(VOVWORLD) - នាយករដ្ឋមន្ត្រីនៃសាធារណៈរដ្ឋសង្គមនិយមវៀតណាមលោក Pham Minh Chinh រួមជាមួយគណៈប្រតិភូជាន់ខ្ពស់វៀតណាមកំពុងចូលរួមកិច្ចប្រជុំកំពូលអាស៊ានលើកទី ៤៣ និងកិច្ចប្រជុំកំពូលពាក់ព័ន្ធនៅទីក្រុង Jakarta ប្រទេសឥណ្ឌូនេស៊ី ចាប់ពីថ្ងៃទី ៤ ដល់ថ្ងៃទី៧ ខែកញ្ញា។

(VOVWORLD) - យោងតាមតួរលេខថ្មីបំផុតពីអគ្គនាយកដ្ឋានស្ថិតិ គិតត្រឹមពាក់កណ្តាលខែសីហាឆ្នាំនេះ ទុនវិនិយោគផ្ទាល់ពីបរទេស (FDI) ដែលបានចុះបញ្ជីសរុបចូល វៀតណាមសម្រេចបានជាង១៨ ពាន់លានដុល្លារអាមេរិក កើនឡើង ៨,២% បើធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនោះ ខែកក្កដាកន្លងទៅក៏ជាខែដំបូងដែលទេសចរណ៍វៀតណាមទទួលភ្ញៀវអន្តរជាតិជាង ១ លាននាក់ ចាប់តាំងពីបើកដំណើរការឡើងវិញក្រោយជំងឺកូវីដ-១៩ កាលពីខែមីនាឆ្នាំមុន។ សញ្ញាវិជ្ជមានទាំងនេះបង្ហាញថា វៀតណាមនៅតែជា “ជម្រើស” របស់វិនិយោគិនបរទេស និងជាគោលដៅទាក់ទាញសម្រាប់ភ្ញៀវទេសចរអន្តរជាតិ។

(VOVWORLD) - សេចក្តីប្រកាសឯករាជ្យ ដោយលោកប្រធានហូជីមិញអញ្ជើញអាននៅទីលាន Ba Dinh ថ្ងៃទី ២ ខែកញ្ញា មុននេះ ៧៨ឆ្នាំ គឺជាសេចក្តីប្រកាសវីរភាពទៅកាន់ពិភពលោកអំពីប្រទេសវៀតណាមឯករាជ្យ និងប្រជាជនវៀតណាម មានសេរីភាពធ្វើជាម្ចាស់ជោគវាសនារបស់ខ្លួន។ ចាប់តាំងពីពេលនោះមក ពាក្យ “ឯករាជ្យ” និង “សេរីភាព” បានក្លាយជាត្រីវិស័យក្នុងដំណើរការពារ និងកសាងប្រទេសរបស់ប្រជាជនវៀតណាមក្នុងរយៈពេល ៧៨ ឆ្នាំកន្លងមក។

(VOVWORLD) - ក្រោយពីកម្រិតកំណើន GDP ត្រឹមតែ ៣,៧២% នៅក្នុងឆមាសទីមួយនៃឆ្នាំនេះ សេដ្ឋកិច្ចរបស់វៀតណាមបានកត់ត្រានូវសញ្ញាវិជ្ជមាននានា។ លទ្ធផលនេះបង្ហាញឲ្យឃើញពីប្រសិទ្ធភាពក្នុងការប្រតិបត្តិម៉ាក្រូសេដ្ឋកិច្ចរបស់រដ្ឋាភិបាលក្នុងរយៈពេលកន្លងមក។ រដ្ឋាភិបាលវៀតណាមបានកំណត់ថា នឹងរួមជាមួយក្រសួង ស្ថាប័ន និងមូលដ្ឋាននានា ឆ្លៀតយកឱកាសថ្មីៗ ជំនះពុះពារលើឧបសគ្គ និងបញ្ហាប្រឈម ដើម្បីស្តារសន្ទុះកំណើនឡើងវិញ ហើយសម្រេចបានគោលដៅអភិវឌ្ឍន៍សេដ្ឋកិច្ច-សង្គមដែលបានកំណត់សម្រាប់ពេញឆ្នាំនេះ។

(VOVWORLD) - វៀតណាមក្លាយជាប្រទេសសមាជិកទី ១៥៨ នៃអនុសញ្ញាប្រឆាំងការធ្វើទារុណកម្ម និងទម្រង់ប្រព្រឹត្តយ៉ាងឃោរឃៅ អមនុស្សធម៌ ឬទង្វើថោកទាបផ្សេងទៀត (ហៅកាត់ថា អនុសញ្ញាប្រឆាំងការធ្វើទារុណកម្ម ឬអនុសញ្ញា CAT) នាឆ្នាំ ២០១៥។ ការអនុវត្តអនុសញ្ញាប្រឆាំងនឹងការធ្វើទារុណកម្ម ជាមួយនឹងដំណោះស្រាយជាច្រើនក្នុងរយៈពេលថ្មីៗនេះ បញ្ជាក់កាន់តែច្បាស់អំពីការប្តេជ្ញាចិត្ត និងគោលនយោបាយយ៉ាងខ្ជាប់ខ្ជួនរបស់វៀតណាមក្នុងការធានាសិទ្ធិមនុស្ស។

