូលរួមកិច្ចប្រជុំកំពូលវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី២៧ តាមប្រព័ន្ធវីដេអូ។ កិច្ចប្រជុំគឺជាសកម្មភាព សំខាន់បំផុតនៃសប្ដាហ៍កិច្ចប្រជុំកំពូល APEC លើកទី២៧ ដោយមានការ ចូលរួមរបស់ថ្នាក់ដឹកនាំនៃខឿនសេដ្ឋកិច្ចសមាជិកទាំង ២១។ ការចូលរួម APEC លើកទី២៧នេះបន្តបញ្ជាក់ពីការទទួលខុសត្រូវ ភាពម្ចាស់ការ ព្រម ទាំងលើកកំពស់ឋានៈរបស់វៀតណាមនៅវេទិកានេះផងដែរ។