(VOVWORLD) - ក្រសួងការបរទេសវៀតណាមនិងកម្មវិធីអភិវឌ្ឍន៍របស់អង្គការសហប្រជាជាតិ (UNDP) ទើបបានសម្របសម្រួលរៀបចំសិក្ខាសាលាពិគ្រោះយោបល់លើសេចក្តីព្រាងរបាយការណ៍ពាក់កណ្តាលអាណត្តិស្ម័គ្រចិត្តលើកទី២ ស្តីពីអនុសាសន៍នៃយន្តការត្រួតពិនិត្យតាមកាលកំណត់ជាសកល (UPR) វដ្តទី III របស់ វៀតណាម។ ការស្ម័គ្រចិត្តកសាងរបាយការណ៍ពាក់កណ្តាលអាណត្តិស្តីពីការអនុវត្តដោយស្ម័គ្រចិត្តនូវអនុសាសន៍ UPR រួមជាមួយនឹងបេក្ខភាពចូលក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិឆ្នាំ ២០២៣-២០២៥ បានបញ្ជាក់ថា វៀតណាមតែងតែគោរពនិងចូលរួមយ៉ាងពេញលេញក្នុងយន្តការត្រួតពិនិត្យជាសកល (UPR) និងមានបំណងរួមចំណែកយ៉ាងសកម្ម មានទំនួលខុសត្រូវ និងប្រកបដោយប្រសិទ្ធភាពជាងទៀតដល់កិច្ចខិតខំប្រឹងប្រែងរួមគ្នា ដើម្បីជំរុញនិងការពារសិទ្ធិមនុស្សជុំវិញពិភពលោក។

(VOVWORLD) - អំពើពុករលួយមាននៅក្នុងប្រទេសជាច្រើនទូទាំងពិភពលោក រួមទាំងប្រទេសមានសេដ្ឋកិច្ចអភិវឌ្ឍន៍និងប្រទេសក្រីក្រផងដែរ។ ដូច្នេះហើយត្រូវមានការរួមដៃគ្នាធ្វើសកម្មភាព រួមកម្លាំងកាយក្នុងការប្រយុទ្ធ របស់សហគមន៍អន្តរជាតិដើម្បីប្រឆាំងនឹងការគំរាមកំហែងជាសកលនេះ។ ការងារបង្ការ ប្រឆាំងអំពើពុករលួយត្រូវបានបក្សនិងរដ្ឋវៀតណាមអនុវត្តន៍យ៉ាងខ្លាំងក្លា ចាប់តាំងពីវៀតណាមបានចុះហត្ថលេខាលើអនុសញ្ញាអង្គការសហប្រជាជាតិស្តីពីការទប់ស្កាត់អំពើពុករលួយនៅថ្ងៃទី ៩ ខែធ្នូ ឆ្នាំ ២០០៣ រហូតមកដល់បច្ចុប្បន្ន។

(VOVWORLD) - សេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាមដែលបានដាក់កត្តាមនុស្សនិងសន្តិសុខមនុស្សជាចំណុចកណ្តាលនៃសកម្មភាពទាំងអស់។ សេចក្តីសម្រេចចិត្តរបស់បក្សក៏បានអះអាងថា ការធានាសន្តិសុខមនុស្ស គឺជាគោលដៅសម្រាប់កិច្ចខិតខំប្រឹងប្រែងផងនិងជាកម្លាំងចលករសម្រាប់ស្ថិរភាពនយោបាយសង្គម និងអភិវឌ្ឍន៍ប្រទេសជាតិប្រកបដោយវិបុលភាព សុភមង្គល និងស្ថិតស្ថេរគងវង្សជានិរន្តផងដែរ។

