(VOVWORLD) - សេចក្តីសម្រេចចិត្តនៃមហាសន្និបាតតំណាងទូទាំងប្រទេសលើកទី ១៣ របស់បក្សកុម្មុយនិស្តវៀតណាមបានកំណត់ជំហានលោតផ្លោះមួយ ក្នុងចំណោមជំហានលោតផ្លោះយុទ្ធសាស្ត្រទាំង ៣ ដើម្បីអភិវឌ្ឍន៍ប្រទេសជាតិគឺផ្ដោតសំខាន់លើការអភិវឌ្ឍសេដ្ឋកិច្ចឌីជីថល និងសង្គមឌីជីថល។ ដើម្បីអនុវត្តន៍សេចក្ដីសម្រេចចិត្ត លោក នាយករដ្ឋមន្ត្រីបានអនុម័តលើគម្រោងអភិវឌ្ឍន៍ការប្រើប្រាស់ទិន្នន័យប្រជាជន កំណត់អត្តសញ្ញាណអេឡិចត្រូនិក បម្រើការផ្លាស់ប្ដូរឌីជីថលជាតិដំណាក់កាល ២០២២-២០២៥ ចក្ខុវិស័យដល់ឆ្នាំ ២០៣០ (ហៅកាត់ថាគម្រោង០៦ )

(VOVWORLD) - ស្ថានការណ៍នយោបាយនៅនីហ្សេរីកំពុងទាក់ទាញការចាប់អារម្មណ៍របស់សាធារណមតិអន្តរជាតិ ក្រោយពេលលោកប្រធានាធិបតី Mohamed Bazoum ត្រូវបានកងទ័ពផ្ទួលរលំ ហើយរបបយោធារបស់ភាគីរដ្ឋប្រហារបង្កើតឡើង បានចាប់ខ្លួនសមាជិក រដ្ឋាភិបាលជាច្រើនរូបស្របរដ្ឋធម្មនុញ្ញ។ ទង្វើនេះបានគូសសញ្ញានៃភាពតានតឹងឡើងជណ្ដើរនៃវិបត្តិនយោបាយថ្មីបំផុតនៅនីហ្សេ ដែលជាប្រទេសមួយ ក្នុងចំណោមប្រទេសក្រីក្របំផុតនៅលើពិភពលោក។ ទន្ទឹមនឹងនោះ អាចធ្វើឲ្យស្មុគស្មាញដល់កិច្ចខិតខំប្រឹងប្រែងរបស់ប្រទេសលោកខាងលិច ក្នុងការជួយដល់បណ្ដាប្រទេសនៅតំបន់ Sahel ប្រយុទ្ធប្រឆាំងនឹងការបះបោររបស់ពួកជីហាដ។

(VOVWORLD) - ប្រធានរដ្ឋវៀតណាមលោក Vo Van Thuong ទើបតែបានបញ្ចប់ដំណើរទស្សនកិច្ចជាផ្លូវការនៅសាធារណរដ្ឋអូទ្រីស ដំណើរទស្សនកិច្ចផ្លូវរដ្ឋនៅសាធារណរដ្ឋអ៊ីតាលី និងបុរីវ៉ាទីកង់។ ដំណើរទស្សនកិច្ចដែលបានប្រព្រឹត្តទៅចាប់ពីថ្ងៃទី ២៣ ដល់ថ្ងៃទី ២៨ ខែកក្កដា របស់ប្រធានរដ្ឋ លោក Vo Van Thuong និងគណៈប្រតិភូជាន់ខ្ពស់វៀតណាម ទទួលបានលទ្ធផលសំខាន់ៗជាច្រើន បង្កើតកម្លាំងចលករថ្មីដើម្បីជំរុញកិច្ចសហប្រតិបត្តិការទ្វេភាគីរវាងវៀតណាមជាមួយអូទ្រីស អ៊ីតាលី ក៏ដូចជារួមចំណែកក្នុងការពង្រឹងនិងការពង្រីកទំនាក់ទំនងដ៏ល្អប្រសើរជាមួយបុរីវ៉ាទីកង់ផងដែរ។

(VOVWORLD) - វៀតណាមបានចូលជាសមាជិកសមាគមប្រជាជាតិអាស៊ីអាគ្នេយ៍ (អាស៊ាន) ជាផ្លូវការនៅថ្ងៃទី ២៨ ខែកក្កដា ឆ្នាំ ១៩៩៥ ក្នុងឱកាសកិច្ចប្រជុំរដ្ឋមន្ត្រីការបរទេសអាស៊ានលើកទី ២៨ (AMM-28) នៅប្រទេសប្រ៊ុយណេ។ ក្នុងអំឡុងពេល ២៨ ឆ្នាំកន្លងមកនេះ វៀតណាមបានធ្វើសមាហរណកម្មយ៉ាងឆាប់រហ័ស ចូលរួមយ៉ាងស៊ីជម្រៅក្នុងគ្រប់វិស័យនៃកិច្ចសហប្រតិបត្តិការអាស៊ាន ហើយមានការរួមវិភាគទានយ៉ាងសកម្មក្នុងការរក្សាសាមគ្គីភាពក្នុងប្លុក ពង្រឹងកិច្ចសហប្រតិបត្តិការរវាងប្រទេសសមាជិកអាស៊ាន ក៏ដូចជារវាងអាស៊ាន និងដៃគូខាងក្រៅនានា រួមចំណែកគួរឲ្យកត់សម្គាល់ក្នុងការអភិវឌ្ឍនិងជោគជ័យរបស់អាស៊ាន។