(VOVWORLD) - សេចក្តីសម្រេចចិត្តនៃមហាសន្និបាតបក្សលើកទី១៣ បានសង្កត់ធ្ងន់ថា ទិសដៅអភិវឌ្ឍន៍វប្បធម៌ និងប្រទេសជាតិដំណាក់កាល ២០២១-២០៣០ គឺ “អភិវឌ្ឍន៍មនុស្ស គ្រប់ជ្រុងជ្រោយ និងកសាងវប្បធម៌វៀតណាមជឿនលឿន ពោរពេញទៅដោយអត្តសញ្ញាណជាតិ ដើម្បីវប្បធម៌ក្លាយទៅជាកម្លាំងពលំផ្ទៃក្នុង កម្លាំងចលករអភិវឌ្ឍន៍ប្រទេសជាតិ និងការពារមាតុភូមិ”។

(VOVWORLD) - រដ្ឋមន្ត្រីក្រសួងពាណិជ្ជកម្មអាមេរិកលោកស្រី Gina Raimondo កំពុងបំពេញទស្សនកិច្ចនៅប្រទេសចិន ក្នុងរយៈពេល ៤ ថ្ងៃ (ចាប់ពីថ្ងៃទី ២៧ ដល់ថ្ងៃទី ៣០ សីហា) ។ ដំណើរទស្សនកិច្ចនេះ ត្រូវបានចាត់ទុកថានឹងស្រាយចំណងភាពតានតឹងពាណិជ្ជកម្ម ជំរុញការសន្ទនា សំដៅនាំទំនាក់ទំនងពាណិជ្ជកម្មទ្វេភាគីវិលត្រឡប់មករកគន្លងប្រក្រតីភាព។

(VOVWORLD) - នាយករដ្ឋមន្ត្រីសិង្ហបុរីលោក Lee Hsien Loong និងលោកជំទាវកំពុងបំពេញទស្សនកិច្ចជាផ្លូវការនៅវៀតណាមតាមការអញ្ជើញរបស់នាយករដ្ឋមន្ត្រីវៀតណាម លោក Pham Minh Chinh (ថ្ងៃទី ២៧-២៩ ខែសីហា)។ នេះជាលើកទី៥ហើយ ដែលលោក Lee Hsien Loong អញ្ជើញមកបំពេញទស្សនកិច្ចនៅវៀតណាម ក្នុងឋានៈជានាយករដ្ឋមន្ត្រី ដោយបង្ហាញពីភាពស្និទ្ធស្នាល និងស្អិតរមួតរវាងសិង្ហបុរី ក៏ដូចជាលោកនាយករដ្ឋមន្ត្រីផ្ទាល់ជាមួយវៀតណាម។

(VOVWORLD) - កិច្ចប្រជុំកំពូលលើកទី ១៥ ក្រុមប្រទេសមានសេដ្ឋកិច្ចលូតលាស់ថ្មីទាំង ៥លើពិភពលោក (BRICS) បានបិទកាលពីថ្ងៃទី ២៤ សីហា នៅទីក្រុង Johannesburg (ប្រទេសអាហ្វ្រិកខាងត្បូង) បន្ទាប់ពីកិច្ចប្រជុំរយៈពេល ៣ ថ្ងៃ (ថ្ងៃទី ២២-២៤ ខែសីហា)។ កិច្ចប្រជុំបានសម្រេចចិត្តពង្រីកប្លុក ពង្រឹងកម្លាំងសេដ្ឋកិច្ចដើម្បីសម្រេចបាននូវគោលដៅរួមគ្នាពន្លឿនការអភិវឌ្ឍប្រកបដោយចីរភាព។

(VOVWORLD) - បន្ទាប់ពីបានកែសម្រួលជាច្រើនលើក រហូតមកដល់ពេលនេះ សេចក្តីព្រាងច្បាប់ភូមិបាល (ធ្វើវិសោធនកម្ម) បានចែងយ៉ាងច្បាស់អំពីគោលនយោបាយធានាដីធ្លីសម្រាប់សកម្មភាពសហគមន៍ និងគោលនយោបាយបែងចែកដីធ្លី ការជួលដីលំនៅដ្ឋាន និងដីផលិតកម្មសម្រាប់ជនជាតិភាគតិចជាគ្រួសារក្រីក្រនៅតំបន់ដែលមានស្ថានភាពសេដ្ឋកិច្ច-សង្គមលំបាក។ សមាជិករដ្ឋសភាបានចាត់ទុកថា ការធ្វើវិសោធនកម្មនេះនឹងដោះស្រាយការខ្វះខាតដីលំនៅដ្ឋាន ដីផលិតកម្ម ឈានដល់ការលើកកំពស់ជីវភាពរស់នៅរបស់ប្រជាជន ព្រមទាំងរួមចំណែកធានាការអភិវឌ្ឍប្រកបដោយចីរភាពនៅតំបន់ជនជាតិភាគតិច។