(VOVWORLD) - ប៉ុន្មានឆ្នាំកន្លងទៅ ការកសាងវប្បធម៌ជឿនលឿន ពោរពេញទៅដោយអត្តសញ្ញាណជាតិ ដើម្បីឆ្លើយតបតម្រូវការនៃការអភិវឌ្ឍប្រកបដោយចីរភាពរបស់ប្រទេសជាតិ តែងតែជាទស្សនៈមុនក៏ដូចជាក្រោយរបស់បក្សនិងរដ្ឋវៀតណាម។ ឆ្នាំ ២០២១ បានគូសសញ្ញាសម្គាល់ដ៏សំខាន់មួយក្នុងការអភិវឌ្ឍរបស់ប្រទេសជាតិ នៅពេលដែល មហាសន្និបាតលើកទី ១៣ របស់បក្សកុម្មុយនិស្តវៀតណាម បានកំណត់ទិសដៅសំខាន់ៗសម្រាប់ប៉ុន្មានឆ្នាំខាងមុខ ដែលក្នុងនោះ តួនាទីនៃវប្បធម៌ត្រូវបានសង្កត់ធ្ងន់ជាពិសេស។ ក្នុងដំណើរការនោះ សន្និសីទវប្បធម៌ជាតិដែលបានប្រព្រឹត្តទៅនៅថ្ងៃទី ២៤ ខែវិច្ឆិកា ឆ្នាំ ២០២១ គឺជាជំហានមួយដើម្បីអនុវត្តន៍ជាក់ស្តែង នូវទិសដៅ និងភារកិច្ចសំខាន់ៗ នៃការងារវប្បធម៌ក្នុងដំណាក់កាល ២០២១-២០២៥។

(VOVWORLD) - ទិវាបុណ្យមហាសាមគ្គីជនជាតិទាំងមូល កំពុងប្រព្រឹត្តទៅនៅតំបន់លំនៅដ្ឋានទូទាំងប្រទេស ក្នុងឱកាសរំលឹកខួបអនុស្សាវរីយ៍នៃការបង្កើតរណសិរ្សឯកភាពជាតិវៀតណាម - ទិវាប្រពៃណីនៃរណសិរ្សមាតុភូមិវៀតណាម។ នេះជាសកម្មភាពមានអត្ថន័យសំខាន់ណាស់ ក្នុងការខិតខំប្រឹងប្រែងបន្តពូនជ្រុំនូវប្រពៃណីដ៏ថ្លៃថ្នូរនៃផែនមហាសាមគ្គីជនជាតិទាំងមូលរបស់ប្រជាជាតិវៀតណាម។ ក្នុងបរិបទបច្ចុប្បន្ន ផែនមហាសាមគ្គីជនជាតិទាំងមូលបន្តបានលើកកម្ពស់ បង្កើតឡើងកម្លាំងពលំដើម្បីវៀតណាមសម្រេចបាននូវគោលដៅពីរ គឺការបង្ការប្រយុទ្ធប្រឆាំងជំងឺរាតត្បាតនិងអភិវឌ្ឍន៍សេដ្ឋកិច្ច ផ្លាស់ប្តូរថ្មី និងសមាហរណកម្មអន្តរជាតិ។

(VOVWORLD) - ខែកំពូល “ដើម្បីជនក្រីក្រ” ឆ្នាំ ២០២១ កំពុងប្រព្រឹត្តទៅក្នុងបរិបទនៃការរាតត្បាតជំងឺកូវីដ-១៩ ដែលកំពុងប៉ះពាល់យ៉ាងធ្ងន់ធ្ងរដល់គ្រួសារក្រីក្រ គ្រួសារជួបការលំបាក ដែលបណ្តាលឲ្យពលករជាច្រើនបាត់បង់ការងារ និងគ្មានប្រាក់ចំណូលសម្រាប់ធានាជីវភាពប្រចាំថ្ងៃ។ តាមនោះ សកម្មភាពនិងគោលនយោបាយកាត់បន្ថយភាពក្រីក្រក៏ត្រូវបានផ្លាស់ប្តូរស្របតាមតថភាពជាក់ស្តែង ដែលកាន់តែមានភាពសម្បូរបែប ដោយមិនត្រឹមតែការផ្តល់ជំនួយសង្គ្រោះបន្ទាន់ប៉ុណ្ណោះទេ ថែមទាំងឆ្ពោះទៅរកការជួយឧបត្ថម្ភដល់ជីវភាពរស់នៅ ការងារ និងប្រាក់កម្ចីអនុគ្រោះដល់ជនក្រីក្រដើម្បីអ្នកទាំងនេះរួចផុតចេញពីភាពក្រីក្រប្រកបដោយចីរភាព។

