(VOVWORLD) - តបតាមការអញ្ជើញរបស់នាយករដ្ឋមន្ត្រីវៀតណាមលោក Pham Minh Chinhនាថ្ងៃស្អែក (ទី ២០ កក្កដា) នាយករដ្ឋមន្ត្រីម៉ាឡេស៊ី លោក Anwar Ibrahim និងលោកជំទាវភរិយានឹងអញ្ជើញមកបំពេញទស្សនកិច្ចផ្លូវការនៅវៀតណាមក្នុងរយៈពេល២ថ្ងៃ។ ដំណើរទស្សនកិច្ចនេះមានអត្ថន័យដ៏ពិសេស ខណៈដែលឆ្នាំនេះគឺគម្រប់ខួបលើកទី ៥០ នៃការបង្កើតទំនាក់ទំនងការទូតវៀតណាម - ម៉ាឡេស៊ី ( ៣០ មីនា ១៩៧៣ - ៣០ មីនា ២០២៣) ដែលជាឱកាសពង្រឹងទំនុកចិត្តនយោបាយ ជំរុញកិច្ចសហប្រតិបត្តិការលើគ្រប់វិស័យ នាំទំនាក់ទំនងទ្វេភាគីប្រកបដោយប្រសិទ្ធភាពជាក់ស្ដែង។

(VOVWORLD) - នាថ្ងៃតី ១៩ កក្កដា ថ្នាក់ដឹកនាំអឺរ៉ុបជា ៥០ រូប និងសហគមន៍នៃបណ្ដាប្រទេសអាមេរិកឡាទីន និងការាបៀនបន្តចូលរួមកិច្ចប្រជុំកំពូលសហភាពអឺរ៉ុប (EU) និងសហគមន៍នៃបណ្ដាប្រទេសអាមេរិកឡាទីន និងការាបៀន (CELAC) ដែលប្រព្រឹត្តិទៅចាប់ពីថ្ងៃទី ១៧ ដល់ថ្ងៃទី ១៩ កក្កដានៅទីក្រុងប្រ៊ុចសែល (បែលហ្សិក)។

(VOVWORLD) - រដ្ឋមន្ត្រីការបរទេសវៀតណាម លោក Bui Thanh Son នៅថ្ងៃទី ១៧ កក្កដា បានអញ្ជើញទៅបំពេញទស្សនកិច្ចជាផ្លូវការនៅប្រទេសសិង្ហបុរី ចាប់ពីថ្ងៃទី១៧ដល់ថ្ងៃទី ១៩ ខែកក្កដា។ នេះគឺជាសកម្មភាពមួយក្នុងចំណោមសកម្មភាពផ្លាស់ប្តូរគណៈប្រតិភូជាន់ខ្ពស់ជាច្រើនរវាងប្រទេសទាំងពីរក្នុងឆ្នាំ ២០២៣ ក្នុងបរិបទដែលប្រទេសទាំងពីររំលឹកខួបលើកទី ៥០ ទិវាបង្កើតទំនាក់ទំនងការទូត (ថ្ងៃទី ១ ខែសីហា ឆ្នាំ ១៩៧៣ - ថ្ងៃទី ១ ខែសីហា ឆ្នាំ ២០២៣) ព្រមទាំងធ្វើឲ្យទំនាក់ទំនងភាពជាដៃគូយុទ្ធសាស្ត្រកាន់តែស៊ីជម្រៅ និងមានប្រសិទ្ធភាព ដែលត្រូវបានបង្កើតឡើងចាប់តាំងពីឆ្នាំ ២០១៣ មក។

(VOVWORLD) - នៅថ្ងៃទី១៤ កក្កដា កិច្ចប្រជុំរដ្ឋមន្ត្រីការបរទេសនៃសមាគមប្រជាជាតិអាស៊ីអាគ្នេយ៍ (អាស៊ាន) លើកទី ៥៦ (AMM-៥៦) និងកិច្ចប្រជុំពាក់ព័ន្ធនានា បានបិទបញ្ចប់ក្រោយរយៈពេល៤ ថ្ងៃប្រជុំផ្លូវការ (ថ្ងៃទី ១១-១៤ ខែកក្កដា) នៅរដ្ឋធានីហ្សាកាតា ប្រទេសឥណ្ឌូ នេស៊ី។ បណ្ដាកិច្ចប្រជុំបានបង្ហាញពីស្មារតីសាមគ្គីភាព និងការទទួលខុសត្រូវរបស់ប្រទេសសមាជិកអាស៊ាន; បញ្ជាក់ពីតម្លៃនៃកិច្ចសន្ទនា និងកិច្ចសហប្រតិបត្តិការក្នុងក្របខណ្ឌអាស៊ាន រវាងអាស៊ានជាមួយដៃគូ ក៏ដូចជារវាងប្រទេសនានាផងដែរ ក្នុងបរិបទដែលពិភពលោកមានការប្រែប្រួលជាច្រើន។

