(VOVWORLD) - នៅលើបណ្តាញសង្គមបច្ចុប្បន្នមាន “ពាក្យចលនា” ឲ្យម្ចាស់ឆ្នោតមិនទៅបោះឆ្នោតជ្រើសរើសសមាជិកសភានីតិកាលទី ១៥ និងសមាជិកក្រុមប្រឹក្សាប្រជាជនគ្រប់ជាន់ថ្នាក់សម្រាប់ អាណត្តិ ២០២១-២០២៦ នៅថ្ងៃទី ២៣ ខែ ៥ ឧសភា ឆ្នាំ ២០២១ ខាងមុខនេះទាល់តែសោះ។ ថ្វីត្បិតដូច្នេះក៏ដោយ ក៏ប្រជាជនមួយចំនួនធំបានយល់ថា ការទៅបោះឆ្នោតគឺជាសិទ្ធិនិងកាតព្វកិច្ចដ៏ខ្ពង់ខ្ពស់របស់ពលរដ្ឋវៀតណាម។ ដើម្បីមានសិទ្ធិបោះឆ្នោត ប្រជាជាតិនិងប្រជាជនវៀតណាមទាំងមូល ត្រូវតស៊ូអស់រយៈពេលរាប់ពាន់ឆ្នាំហើយត្រូវលះបង់ទាំងសាច់ស្រស់និងឈាមស្រស់ ទើបសម្រេចបានសិទ្ធិនេះផងដែរ។

(VOVWORLD) - មហាជ័យជំនះនិទាឃរដូវ ថ្ងៃទី ៣០ មេសាឆ្នាំ ១៩៧៥ មុននេះ ៤៦ ឆ្នាំ បានបង្កើត របត់មួយដ៏មហិមានៅក្នុងប្រវត្តិសាស្ត្ររបស់ប្រជាជាតិវៀត ណាម ដែលនាំប្រទេសជាតិទាំងមូលចូលទៅក្នុងយុគសម័យឯករាជ្យ សេរីភាព ឯកភាពនិងសង្គមនិយម។ ចាប់តាំងពីពេលនោះមក វៀតណាមបានអភិវឌ្ឍន៍ដោយឥតឈប់ឈរនិងខ្ជាប់ខ្ជួនតាមគោលដៅដែលបានជ្រើសរើស ដោយអភិវឌ្ឍន៍ប្រកបដោយចីរភាពនិងធ្វើសមាហរណកម្មយ៉ាងរឹងមាំទៅក្នុងលំហូរជាមួយសហគមន៍បណ្តាជនជាតិលើទូទាំងពិភពលោក។

(VOVWORLD) - ប្រជាជនវៀតណាមទើបបានប្រារព្ធពិធីបុណ្យសែនខួប របស់ស្តេច Hung នៅថ្ងៃទី ២១ ខែមេសាឆ្នាំ ២០២១ (ពោលគឺថ្ងៃទី ១០ ខែទី ៣ តាមច័ន្ទគតិ)។ ក្នុងបេតិកភ័ណ្ឌវប្បធម៌របស់ប្រជាជនវៀតណាម វិហារ Hung និងបុណ្យសែនខួបស្តេច Hung គឺជានិមិត្តរូបនៃស្មារតីស្នេហាជាតិនិងកម្លាំងមហាសាមគ្គីភាពជនជាតិទាំងមូល។ បុណ្យសែនខួបរបស់ស្តេច Hung ជារៀងរាល់ឆ្នាំគឺជាពិធីបុណ្យដ៏ឧឡារិក ដែលពោរពេញទៅដោយអត្តសញ្ញាណវប្បធម៌ដ៏ជ្រាលជ្រៅនិងវិសេសវិសាលរបស់ប្រជាជនវៀតណាម ដោយបង្ហាញពីគុណធម៌ “ផឹកទឹកនឹកដល់ប្រភពដើម” រំលឹកដល់គុណបំណាច់របស់ស្តេច Hung ដែលបានកសាងនិងរក្សាប្រទេសជាតិ។

