(VOVWORLD) - ចរន្តសំខាន់ក្នុងប្រវត្តិសាស្ត្រនៃប្រជាជាតិវៀតណាមពីអតីតកាលដល់បច្ចុប្បន្នគឺជាកម្លាំងនៃផែនមហាសាមគ្គិជនជាតិទាំងមូល។ សាមគ្គីជនជាតិទាំងមូលត្រូវបានជ្រួតជ្រាបក្នុងសតិអារម្មណ៍ និងដួងព្រលឹងរបស់ប្រជាជនវៀតណាមគ្រប់រូប គឺជាខ្លឹមសារ នៃសតិអារម្មណ៍សំខាន់ របស់បក្សកុម្មុយនិស្តវៀតណាម ក្នុងបដិវត្តន៍ប្រជាធិបតេយ្យប្រជាមានិត ក៏ដូចជាក្នុងបដិវត្តន៍សង្គមនិយមបច្ចុប្បន្ន។ ទិវាបុណ្យមហាសាមគ្គីជនជាតិទាំងមូល ថ្ងៃទី ១៨ វិច្ឆិកា ជារៀងរាល់ឆ្នាំ ជាសក្ខីភាពនៃវិធីសាស្រ្តពង្រឹងផែនមហាសាមគ្គីជនជាតិទាំងមូល ពង្រីកកម្លាំងផ្ទៃក្នុង ក្នុងបំណងអនុវត្តន៍ប្រកបដោយជោគជ័យនូវបុព្វហេតុឧស្សាហូបនីយកម្ម និងទំនើបកម្មប្រទេសជាតិ។

(VOVWORLD) - កម្មាភិបាល បក្ខជន និងប្រជាជន វៀតណាមកំពុងអនុវត្តន៍យ៉ាងសកម្មនូវខ្លឹមសារកំណត់ទិសដៅនៃសន្និបាតលើកទី៦ នៃគណៈកម្មាធិការមជ្ឈិមបក្សនីតិកាលទី ១៣ ដើម្បីសម្រេចបានជោគជ័យនូវគោលដៅ និងភារកិច្ចអភិវឌ្ឍន៍ប្រទេសជាតិ ដែលបានដាក់ចេញសម្រាប់ឆ្នាំ ២០២២ បង្កើតមូលដ្ឋានគ្រឹះ សម្រាប់ការអភិវឌ្ឍយ៉ាងឆាប់រហ័ស និងប្រកបដោយនិរន្តរភាពជាងក្នុងឆ្នាំ ២០២៣ និងឆ្នាំបន្តបន្ទាប់ទៀត។ ក្នុងបរិបទស្ថានភាពពិភពលោក និងក្នុងប្រទេស មានបម្រែបម្រួលយ៉ាងស្មុគស្មាញ និងមិនអាចព្យាករណ៍ជាមុនបាននោះ កម្មាភិបាល បក្ខជន និងប្រជាជនទូទាំងប្រទេសបានស្រុះចិត្តគំនិតគ្នា ឯកភាពគ្នា ខិតខំប្រឹងប្រែង ឆ្លៀតឱកាស និងប្រយោជន៏ ហើយជំនះពុះពាររាល់ការលំបាក ទាំងអស់នេះប្រាកដជានឹងក្លាយទៅជាធន ធានដ៏សំខាន់ ដើម្បីនាំប្រទេសជាតិកាន់តែអភិវឌ្ឍន៍ ប្រជាជាតិកាន់តែសម្បូររុងរឿងឡើង។

(VOVWORLD) - សំណុំឯកសារនៃផែនការមេថ្នាក់ជាតិដំណាក់កាល ២០២១-២០៣០ ចក្ខុវិស័យដល់ឆ្នាំ ២០៥០ ត្រូវបានរដ្ឋាភិបាលដាក់ជូនរដ្ឋសភានីតិកាលទី ១៥ ដើម្បីសម្រេចក្នុងសម័យប្រជុំលើកទី ៤ ដែលកំពុងប្រព្រឹត្តទៅនៅទីក្រុងហាណូយ។ មុននេះក្នុងសប្តាហ៍ទី ១ ខែតុលា ឆ្នាំ ២០២២ គណៈកម្មាធិការមជ្ឈិមបក្សកុម្មុយនិស្តវៀតណាមលើកទី ១៣ ក្នុងសន្និបាតលើកទី ៦ បានចំណាយពេលវេលាជាច្រើនសម្រាប់ការស្រាវជ្រាវ ពិភាក្សា និងឯកភាពខ្ពស់ លើតម្រូវការចេញផ្សាយ និងរៀបចំការអនុវត្តជាក់ស្តែង នូវផែនការមេថ្នាក់ជាតិដំណាក់កាល ២០២១ -២០៣០ និងចក្ខុវិស័យដល់ឆ្នាំ២០៥០។

