 រូបថតអេក្រង់នៃអត្ថបទ |
ក្នុងអត្ថបទមួយដែលមានចំណងជើងថា “វៀតណាមពង្រឹងឋានៈរបស់ខ្លួនដើម្បីក្លាយជាសេដ្ឋកិច្ចដែលមានចំណូលខ្ពស់” ABC Mundial បានអត្ថាធិប្បាយថា វៀតណាមជាគំរូមួយក្នុងចំណោមគំរូគួរឱ្យកត់សម្គាល់បំផុតនៃការផ្លាស់ប្តូរសេដ្ឋកិច្ចក្នុងសតវត្សទី ២១ ហើយថា វៀតណាមបានក្លាយជាមជ្ឈមណ្ឌលទាក់ទាញការវិនិយោគផ្ទាល់ពីបរទេស (FDI) ដោយសារគោលនយោបាយបើកចំហ បរិយាកាសធុរកិច្ចអំណោយផល កម្លាំងពលកម្មដ៏សម្បូរបែប និងមានកម្លាំងប្រកួតប្រជែង។
Reporte Asia ដែលជាគេហទំព័រព័ត៌មានជាភាសាអេស្បាញដែលមានជំនាញក្នុងការធ្វើបច្ចុប្បន្នភាពបញ្ហានយោបាយ សេដ្ឋកិច្ច និងវប្បធម៌អាស៊ី ទើបតែបានចុះផ្សាយអត្ថបទមួយដែលមានចំណងជើងថា "មហាជ័យជំនះថ្ងៃទី ៣០ ខែមេសា៖ កំពូលភ្លឺចិញ្ចាចនៃបុព្វហេតុរំដោះជាតិរបស់វៀតណាម"។ អត្ថបទបញ្ជាក់ថា៖ “មហាជ័យជំនះនិទាឃរដូវឆ្នាំ១៩៧៥ គឺជាព្រឹត្ដិការណ៍ដ៏ត្រចះត្រចង់បំផុតក្នុងប្រវត្តិសាស្ត្រកសាង និងការពារប្រទេសជាតិរបស់ប្រជាជនវៀតណាម"។
រីឯ កាសែតប្រចាំថ្ងៃឆ្វេងនិយមដ៏ធំបំផុតរបស់ម៉ិកស៊ិក La Jornada ក៏បានបោះពុម្ពអត្ថបទមួយដែលមានរូបថតនិងស្ងើចសរសើរជ័យជំនះជាប្រវត្តិសាស្ត្រនៃថ្ងៃទី ៣០ ខែមេសាឆ្នាំ ១៩៧៥ ដែលបានជួយប្រទេសជាតិបង្រួបបង្រួម ទទួលបានសន្តិភាពឡើងវិញ និងអភិវឌ្ឍន៍សេដ្ឋកិច្ចរបស់ខ្លួនឱ្យក្លាយជា "ខ្លាអាស៊ីថ្មី" នាពេលបច្ចុប្បន្ននេះ។
ក្នុងឱកាសនេះ អ្នកយកព័ត៌មានពី Canal Caribe ដែលជាប៉ុស្តិ៍ទូរទស្សន៍ជាតិរបស់ប្រទេសគុយបាមានវត្តមាននៅទីក្រុងហូជីមិញ ដើម្បីកត់ត្រាពេលវេលាពិសេសក្នុងទំនាក់ទំនងទ្វេភាគី។ Canal Caribe បានបញ្ជាក់ថា៖ “ព្រឹត្តិការណ៍ថ្ងៃទី ៣០ ខែមេសា ក្រោយកន្លះសតវត្សមក នៅតែជាសក្ខីភាពដ៏មានអានុភាពចំពោះវីរភាពបដិវត្តន៍របស់ប្រជាជនវៀតណាម ហើយទន្ទឹមនឹងនោះក៏ជានិមិត្តរូបដ៏ភ្លឺស្វាងនៃសាមគ្គីភាពអន្តរជាតិ”៕