(VOVWORLD) - ទាក់ទិននឹងការវាយប្រហារភេរវកម្មរបស់ក្រុមប្រដាប់អាវុធដែលបានវាយប្រហារទីស្នាក់ការគណៈកម្មាធិការប្រជាជននៃឃុំ Ea Ktur និង Ea Tieu ស្រុក Cu Kuin ខេត្ត Dak Lak កាលពីថ្ងៃទី ១១ ខែមិថុនា ស្ថាប័នស៊ើបអង្កេតបានចាប់ផ្តើមប្តឹងចោទប្រកាន់លើសំណុំរឿងនេះ ហើយបានចាប់ខ្លួនមុខសញ្ញាពាក់ព័ន្ធដើម្បីធ្វើការស៊ើបអង្កេតនិងចាត់ការតាមច្បាប់។ ទោះជាយ៉ាងនេះក្តី កម្លាំងអរិភាពបាននិងកំពុងឆ្លៀតយកផលប្រយោជន៍ពីករណីញុះញង់នេះ ដើម្បីបំផ្លិចបំផ្លាញ បង្កអស្ថិរភាពពីខាងក្នុង បង្កើតលេសអំពាវនាវឱ្យប្រទេស និងអង្គការអន្តរជាតិជួយអន្តរាគមន៍ផ្ទៃក្នុង ដើម្បីមូលបង្កាច់លើរឿងថា វៀតណាមតែងតែធានាលក្ខខណ្ឌសម្រាប់គ្រប់ជនជាតិទាំងអស់មានសមភាព សាមគ្គីភាព គោរពគ្នាទៅវិញទៅមក និងរួមគ្នាអភិវឌ្ឍន៍។

(VOVWORLD) - កិច្ចប្រជុំក្រុមប្រឹក្សាអន្តរសភានៃសមាគមប្រជាជាតិអាស៊ីអាគ្នេយ៍ (AIPA Caucus) លើកទី ១៤ បានបិទបញ្ចប់នាថ្ងៃទី ១១ កក្កដា ក្រោយរយៈពេលពីរថ្ងៃធ្វើការ (ថ្ងៃទី ១០ ដល់ថ្ងៃទី ១១ ខែកក្កដា) នៅកោះ Phu Quoc ខេត្ត Kien Giang ប្រទេសវៀតណាម។ នៅក្នុងកិច្ចប្រជុំ សភាសមាជិក AIPA បានពិនិត្យ និងពិភាក្សាអំពីរបាយការណ៍ជាតិស្តីពីស្ថានភាពអនុវត្តសេចក្តីសម្រេចចិត្តរបស់មហាសន្និបាត AIPA លើកទី ៤៣ របាយការណ៍របស់លេខាធិការដ្ឋាន AIPA និងរបាយការណ៍ស្តីពីលទ្ធផលនៃកិច្ចប្រជុំ AIPA Caucus លើកទី ១៤ ហើយបញ្ជាក់ពីកិច្ចខិតខំប្រឹងប្រែងរបស់ AIPA ដើម្បីដាក់សេចក្ដីសម្រេចចិត្តរបស់ AIPA ចូលក្នុងការអនុវត្តជាក់ស្ដែងផងដែរ។

