VOVWORLD_រដូវផ្ការីកបានមកដល់ជាមួយជនរួមជាតិជនជាតិ Ma នៅភូមិ
B’Dong ឃុំQuang Khe ស្រុកDac G’long ខេត្តDac Nong។ នៅពេលជួបជុំគ្នា បងប្អូន
ក្នុងភូមិតែងតែជជែកអំពីលោក K’So ជាកសិករបង្កបង្កើនផលពូកែមួយរូបហើយ
ត្រៀមខ្លួនជានិច្ចជួយអ្នកភូមិធ្វើការរកស៊ីអភិវឌ្ឍសេដ្ឋកិច្ចគ្រួសារ។
B’Dong ជាឃុំជួបការលំបាកជាពិសេសដែលមានប្រជាជនចំនួនជាង១០០០
នាក់ជាជនជាតិខុសពីគ្នាចំនួន៨។ មេភូមិ B’Dong គឺលោក K’So ជនជាតិ Ma ជាគំរូ
ហ៊ានគិតហ៊ានធ្វើ ឈានមុខគេក្នុងចលនាអភិវឌ្ឍន៍សេដ្ឋកិច្ច ហើយបានក្លាយទៅជា
សេដ្ឋីស្រុកស្រែ។
មុននេះគ្រួសារលោក K’Soក្រីក្រណាស់ដោយមានកូនច្រើនបានជាលោកមិន
ហ៊ានគិតដល់ការឈានទៅធ្វើមានធ្វើបានទេ។ នាឆ្នាំ២០០៨ដោយបានធនាគារ
គោលនយោបាយសង្គមជួយឧបត្ថម្ភឲ្យខ្ចីប្រាក់ចំនួន១០លានដុង លោក K’So បាន
ទិញគោញីចំនួន៦ក្បាល។ ក្នុងអំឡុងពេល១ឆ្នាំដំបូងហ្វូងគោរបស់លោកកើតបន្ថែម
កូនគោចំនួន៦ក្បាលហើយពង្រីកជាបន្តបន្ទាប់ជាប្រចាំឆ្នាំ។ នាបច្ចុប្បន្ននេះ
កសិដ្ឋានរបស់លោកមានគោ៤០ក្បាលក្នុងនោះមានមេគោចំនួន៣០ក្បាល។ ជា
រៀងរាល់ឆ្នាំមេគោទាំងនេះកើតកូនបានចំនួន២០ក្បាល។ផាត់ចំណាយនានាគ្រួសារ
លោករកបានប្រាក់ចំណូលជាង៤០០លានដុងក្នុងមួយឆ្នាំ។ ជីវភាពរស់នៅរបស់
គ្រួសារលោកត្រូវបានលើកស្ទួយជាលំដាប់។ លោកកសាងបានផ្ទះថ្ម និងទិញ
បន្ថែមប្រដាប់ប្រដាប្រើប្រាស់ថ្មីៗ។ ក្នុងចំនោមកូន៧នាក់របស់លោកគឺមាន៤នាក់
បានកសាងគ្រួសារនិងមានគេហដ្ឋានរៀងៗខ្លួន រីឯ៣នាក់ទៀតកំពុងរៀនសូត្រនៅ
សាលា។ ស្ដីពីការធ្វើសេដ្ឋកិច្ចគ្រួសារ លោក K’Soបានឲ្យដឹងថា
“ មុននេះគ្រួសារខ្ញុំដាំកាហ្វេលើផ្ទៃដី៣,៥ហិកតា ចិញ្ចឹមគោ ហើយដាំបន្ថែម
ពោតនិង ដំណាំរយៈពេលខ្លីគឺសណ្ដែក។គ្រួសារខ្ញុំចិញ្ចឹមគោចំនួន៣០ក្បាលដោយ
ប្រើលាមកគោធ្វើជីដាក់ឲ្យដំណាំដើម្បីកាត់បន្ថយប្រាក់ចំណាយ។ គ្រួសារខ្ញុំតែង
តែរៀនបទពិសោធន៍និងបច្ចេកទេសកសិកម្មព្រមទាំងចូលរួមវគ្គហ្វឹកហ្វឺនពីរូប
សណ្ឋានផ្សេងៗដើម្បីយកចំណេះវិជ្ជាមកអនុវត្តនៅកសិដ្ឋាននៃគ្រួសារ។ ចាប់តាំង
ពីពេលអនុវត្តវិទ្យាសាស្រ្តនិងបច្ចេកទេសមកទិន្នផលបង្កបង្កើនផលបានកើនឡើង
យ៉ាងខ្លាំង”។
