IAEA ចង់ដើរតួនាទីជាស្ពាននៅក្នុងការចរចានុយក្លេអ៊ែររវាងអាមេរិក និងអ៊ីរ៉ង់

ថ្លែងក្នុងអំឡុងដំណើរទស្សនកិច្ចទៅកាន់ទីក្រុង Tehran អគ្គនាយក Grossi បាននិយាយថា លោកបានពិភាក្សាជាមួយរដ្ឋមន្ត្រីការបរទេសអ៊ីរ៉ង់ Abbas Araqchi និងអនុប្រធានាធិបតី និងជាប្រធានអង្គការថាមពលអាតូមិកអ៊ីរ៉ង់ (AEOI) លោក Mohammad Eslami។ ការពិភាក្សាបាន ផ្តោតលើរបៀបដែល IAEA អាចគាំទ្រដល់កិច្ចចរចាបច្ចុប្បន្នរវាងទីក្រុងវ៉ាស៊ីនតោននិងទីក្រុងតេអេរ៉ង់។

ចែករំលែកទស្សនៈដូចគ្នា នាថ្ងៃដដែល រដ្ឋមន្ត្រីការបរទេសអ៊ីរ៉ង់ លោក Abbas Araqchi បាននិយាយថា IAEA អាចដើរតួនាទីយ៉ាងសំខាន់ក្នុងការដោះស្រាយដោយសន្តិវិធីនៃបញ្ហានុយក្លេអ៊ែរអ៊ីរ៉ង់ ក្នុងរយៈពេលប៉ុន្មានខែខាងមុខ។ លើសពីនេះ លោក Araghchi បានសង្កត់ធ្ងន់លើការប្តេជ្ញាចិត្តរបស់ទីក្រុង Tehran ក្នុងការបន្តកិច្ចសហប្រតិបត្តិការជាមួយ IAEA។

សារនេះត្រូវបានបញ្ជូនមកខណៈដែលអ៊ីរ៉ង់ និងអាមេរិករៀបចំខ្លួនចូលក្នុងកិច្ចចរចានុយក្លេអ៊ែរជុំទីពីរដែលគ្រោងនឹងធ្វើឡើងនៅទីក្រុងរ៉ូម (ប្រទេស អ៊ីតាលី) នៅថ្ងៃទី ១៩ ខែមេសា បន្ទាប់ពីជុំទីមួយនៅទីក្រុង Muscat (អូម៉ង់) កាលពីសប្តាហ៍មុន៕