(VOVWORLD) - ទិវាប្រជាជនពិភពលោក (ថ្ងៃទី១១ ខែកក្កដា) ឆ្នាំនេះ ប្រទេសជាច្រើនកំពុងខិតខំប្រឹងប្រែងស្វែងរកវិធីសម្របខ្លួនទៅនឹងនិន្នាការប្រជាសាស្រ្ត ដើម្បីដោះស្រាយបញ្ហាសាកល្បង ក៏ដូចជាក្ដាប់ឱកាសពីបញ្ហាប្រជាជន សំដៅបង្កើតកម្លាំងចលករដល់ការអភិវឌ្ឍប្រកបដោយចីរភាព។ ទាក់ទងនឹងបញ្ហានេះ អង្គការសហប្រជាជាតិបានសង្កត់ធ្ងន់លើភាពចាំបាច់ក្នុងការជំរុញសមភាពយេនឌ័រ ដើម្បីសម្រេចឲ្យបាន ក្តីសុបិនអភិវឌ្ឍន៍ប្រកបដោយចីរភាពរបស់មនុស្សចំនួន ៨ ពាន់លាននាក់ ដែលកំពុងរស់នៅក្នុងភពផែនដី។

(VOVWORLD) - នាថ្ងៃទី១១ ខែកក្កដា កិច្ចប្រជុំរដ្ឋមន្ត្រីការបរទេសសមាគមន៍ប្រជាជាតិអាស៊ីអាគ្នេយ៍ (អាស៊ាន) លើកទី៥៦ (AMM-56) នឹងបើកនៅទីក្រុងហ្សាកាតា (ឥណ្ឌូនេស៊ី)។ ក៏នៅ នាថ្ងៃទី១០ ខែកក្កដានេះដែរ បានប្រព្រឹត្តិទៅសកម្មភាពថ្នាក់រដ្ឋមន្ត្រីក្នុងក្របខ័ណ្ឌ AMM-56។ នេះគឺជាសកម្មភាពដែលមានទ្រង់ទ្រាយធំបំផុតប្រចាំឆ្នាំរបស់រដ្ឋមន្ត្រីការបរទេសអាស៊ាន។ គណៈប្រតិភូវៀតណាមដឹកនាំដោយរដ្ឋមន្ត្រីការបរទេសលោក Bui Thanh Son អញ្ជើញចូលរួមកិច្ចប្រជុំនឹងរួមចំណែកយ៉ាងសកម្ម ម្ចាស់ការ ដើម្បីសារៈសំខាន់នៃអាស៊ាន។

(VOVWORLD) - តាមការរំពឹងទុក នៅដើមសប្តាហ៍ក្រោយ (ថ្ងៃទី ១១ ខែកក្កដា) ក្រុមប្រឹក្សាសិទ្ធិមនុស្សនៃអង្គការសហប្រជាជាតិ នឹងបើកសម័យប្រជុំបន្ទាន់មួយ ដើម្បីពិភាក្សាអំពីករណីដុតគម្ពីរកូរ៉ាន ដែលបានកើតឡើងនៅខាងក្រៅវិហារឥស្លាមដ៏ធំបំផុតក្នុងរដ្ឋធានី Stockholm (ប្រទេសស៊ុយអែត) នៅថ្ងៃទី ២៨ ខែមិថុនាកន្លងទៅ។ ករណីនេះគឺជាកណ្តឹងរោទិ៍អំពីការកើនឡើងនៃការស្អប់ខ្ពើមសាសនា ដែលបង្កឲ្យមានជម្លោះកាន់តែច្រើនរវាងពិភពឥស្លាម និងសង្គមអ៊ឺរ៉ុប និងជាហានិភ័យដែលបង្កឡើងអំពើស្អប់ខ្ពើម និងអំពើហឹង្សាលើពិភពលោក។

(VOVWORLD) - “ការទូតឫស្សីវៀតណាម” គឺជាទស្សនៈត្រូវបានអ្នកការទូតជាច្រើនរូបលើកឡើង នៅពេលស្តីអំពីគោលនយោបាយការបរទេសរបស់វៀតណាម។ ទស្សនៈនេះមិនមែនជាបែបការទូតថ្មីទេ ប៉ុន្តែជាការសង្ខេប និងជានិមិត្តរូបនីយកម្មនៃគោលមាគ៌ាកិច្ចការបរទេសដែលបក្សកុម្មុយនិស្តវៀតណាមបាននិងកំពុងអនុវត្តន៍ ដោយមានការរួមចំណែកយ៉ាងសំខាន់ក្នុងការអភិវឌ្ឍន៍ប្រទេសជាតិ។