VOVWORLD_ដោយមានឆន្ទៈនិងស្មារតីជាយុទ្ធជនគឺព្យាយាមជំនៈ
លើស្ថានភាពលំបាកជានិច្ចនោះអតីតយុទ្ធជន Trinh Van SyនៅឃុំNgu
Hiepស្រុកCai Layខេត្តTien Giang ភាគខាងត្បូងវៀតណាមបានខិតខំប្រឹង
ប្រែងធ្វើសេដ្ឋកិច្ចគ្រួសារហើយរកបានចំណូលរាប់ពាន់លានដុងជារៀងរាល់
ឆ្នាំ។សព្វថ្ងៃលោកជាគំរូបុគ្គល ធ្វើសេដ្ឋកិច្ចពូកែនៅក្នុងតំបន់ ។
មុននេះ៣០ឆ្នាំក្រោយពីបញ្ចប់ការបំរើក្នុងកងទ័ព លោកTrinh Van Sy
វិលត្រឡប់ទៅស្រុកវិញហើយចាប់ផ្ដើមការរកស៊ីចិញ្ចឹមគ្រួសារ។នាគ្រានោះ
គ្រួសារលោកមានដីធ្លីតែ៣០០០ម៉ែត្រក្រឡាប៉ុណ្ណោះ។ដោយជីវភាពរស់នៅ
ជួបការលំបាកលោកបានធ្វើការងារជាច្រើនខុសៗគ្នា មានទាំងការលីសែង
ដល់កម្មករសំណង់។ពេលសំចៃបានប្រាក់ខ្លះៗហើយលោកចាប់ផ្ដើមកែប្រែ
ចំការដើម្បីដាំក្រូចឃ្វិច។មានចំណូលខ្ពស់ពីការលក់ឃ្វិចលោកបន្តទិញបន្ថែម
ដីសំរាប់ដាំទុរេន។គិតរហូតមកលដល់សព្វថ្ងៃនេះលោក Sy ជាម្ចាស់កសិដ្ឋាន
ដាំទុរេនលើផ្ទៃដី១ហិកតាកន្លះ។ជារៀងរាល់ឆ្នាំលោកប្រមូលផលផ្លែទុរេនបាន
ចំនួន១៥តោនដោយចំណេញជាង១ពាន់លានដុង។
ទន្ទឹមនឹងការធ្វើចំការលោកTrinh Van Syនៅម៉ៅការកំពង់ដមួយចំនួន
នៅស្រុកCai Lay ខេត្តTien Giangទៀតផង។សេវាដឹកជញ្ជូនតាមផ្លូវទឹកនេះ
គ្រួសារលោករកបានប្រាក់ចំណូលពី២ដល់៣ពាន់លានដុងជារៀងរាល់ឆ្នាំ។
លទ្ធផលនេះបានមកដោយសារការខិតខំប្រឹងប្រែងមិនចេះនឿយណាយរបស់
លោកTrinh Van Sy។លោកបានចែករំលែកថា
“ ទទួលបានលទ្ធផលនេះគឺដោយសារខ្ញុំធ្លាប់ជាកងទ័ពហើយបានរៀន
សូត្រគំរូសីលធម៌លោកប្រធានហូជីមិញរួមជាមួយការឧស្សាហធ្វើពលកម្មនិង
សន្សំសំចៃ។ដោយសារប្រមូលបានផលទុរេនយ៉ាងច្រើនបានជាគ្រួសារខ្ញុំមាន
ដើមទុនសំរាប់ពង្រីកផលិតកម្មព្រមទាំងមានលទ្ធភាពជួយឧបត្ថម្ភដល់បណ្ដា
គ្រួសារ ក្រីក្រដូចគ្រូសារខ្ញុំមុននេះទៀតផង”។
![អតីតយុទ្ធជន Trinh Van Sy ធ្វើសេដ្ឋកិច្ចពូកែ - ảnh 1](https://image.vovworld.vn/w730/uploaded/vovworld/cqjwqkrwq/2016_12_29/vov_sysaurieng_gehs_copy.jpg) |
សព្វថ្ងៃនេះលោក Sy ជាម្ចាស់កសិដ្ឋានដាំទុរេនលើផ្ទៃដី១ហិកតាកន្លះ |
លោកTrinh Van Syបានឲ្យដឹងទៀតថានាពេលខាងមុខនេះលោកនឹងបណ្ដាក់
ទុនបន្ថែមដើម្បីបើកទូលាយផ្ទៃដីដាំដំណាំទុរេនដោយផ្សារភ្ជាប់ជាមួយរូបសណ្ឋាន
ទេសចរណ៍អេកូឡូស៊ី។លោកបានថ្លែងយ៉ាងដូច្នេះថា
“ នាពេលខាងមុខនេះខ្ញុំនឹងទិញរថយន្តសង្គ្រោះមួយគ្រឿងក្នុងតំលៃ៦០០
លានដុងដើម្បីដឹកអ្នកជំងឺក្រីក្រដោយឥតគិតថ្លៃ។រីឯចំពោះចំការទុរេន គឺខ្ញុំ
នឹងពង្រីកទេសចរណ៍ធម្មជាតិ។ខ្ញុំអំពាវនាវឲ្យគេមកវិនិយោគទុនលើវិស័យ
ទេសចណ៍និងកសាងជនបទថ្មីដើម្បីអភិវឌ្ឍន៍សេដ្ឋកិច្ច”។
ក្រៅពីការធ្វើសេដ្ឋកិច្ចពូកែលោកTrinh Van Syក៏សកម្មចូលរួមសកម្មភាព
សង្គមនៅនឹងតំបន់ផងដែរ។ក្នុងមួយឆ្នាំៗលោករួមវិភាគទានជាប្រាក់ចំនួន
៤០០លានដុង(ស្មើនឹងជាង១៨ពាន់ដុល្លារអាមេរិក)ដើម្បីជួយឃុំ Tam Binh
និងឃុំNgu Hiepកសាងជនបទថ្មីនិងផ្ទះកុសលទាន។ស្ដីពីគំរូជំនៈលើការលំបាក
និងឧបសគ្គរបស់លោកSy អនុប្រធានសមាគមកសិករ ឃុំNgu Hiepលោក
Phan Van Chot បានថ្លែងថា
“លោកTrinh Van Syជាកសិករពូកែធ្វើចំការនិងសេវារបស់ឃុំNgu Hiep។
ក្នុងការកសាងជនបទថ្មី លោកបានសកម្មរួមវិភាគទាននូវសំភារៈនិងកំលាំង
ពលកម្មដើម្បីរួមជាមួយឃុំកសាងជនបទថ្មី”។
នាបច្ចុប្បន្ននេះអតីតយុទ្ធជនTrinh Van Syជាគំរូបុគ្គលធ្វើសេដ្ឋកិច្ចពូកែ
ដែលត្រូវបានអ្នកស្រុកគោរពរាប់អាននិងរៀនសូត្រតាម៕