![K’So អ្នកនាំមកជីវភាពរស់នៅថ្មីជូនសហគមន៍ - ảnh 1](https://image.vovworld.vn/w730/uploaded/vovworld/cqjwqkrwq/2016_03_03/dac-nong-260715.jpg) |
ក្នុងឋានៈមេភូមិ លោក K’So បានស្នើរឲ្យឃុំ Quang Kheបង្កើតសហករចិញ្ចឹមគោ បើកវគ្គហ្វឹកហាត់វិធីចិញ្ចឹមគោសំរាប់ប្រជាកសិករផ្លាស់ប្ដូរបទពិសោធន៍ថែទាំបង្ការោគឲ្យសត្វគោសំដៅនាំមកប្រសិទ្ធិភាពខ្ពស់ជាង។ |
ក្នុងរយៈពេលកន្លងទៅនេះដោយសារមានកិត្យានុភាព មេភូមិ B’Dong លោក
K’Soបានធ្វើល្អនូវការងារឃោសនា ចលនាប្រជាជនអនុវត្តគោលនយោបាយរបស់
បក្សនិងរដ្ឋ ព្រមទាំងបោះបង់ចោលនូវទំនៀមទំលាប់ចាស់ដែលលែងមាន
អត្ថប្រយោជន៍ទៀត។ លោកក៏ជួយអ្នកភូមិអំពីដើមទុននិងរបៀបរកស៊ីពង្រីក
ផលិតម្មកសិកម្មផងដែរ។ លោក K’So បានថ្លែងថា
“ ខ្ញុំតែងតែលើកទឹកចិត្តនិងជួយឧបត្ថម្ភប្រជាពលរដ្ឋក្នុងភូមិ។ ចំពោះគ្រួសារ
ក្រីក្រខ្ញុំឲ្យគោ។ ឆ្នាំទៅមិញខ្ញុំផ្ដល់គោជូនគ្រួសារមួយ និងលក់គោក្នុងតំលៃថោកឲ្យ
២គ្រួសារផ្សេងទៀតដើម្បីគេអភិវឌ្ឍសេដ្ឋកិច្ចបានយូរអង្វែង។ទន្ទឹមនេះខ្ញុំក៏ចលនា
បងប្អូនធ្វើការរកស៊ី ដាំដុះថែទាំដំណាំកាហ្វេត្រឹមត្រូវតាមបច្ចេកទេសផងដែរ”។
ក្នុងឋានៈមេភូមិ លោក K’So បានស្នើរឲ្យឃុំ Quang Kheបង្កើតសហករចិញ្ចឹម
គោ បើកវគ្គហ្វឹកហាត់វិធីចិញ្ចឹមគោសំរាប់ប្រជាកសិករផ្លាស់ប្ដូរបទពិសោធន៍ថែទាំ
បង្ការោគឲ្យសត្វគោសំដៅនាំមកប្រសិទ្ធិភាពខ្ពស់ជាង។ ស្ដីពីបញ្ហានេះ ប្រធាន
គណកម្មាធិការប្រជាជនឃុំ Quang Kheស្រុកDac G’long ខេត្តDac Nong លោក
Nguyen Huu Kienបានឲ្យដឹងថា
“ គ្រួសារលោក K’Soបានមានការខំប្រឹងប្រែងយ៉ាងខ្លាំងក្នុងផលិតកម្មកសិកម្ម
ហើយធ្វើការរកស៊ីប្រកបដោយប្រសិទ្ធិភាពខ្ពស់។ក្រៅពីនេះលោកបានចលនា
ប្រជាជនក្នុងភូមិជំរុញការងារបង្កបង្កើនផល។ ជាក់ស្ដែងគឺហ្វូងគោនៅក្នុងភូមិ
B’Dongឥឡូវមានរាប់រយក្បាល ហើយចំការកាហ្វេនានាក៏ផ្ដល់ទិន្នផលយ៉ាងខ្ពស់
ដែរ”។
ក្នុងឆ្នាំ២០១៦នេះគ្រួសារលោក K’Soគ្រោងនឹងទិញដីបន្ថែមជិតកន្លះហិកតា
សំរាប់ដាំម្រេចនិងចិញ្ចឹមគោកាត់ពូជ។ គ្រប់ពេលវេលា លោកសុំឲ្យបងប្អូនក្នុងភូមិ
រួមគ្នារៀនបទពិសោធន៍រកស៊ីដើម្បីគ្រួសារទាំងអស់គ្នាកាត់បន្ថយភាពក្រីក្រនិង
ឈានឡើងធ្វើមានធ្វើបាន៕