នាយករដ្ឋមន្ត្រីវៀតណាមលោក Pham Minh Chinh បានទទួលជួបលោកស្រី Nicola Beer អនុប្រធានធនាគារវិនិយោគ អឺរ៉ុប (EIB)។ (រូបថត៖ VGP)
លោកនាយករដ្ឋមន្ត្រីបានស្នើឱ្យ EIB និងវៀតណាមចុះហត្ថលេខាលើកិច្ចព្រមព្រៀង ODA ជំនាន់ថ្មី ជាមួយនឹងទំហំហិរញ្ញវត្ថុធំជាង អត្រាការប្រាក់អនុគ្រោះ ខ្ពស់ជាង នីតិវិធីសាមញ្ញជាង និងលក្ខខណ្ឌតឹងរ៉ឹងតិច; មិនត្រឹមតែផ្តល់ជំនួយហិរញ្ញវត្ថុ ដល់វិស័យរដ្ឋប៉ុណ្ណោះទេ ថែមទាំងផ្តល់ឲ្យវិស័យសេដ្ឋកិច្ចឯកជនរបស់វៀតណាម ទៀតផង។ រួមជាមួយនឹងហិរញ្ញវត្ថុ EIB ចែករំលែកបទពិសោធន៍ក្នុងការគ្រប់គ្រង និងប្រតិបត្តិការប្រព័ន្ធហិរញ្ញវត្ថុប្រកបដោយជោគជ័យ និងនិរន្តរភាព; ជួយឧបត្ថម្ភ ផ្ទេរបច្ចេកវិទ្យាជឿនលឿន បណ្តុះបណ្តាលធនធានមនុស្ស និងវិទ្យាសាស្ត្រគ្រប់គ្រង សម្រាប់វៀតណាម។
ដោយអះអាងពីការប្តេជ្ញាចិត្តយ៉ាងមុតមាំរបស់វៀតណាមក្នុងការអនុវត្តការផ្លាស់ប្តូរបៃតង និងការផ្លាស់ប្តូរថាមពល លោកនាយករដ្ឋមន្ត្រីបានស្នើឱ្យ EIB ចែករំលែក បទពិសោធន៍របស់ខ្លួនក្នុងការកៀរគរធនធានហិរញ្ញវត្ថុបៃតង កសាងយន្តការអនុគ្រោះ និងដំណោះស្រាយហិរញ្ញវត្ថុប្រកបដោយភាពច្នៃប្រឌិត ដើម្បីគាំទ្រគម្រោងថាមពល កកើតឡើងវិញ ការកាត់បន្ថយការបំភាយឧស្ម័ន និងការសម្របខ្លួននឹងបម្រែបម្រួល អាកាសធាតុ។
ចំណែកលោកស្រី Nicola Beer បាននិយាយថា EIB បានបង្កើតកិច្ចសហ ប្រតិបត្តិការហិរញ្ញវត្ថុជាមួយវៀតណាមតាំងពីឆ្នាំ ១៩៩៧; បានសហការ និងគាំទ្រការ អភិវឌ្ឍហេដ្ឋារចនាសម្ព័ន្ធ បរិស្ថាន និងថាមពលនៅវៀតណាម ក្នុងនោះមានគម្រោង រថភ្លើង Metro នៅទីក្រុងហាណូយ និងទីក្រុងហូជីមិញផងដែរ។ លោកស្រី Nicola Beer បានបញ្ជាក់ថា EIB ត្រៀមខ្លួនជាស្រេចជួយ
វៀតណាមតាមរយៈគម្រោង ជាក់លាក់ ដោយខិតខំជាមួយវៀតណាមសម្រាប់គោលដៅកំណើន ៨% នៅឆ្នាំ ២០២៥ និងកំណើនពីរខ្ទង់ក្នុងប៉ុន្មានឆ្នាំបន្ទាប់៕