(VOVWORLD) - នៅប្រទេសវៀតណាម ទិវាយុទ្ធជនពិការ-យុទ្ធជនពលី ថ្ងៃទី២៧ ខែកក្កដាជារៀងរាល់ឆ្នាំ គឺជាថ្ងៃបុណ្យដ៏សែនសំខាន់ និងប្រកបដោយអត្ថន័យមនុស្សធម៌យ៉ាងជ្រាលជ្រៅ។ នេះជាឱកាសសម្រាប់បក្សទាំងមូល ប្រជាជនទាំងមូល និងកងទ័ពវៀតណាមទាំងមូលរំលឹកឡើងវិញ និងសម្តែងការតបស្នងសងគុណចំពោះបុព្វបុរសបដិវត្តន៍ វីរៈជន និងយុទ្ធជនពលីដែលបានពលីជីវិតយ៉ាងអង់អាចក្លាហាន លះបង់ទាំងសាច់ស្រស់ ឈាមស្រស់ក្នុងបុព្វហេតុតស៊ូរំដោះប្រទេសជាតិ ឯកភាពប្រទេសជាតិ ក៏ដូចជា ក្នុងការកសាង និងការពារមាតុភូមិវៀតណាម។

(VOVWORLD) - ប្រធានរដ្ឋវៀតណាមលោក Vo Van Thuong និងលោកជំទាវភរិយាកំពុងបំពេញទស្សនកិច្ចផ្លូវរដ្ឋនៅសាធារណរដ្ឋអ៊ីតាលី និងបុរីវ៉ាទីកង់ចាប់ពីថ្ងៃទី ២៥ ដល់ថ្ងៃទី ២៨ ខែកក្កដា ឆ្នាំ ២០២៣ តបតាមការអញ្ជើញរបស់ប្រធានាធិបតីអ៊ីតាលីលោក Sergio Mattarella និង សម្រេចប៉ាប់ Francis។

(VOVWORLD) - នាថ្ងៃអាទិត្យទី ២៣ ខែកក្កដា ការបោះឆ្នោតជ្រើសតាំងតំណាងរាស្ត្រនៅកម្ពុជាបាន បញ្ចប់ប្រកបដោយជោគជ័យ ។ ម្ចាស់ឆ្នោតជាង ៨ លាននាក់ បានទៅបោះឆ្នោត ស្រូពយក ៨៤.៥៨%។

(VOVWORLD) - កាលពីយប់ថ្ងៃទី ២៣ កក្កដា ប្រធានរដ្ឋវៀតណាមលោក Vo Van Thuong និងលោកជំទាវភរិយា រួមជាមួយនឹងគណៈ ប្រតិភូជាន់ខ្ពស់វៀតណាម បានមកដល់អាកាសយានដ្ឋានអន្តរជាតិ Vienna ចាប់ផ្តើមដំណើរទស្សនកិច្ចជាផ្លូវការនៅសាធារណរដ្ឋអូទ្រីស ដំណើរទស្សនកិច្ចផ្លូវរដ្ឋនៅសាធារណរដ្ឋអ៊ីតាលី និងដំណើរទស្សនកិច្ចនៅបុរីវ៉ាទីកង់ចាប់ពីថ្ងៃទី ២៣ ដល់ថ្ងៃទី ២៨ ខែកក្កដា ឆ្នាំ២០២៣។ ក្នុងបរិបទដែលវៀតណាម និងអូទ្រីសទើបតែប្រារព្ធខួបលើកទី ៥០ ទិវាបង្កើតទំនាក់ទំនងការទូត (ថ្ងៃទី ១ ខែធ្នូ ឆ្នាំ ១៩៧២ - ថ្ងៃទី ១ ខែធ្នូ ឆ្នាំ ២០២២) ដំណើរទស្សនកិច្ចជាផ្លូវការនៅអូទ្រីសលើកនេះ នឹងជំរុញសក្ដានុពលកិច្ចសហប្រតិបត្តិការ និងធ្វើឲ្យទំនាក់ទំនងវៀតណាម-អូទ្រីសកាន់តែស៊ីជម្រៅ។

(VOVWORLD) - ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃទី ១៨ ខែកក្កដាបានបើកកិច្ចប្រជុំលើកដំបូងស្តីពីគ្រោះថ្នាក់ដែលអាចកើតមាននៃបច្ចេកវិទ្យាបញ្ញាសិប្បនិម្មិត (AI) ចំពោះសន្តិភាពនិងសន្តិសុខអន្តរជាតិ។ ត្រូវបានចាត់ទុកជាការទម្លុះទម្លាយនៃបដិវត្តន៍ឧស្សាហកម្ម ៤.០ បច្ចេកវិទ្យា AI នាំមកនូវសក្តានុពលដ៏ធំធេងជាច្រើន ប៉ុន្តែក៏បង្កបញ្ហាប្រឈមដល់មនុស្សជាតិផងដែរ។

(VOVWORLD) - នាពេលកន្លងទៅ ការដែលខ្សែភាពយន្តបរទេសមួយចំនួនត្រូវបានស្ថាប័នមានសមត្ថកិច្ចវៀតណាមចាត់ការយ៉ាងម៉ឺងម៉ាត់ ហាមឃាត់ការផ្សព្វផ្សាយលើវេទិកាអនឡាញនៅវៀតណាម ដោយសារតែមានខ្លឹមសារបំប្លែងប្រវត្តិសាស្ត្រ រំលោភបំពានលើអធិបតេយ្យភាពជាតិ បានទទួលការគាំទ្រ ការស្រុះចិត្តគំនិត និងការវាយតម្លៃខ្ពស់ពីសាធារណមតិ។