(VOVWORLD) - ប៉ុន្មានឆ្នាំកន្លងមកនេះ វៀតណាមបានបង្ហាញពីការប្តេជ្ញាចិត្តយ៉ាងមុតមាំក្នុងការជំរុញសមភាពយេនឌ័រនិងវឌ្ឍន៍ភាពរបស់ស្ត្រី ជាមួយនឹងយុទ្ធសាស្ត្រច្បាស់លាស់ ខ្ជាប់ខ្ជួននិងស្របតាមស្ថានភាពជាក់ស្តែងរបស់ប្រទេសជាតិ។ នៅក្នុងការវិវឌ្ឍន៍ថ្មីៗនេះ នាថ្ងៃទី ៤ ខែតុលា ឆ្នាំ ២០២២ ថ្លែងនៅពេលដែល គណៈកម្មាធិការទទួលបន្ទុកកិច្ចការសង្គម មនុស្សធម៌ និងវប្បធម៌ សម័យប្រជុំលើកទី ៧៧ នៃមហាសន្និបាតអង្គការសហប្រជាជាតិ ដោយពិភាក្សាលើបញ្ហាជំរុញវឌ្ឍន៍ភាពរបស់ស្ត្រី ទីប្រឹក្សាឯកអគ្គរដ្ឋទូតវៀតណាមប្រចាំនៅអង្គការសហប្រជាជាតិ លោកស្រី Le Thi Minh Thoa បានសង្កត់ធ្ងន់ថា គោលនយោបាយជាតិរបស់វៀតណាមតែងតែផ្តោតការយកចិត្តទុកដាក់ខ្ពស់ទៅលើសមភាពយេនឌ័រ។ ការបង្កើនតួនាទី ការចូលរួម និងការរួមចំណែករបស់ស្ត្រីក្នុងជីវភាពសេដ្ឋកិច្ច នយោបាយ និងសង្គម មិនត្រឹមតែជាការប្តេជ្ញាចិត្តប៉ុណ្ណោះទេ ថែមទាំងជាបទដ្ឋាននៅវៀតណាមទៀតផង។

(VOVWORLD) - ការថែទាំប្រជាជនជិត ១០០ លាននាក់ឲ្យមាន សេចក្តីសុខ សប្បាយរីករាយ ប្រជាធិបតេយ្យ សន្តិសុខ សុវត្ថិភាព និងជីវភាពរស់នៅប្រកបដោយសុវត្ថិភាព ដោយមិនលះបង់សន្តិសុខសង្គម បរិស្ថាន វឌ្ឍនភាព និងយុត្តិធម៌ ដើម្បីប្រដេញតាមកំណើនសេដ្ឋកិច្ចឯកឯងនោះទេ។ នេះគឺជាគោលនយោបាយនិងការប្ដេជ្ញាចិត្តឥតងាករ៉េរបស់វៀតណាមក្នុងកិច្ចការពារនិងលើកកម្ពស់សិទ្ធិមនុស្ស។ ការប្តេជ្ញាចិត្ត និងគោលនយោបាយនេះរបស់វៀតណាម ទទួលបានការវាយតម្លៃខ្ពស់របស់អ្នកជំនាញ អ្នកការទូត វិនិយោគិនបរទេស និងដៃគូអន្តរជាតិ។

(VOVWORLD) - ការគោរព ការពារ និងធានាសិទ្ធិមនុស្ស គឺជាទស្សនៈគ្មានការប្រែប្រួលនិងជានិរន្តក្នុងគោលនយោបាយរបស់បក្ស និងរដ្ឋវៀតណាម។ ក្នុងឯកសារសំខាន់បំផុត វៀតណាមតែងតែដាក់ប្រជាជនជាម្ចាស់កម្មវត្ថុ ជាកម្លាំងចលករ និងជាគោលដៅសម្រាប់ការអភិវឌ្ឍ។

(VOVWORLD) - សេចក្តីសម្រេចលើកលែងទោសរបស់លោកប្រធានរដ្ឋ Nguyen Xuan Phuc សម្រាប់អ្នកទោសចំនួន ២.៤៣៤ នាក់ ដែលបានកែប្រែអប់រំខ្លួនបានល្អ ក្នុងឱកាសទិវាបុណ្យជាតិថ្ងៃទី ២ ខែកញ្ញា ឆ្នាំ ២០២២ បានបញ្ជាក់ជាថ្មីម្តងទៀត នូវគោលនយោបាយសណ្តោសប្រណីរបស់បក្ស រដ្ឋនិងប្រពៃណីមនុស្សធម៌របស់ជនជាតិវៀតណាម។ នេះជាសក្ខីភាពរស់រវើក ដើម្បីបដិសេធរាល់ពាក្យសម្តីចោទប្រកាន់ មូលបង្កាច់អំពីស្ថានភាពសិទ្ធិមនុស្សនៅវៀតណាម របស់កម្លាំងអរិភាពនិងពួកប្រតិកិរិយាក្នុងរយៈពេលប៉ុន្មានថ្ងៃថ្មីៗនេះ។