(VOVWORLD) - របាយការណ៍ស្តីពីសន្ទស្សន៍ប្រសិទ្ធភាពនៃអភិ បាលកិច្ចនិងរដ្ឋបាលសាធារណៈ ថ្នាក់ខេត្ត (PAPI) សម្រាប់ឆ្នាំ ២០២០ ទើបបានចេញផ្សាយនៅថ្ងៃទី ១៤ ខែមេសាបង្ហាញពីប្រសិទ្ធភាពអភិបាលកិច្ចនិងរដ្ឋបាលសាធារណៈក្នុងអាណត្តិ ២០១៦- ២០២១ របស់រដ្ឋាភិបាល ដែលត្រូវបានកែលម្អជាបន្តបន្ទាប់។ ជាពិសេស សន្ទស្សន៍ត្រួតពិនិត្យអំពើពុករលួយក្នុងវិស័យសាធារណៈរបស់វៀត ណាម មានការកែលម្អគួរឱ្យកត់សម្គាល់បំផុត។

(VOVWORLD) - នាថ្ងៃទី ៨ ខែមេសាឆ្នាំ ២០២១ ក្នុងនាមជាប្រធានក្រុមប្រឹក្សាសន្តិសុខអង្គការសហប្រជាជាតិ វៀតណាមបានបើកកិច្ចប្រជុំថ្នាក់រដ្ឋមន្ត្រី តាមប្រព័ន្ធវីដេអូ ក្រោមប្រធានបទ “ជំនះពុះពារលើផលវិបាកដោយគ្រាប់មីននិងរក្សាសន្តិភាពជានិរន្ត៖ ពង្រឹងភាពស្អិតរមួតដើម្បីធ្វើសកម្មភាពប្រកបដោយប្រសិទ្ធភាពជាង”។ ព្រឹត្តិការណ៍ពោរពេញទៅដោយលក្ខណៈមនុស្សសាស្ត្រនិងមានអត្ថន័យនេះ ត្រូវបានផ្សារភ្ជាប់ជាមួយនឹងទិវាអន្តរជាតិស្តីពីការយល់ដឹងអំពីគ្រាប់មីននិងជួយឧបត្ថម្ភសកម្មភាពគ្រាប់មីនដែលត្រូវបានអង្គការសហប្រជាជាតិប្រារព្ធធ្វើឡើងនៅថ្ងៃទី៤មេសា ជារៀងរាល់ឆ្នាំ។

(VOVWORLD) - សន្និសីទអនឡាញទូទាំងប្រទេស ស្តីពីការស្រាវជ្រាវសិក្សានិងជ្រួតជ្រាបនូវសេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយ និស្តវៀតណាមកាលពីចុងសប្តាហ៍មុននៅទីក្រុងហាណូយគឺមានសារៈ សំខាន់ សម្រាប់កម្មាភិបាលនិងបក្ខជន ជាពិសេសសម្រាប់គណៈកម្មាធិការបក្សគ្រប់ជាន់ថ្នាក់ ដើម្បីនាំសេចក្តីសម្រេចចិត្តនៃមហាសន្និបាតលើកទី ១៣ របស់បក្សឈានចូលជីវភាពរស់នៅប្រចាំថ្ងៃ។ សន្និសីទនេះបានបំផុសឡើងឆន្ទៈមោះ មុត សេចក្តីប្រាថ្នានិងការប្តេជ្ញាចិត្តថ្មី ក្នុងការកសាងនិងអភិវឌ្ឍន៍ប្រទេស វៀតណាមកាន់តែសម្បូររុងរឿងនិងវិបុលភាព។

(VOVWORLD) - ក្រសួងការពារប្រទេសវៀតណាម ទើបបានប្រគល់សេចក្តីសំរេចចិត្តរបស់លោកប្រធានរដ្ឋជូនចំពោះនាយទាហានទី ២ របស់វៀតណាម ទៅ បំពេញភារកិច្ចនៅទីស្នាក់ការអង្គការសហប្រជាជាតិ និងបានបូកសរុបអាណត្តិការងាររបស់នាយទាហានវៀតណាមចំនួន៩ រូប ដែលបានបញ្ចប់អាណត្តិនៅឯបេសកកម្មរក្សាសន្តិភាពនៃអង្គការសហប្រជាជាតិនៅប្រទេសស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល។ លទ្ធផលទទួលបានពីបេសកកម្មពិសេសនេះ ក្នុងរយៈពេល ៥ ឆ្នាំកន្លងមក បានរួមចំណែករំលេចទង់ជាតិរបស់វៀតណាមលើផែនទីរក្សាសន្តិភាពពិភពលោក។

