លោកប្រធានរដ្ឋ លឿង គឿង ជួបធ្វើការជាមួយថ្នាក់ដឹកនាំខុទ្ទកាល័យប្រធានរដ្ឋ ក្រសួងការ បរទេស និងអង្គភាពពាក់ព័ន្ធលើការងារសំខាន់ៗមួយចំនួននាពេលខាងមុខ។
(រូបថត៖ TTXVN)
ក្នុងជំនួបធ្វើការ លោកប្រធានរដ្ឋបានចង្អុលបង្ហាញថា បរិមាណការងារនាពេល ខាងមុខមានច្រើនណាស់ ជាពិសេសការត្រៀមរៀបចំឲ្យព្រឹត្តិការណ៍សំខាន់ៗរបស់ បក្ស និងប្រទេសជាតិ ក៏ដូចជាការជ្រួតជ្រាប និងអនុវត្តសេចក្តីសម្រេចចិត្ត សេចក្ដី សន្និដ្ឋានរបស់ការិយាល័យនយោបាយ និងគណៈកម្មាធិការមជ្ឈិមបក្ស ស្តីពីការរៀបចំ បង្រួមក្បាលម៉ាស៊ីនដឹកនាំ ធានាប្រតិបត្តិការប្រកបដោយសមត្ថភាព ប្រសិទ្ធភាព និង ការត្រៀមរៀបចំមហាសន្និបាតបក្សភាគគ្រប់ជាន់ថ្នាក់ឆ្ពោះទៅមហាសន្និបាតទូទាំងប្រទេសលើកទី ១៤ របស់បក្ស។ ទាក់ទិននឹងទិសដៅនាពេលខាងមុខ លោកប្រធានរដ្ឋ បានយល់ស្របជាមួយសំណើរបស់ក្រសួងការបរទេសលើខ្លឹមសារនិងកម្មវិធីរំពឹងទុកសម្រាប់សកម្មភាពកិច្ចការបរទេសជាន់ខ្ពស់។
ទិដ្ឋភាពនៅជំនួបធ្វើការ។ (រូបថត៖ TTXVN)
លោកប្រធានរដ្ឋបានសង្កត់ធ្ងន់ថា សកម្មភាពកិច្ចការបរទេសចាំបាច់ត្រូវអនុវត្តន៍ដោយមានការផ្តោតសំខាន់ ប្រកបដោយ ប្រសិទ្ធភាព និងជាក់ស្តែង ច្បាមជាប់នូវអាទិភាពកិច្ចការបរទេស។ សកម្មភាពកិច្ចការ បរទេសត្រូវឆ្ពោះទៅរកការពង្រីកនិងធ្វើឲ្យស៊ីជម្រៅនូវទំនាក់ទំនង ពង្រឹងយ៉ាងរឹងមាំនូវ បរិយាកាសសន្តិភាព ស្ថិរភាព និងអំណោយផលសម្រាប់ការអភិវឌ្ឍប្រទេសជាតិ លើកកំពស់ឋានៈ និងកិត្យានុភាពរបស់វៀតណាមនៅលើឆាកអន្តរជាតិ ពង្រឹងផែន មហាសាមគ្គីជនជាតិទាំងមូល និងរួមចំណែកការពារមាតុភូមិពីដើម និងពីចម្ងាយ៕