(VOVWORLD) - ក្នុងសុន្ទរកថាដែលអញ្ជើញថ្លែងនៅសន្និសីទលើកទី ២៦ នៃភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP26) ដែលកំពុងប្រព្រឹត្តទៅនៅចក្រភពអង់គ្លេស លោកនាយករដ្ឋមន្ត្រីវៀតណាម Pham Minh Chinh បានអះអាងថា វៀតណាមបាននិងកំពុងខិតខំប្រឹងប្រែងដើម្បីឆ្លើយតបទៅនឹងការប្រែប្រួលអាកាសធាតុផងនិងអភិវឌ្ឍន៍សេដ្ឋកិច្ចផង។ ប្រការនេះគឺដើម្បីធានាបាននូវជីវភាពរស់នៅកាន់តែប្រសើរឡើងសម្រាប់ប្រជាជននៃប្រទេសដែលរងផលប៉ះពាល់យ៉ាងធ្ងន់ធ្ងរពីការប្រែប្រួលអាកាសធាតុនិងដើម្បីចូលរួមចំណែកប្រកបដោយការទទួលខុសត្រូវជាមួយសហគមន៍អន្តរជាតិក្នុងគោលដៅអភិវឌ្ឍន៍ដើម្បីសិទ្ធិមនុស្ស។

(VOVWORLD) - វៀតណាមកំពុងខិតខំប្រឹងប្រែងអនុវត្តយ៉ាងពេញលេញ និងយ៉ាងម៉ឺងម៉ាត់រាល់អនុសាសន៍នៃយន្តការពិនិត្យជាសកលតាមកាលកំណត់ (UPR) វដ្តទី III របស់ក្រុមប្រឹក្សាសិទ្ធិមនុស្សអង្គការសហប្រជាជាតិ (UN) និងមានវឌ្ឍនភាពយ៉ាងធំធេងក្នុងការជំរុញនិងធានាសិទ្ធិមនុស្ស ជាពិសេសក្នុងវិស័យពលកម្ម សង្គម និងសមភាពយេនឌ័រ។ សមិទ្ធិផលទាំងនេះគឺជាមូលដ្ឋានសម្រាប់បន្តអនុវត្តន៍នូវចក្ខុវិស័យ សេចក្តីណែនាំនិងយុទ្ធសាស្ត្រសម្រាប់ការអភិវឌ្ឍប្រទេសជាតិយ៉ាងទូលំទូលាយក្នុងស្មារតីមិនទុកចោលនរណាម្នាក់នៅពីក្រោយឡើយ។

(VOVWORLD) - ឆ្នាំ ២០២១ គឺជាឆ្នាំដែលវៀតណាមចាប់ផ្តើមអនុ វត្តន៍ យុទ្ធសាស្ត្រសមភាពយេនឌ័រនៃដំណាក់កាលថ្មី (២០២១-២០២៦)។ ទោះបីជាត្រូវរងផលប៉ះពាល់យ៉ាងធ្ងន់ធ្ងរពីការរីករាលដាលនៃជំងឺកូវីដ -១៩ ក៏ដោយ ប៉ុន្តែ ដោយមានការប្តេជ្ញាចិត្តរបស់រដ្ឋាភិបាលនិងក្រសួង ស្ថាប័ននិងមូលដ្ឋាននានា ការអនុវត្តយុទ្ធសាស្ត្រនេះត្រូវ ដាក់ពង្រាយយ៉ាងទូលំទូលាយនិងទទួលបានលទ្ធផលជាវិជ្ជមាន ដែលជាកម្លាំងពលំសម្រាប់ជួយដល់ស្ត្រីនិងកុមារីយកឈ្នះលើជំងឺរាតត្បាតប្រកបដោយប្រសិទ្ធភាព។

(VOVWORLD) - បក្សនិងរដ្ឋវៀតណាមតែងតែកំណត់ការកាត់បន្ថយភាពក្រីក្រប្រកបដោយនិរន្តរភាពថាជាគោលនយោបាយយ៉ាងខ្ជាប់ ខ្ជួនក្នុងដំណើរការអនុវត្តកិច្ចការផ្លាស់ប្តូរថ្មី កសាងនិងអភិវឌ្ឍន៍ប្រទេសជាតិ។ នេះគឺជាទិសដៅសង្គមនិយមដ៏សំខាន់របស់សង្គម វៀតណាម ក្រោមការដឹកនាំរបស់បក្ស ក្នុងគោលបំណងធានាសិទ្ធិមនុស្សជាពិសេសសិទ្ធិទទួលបានសន្តិសុខសង្គមរបស់ប្រជាជន ដូចបានចែងក្នុងមាត្រា ៣៤ រដ្ឋធម្មនុញ្ញនៃសាធារណរដ្ឋសង្គមនិយម វៀតណាម ឆ្នាំ ២០១៣។