(VOVWORLD) - ឯករាជ្យ - សេរីភាព - សុភមង្គល គឺជាសិទ្ធិមនុស្សដ៏ខ្ពង់ខ្ពស់បំផុត យោងតាមធម្មនុញ្ញអង្គការសហប្រជាជាតិ និងសន្ធិសញ្ញាអន្តរជាតិស្តីពីសិទ្ធិមនុស្ស ប៉ុន្តែសិទ្ធិទាំងនោះអាចអនុវត្តន៍បានតែក្នុងប្រទេសឯករាជ្យប៉ុណ្ណោះ។ ដោយសារគុណតម្លៃដ៏ខ្ពង់ខ្ពស់ទាំងនោះ ប្រវត្តិសាស្ត្រ មនុស្សជាតិរីកចម្រើនជឿនលឿន ក្នុងនោះមានប្រជាជនវៀតណាម មិនខ្លាចឧបស័គ្គ លះបង់ និងតស៊ូដើម្បីដណ្តើមឲ្យបាន។ ចាប់តាំងពីថ្ងៃបុណ្យជាតិ ថ្ងៃទី២ ខែកញ្ញា ឆ្នាំ១៩៤៥ មក បក្ស រដ្ឋ និងប្រជាជនវៀតណាម តែងតែប្រកាន់ខ្ជាប់ខ្ជួនដើម្បីគោលដៅដ៏ខ្ពង់ខ្ពស់នេះ។

(VOVWORLD) - នាថ្ងៃទី ១ ខែកក្កដា ប្រធានរដ្ឋវៀតណាមលោក Nguyen Xuan Phuc បានចុះហត្ថលេខាលើសេចក្តីសម្រេចស្តីពីការលើកលែងទោសឆ្នាំ ២០២២ ក្នុងឱកាសអបអរសាទខួបលើកទី ៧៧ នៃទិវាបដិវត្តន៍ខែសីហា និងទិវាបុណ្យជាតិ ២ កញ្ញា។ នេះជាការលើកលែងទោសលើកទី៩ ចាប់តាំងពីច្បាប់ស្តីពីការលើកលែងទោសបានបង្កើតមក គឺជាកិច្ចការនិងគោលនយោបាយដ៏សំខាន់របស់បក្ស និងរដ្ឋវៀតណាម ដែលបង្ហាញពីប្រពៃណីដ៏ល្អប្រសើររបស់ប្រជាជាតិវៀតណាម ពោលគឺ មានភាពម៉ឺងមាត់ក្នុងការកាត់ទោសជនល្មើស ហើយទន្ទឹមនឹងនោះ ពោរពេញទៅដោយលក្ខណៈមនុស្សធម៌ អធ្យាស្រ័យដល់ទណ្ឌិត ដែលមានដំណើរការកែប្រែបានល្អ ធ្វើការនិងសិក្សាល្អ សម្របខ្លួនជាមួយសហគមន៍ល្អ ដើម្បីក្លាយទៅជា មនុស្សមានប្រយោជន៍សម្រាប់សហគមន៍។

(VOVWORLD) - សេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាមបានអះអាងថា៖ “ការបន្តកសាងនិងសុក្រិតនូវនីតិរដ្ឋសង្គមនិយមវៀតណាមដឹកនាំដោយបក្ស គឺជាភារកិច្ចស្នូលនៃកំណែទម្រង់ប្រព័ន្ធនយោបាយ…” ទន្ទឹមនឹងនោះ កំណត់ចក្ខុវិស័យនិងទិសដៅយុទ្ធសាស្ត្រក្នុងនោះ “ការស្រាវជ្រាវនិងផ្សព្វផ្សាយយុទ្ធសាស្ត្រកសាងនិងសុក្រិតនូវនីតិរដ្ឋសង្គមនិយមវៀតណាមដល់ ឆ្នាំ ២០៣០ នឹងទិសដៅដល់ឆ្នាំ២០៤៥”។ ឆ្លៀតយកប្រយោជន៍ពីបញ្ហានេះ កម្លាំងអរិភាព និងឱកាសនយោបាយបានដាក់ចេញនូវទស្សនៈ និងទឡ្ហីករណ៍ជាច្រើន ដើម្បីរិះគន់ និងបដិសេធតួនាទី និងនីតិរដ្ឋរបស់រដ្ឋសង្គមនិយមវៀតណាម។ ទោះជាយ៉ាងណាក៏ដោយ តម្លៃប្រជាធិបតេយ្យដ៏ជ្រាលជ្រៅនិងខ្ជាប់ខ្ជួននៃនីតិរដ្ឋសង្គមនិយមដែលវៀតណាមបាននិងកំពុងកសាង និងបោះជំហានទៅយកគឺជាភស្តុតាងពិតប្រាកដ បំផ្លាញចោលរាល់ល្បិចកលខុសឆ្គងរបស់មេកម្លាំងអរិភាពទាំងនេះ។