(VOVWORLD) - វៀតណាមបានសម្រេចចិត្តចូលរួមជាបេក្ខភាពនៃមុខងារជាសមាជិកក្រុមប្រឹក្សាសិទ្ធិមនុស្សរបស់អង្គការសហប្រជាជាតិ សម្រាប់អាណត្តិ ២០២៣-២០២៥ ក្នុងនាមជាបេក្ខជននៃសមាគមប្រជាជាតិអាស៊ីអាគ្នេយ៍ (អាស៊ាន)។ គោលការណ៍នេះ ទើបបានលោកឧបនាយករដ្ឋមន្រ្តីនិងជារដ្ឋមន្រ្តីការបរទេស Pham Binh Minh ប្រកាសនៅក្នុងសម័យប្រជុំលើកទី ៤៦ នៃក្រុមប្រឹក្សាសិទ្ធិមនុស្សដែលប្រព្រឹត្តទៅនៅទីស្នាក់ការអង្គការសហប្រជាជាតិ ប្រចាំទីក្រុងហ្សឺណែវ ប្រទេសស្វីស។ ការបន្តចូលរួមជាសមាជិកនៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិ គឺជារបៀបដែលវៀតណាមរួមចំណែកការពារសិទ្ធិមនុស្សនៅលើពិភពលោកតាមរយៈសមិទ្ធិផលក្នុងកិច្ចការពារសិទ្ធិមនុស្សផ្ទាល់ខ្លួន។

(VOVWORLD) - សេចក្តីសម្រេចចិត្តនៃមហាសន្និបាតទូទាំងប្រទេសលើកទី ១៣ របស់បក្សកុម្មុយនិស្តវៀតណាម ជាមួយខ្លឹមសារសំខាន់ៗជាច្រើន ដែលកំណត់ទិសដៅនៃការអភិវឌ្ឍរបស់ប្រទេសជាតិ កំពុងចាប់ផ្តើមត្រូវបានផ្សព្វ ផ្សាយយ៉ាងទូលំទូលាយនៅទូទាំងបក្សទាំងមូលនិងក្នុងប្រជាជនទាំងមូល។ ក្នុងសេចក្តីសម្រេចចិត្តនេះ បក្សកុម្មុយនិស្តវៀតណាមបន្តជ្រួតជ្រាបយ៉ាងច្បាស់នូវរាល់គោលនយោបាយទាំងអស់ ដែលស្តែងចេញមកពីសេចក្តីប្រាថ្នា សិទ្ធិនិងផលប្រយោជន៍ស្របច្បាប់របស់ប្រជាជន។ ពោលគឺ យកសុភមង្គលនិងសេចក្តីសុខរបស់ប្រជាជនធ្វើជាគោលដៅសម្រាប់ការអភិវឌ្ឍ។

(VOVWORLD) - មហាសន្និបាតលើកទី ១៣ របស់បក្សកុម្មុយនិស្តវៀតណាមបានដាក់បញ្ចូលក្នុងដំណើរការប្រវត្តិសាស្ត្ររបស់ប្រទេសជាតិនូវសញ្ញាសម្គាល់ ដ៏ត្រចះត្រចង់នៅចំពោះមុខឆ្នាំថ្មី ឆ្នាំឆ្លូវត្រីស័ក ២០២១។ ម្លោះហើយ ទោះបីជាត្រូវប្រឈមមុខនឹងការវិវឌ្ឍយ៉ាងស្មុគស្មាញនៃជំងឺរាតត្បាតកូវីដ ១៩ រួមទាំងបញ្ហាលំបាកសាកល្បងថ្មីៗនៃសេដ្ឋកិច្ចក៏ដោយ ប៉ុន្តែក្នុងជីវភាពវប្បធម៌និងស្មារតីរបស់បក្សទាំងមូល ប្រជាជនទាំងមូល កងទ័ពវៀតណាមទាំងមូលនោះ បុណ្យចូលឆ្នាំថ្មី ឆ្នាំឆ្លូវត្រីស័ក ២០២១ ខាងមុខនេះគឺជាបុណ្យតេតមួយពោរពេញទៅដោយអត្ថន័យដ៏ធំធេង ពីព្រោះក្នុងដួងចិត្តរបស់ប្រជាជនគ្រប់រូបតែងតែមានបក្សគងវង្សជានិច្ច។