នាយករដ្ឋមន្ត្រីវៀតណាមទទួលជួបតំណាងក្រុមហ៊ុនធំៗចំនួន៣ ដែលកំពុងវិនិយោគរាប់សិបពាន់លានដុល្លារអាមេរិកនៅវៀតណាម

លោកនាយករដ្ឋមន្ត្រី ហ្វាម មិញជីញ ទទួលជួបលោក Kulachet Dharachandra អគ្គនាយកក្រុមហ៊ុនចំកាត់គីមីឥន្ធនៈ Long Son។ (រូបថត៖ VGP)

លោក Kulachet Dharachandra អគ្គនាយកក្រុមហ៊ុនចំកាត់គីមីឥន្ធនៈ Long Son បានជម្រាបជូនលោកនាយករដ្ឋមន្ត្រីអំពីស្ថានភាពគម្រោង និងផែនការពង្រីក ការវិនិយោគ។ គម្រោងគីមីឥន្ធនៈនៅឃុំ Long Son ខេត្ត Ba Ria-Vung Tau មានទុនវិនិយោគសរុបប្រមាណជាង ៥ ពាន់លានដុល្លារអាមេរិកដោយមាន សមត្ថភាពផលិត ផលគីមីឥន្ធនៈតាមការរចនាចំនួន ១,៤ លានតោន។ បច្ចុប្បន្នគម្រោងនេះបានបញ្ចប់ការសាងសង់ និងដាក់ឱ្យដំណើរការរួចហើយ។ លោកនាយករដ្ឋមន្ត្រី ហ្វាម មិញជីញ បានអះអាងថា វៀតណាមត្រៀមខ្លួនជាស្រេចជានិច្ចដើម្បីសម្របសម្រួលយ៉ាង សកម្មជាមួយសហគ្រាសដើម្បីដោះស្រាយបញ្ហាជំពាក់ជំពិនដោយស្មារតីនៃផលប្រយោជន៍ចុះសម្រុងគ្នានិងហានិភ័យចែករំលែកគ្នា។

លោកនាយករដ្ឋមន្ត្រី ហ្វាម មិញជីញ និងលោក Bae In Han អគ្គនាយកក្រុមហ៊ុន Hyosung Dong Nai។ (រូបថត៖ VGP)

ក្នុងពេលជាមួយគ្នានោះ លោក Bae In Han អគ្គនាយកក្រុមហ៊ុន Hyosung Dong Nai និងជាតំណាងខ្ពស់បំផុតរបស់ក្រុមហ៊ុន Hyosung នៅប្រទេសវៀតណាម បាននិយាយថា ក្រុមហ៊ុននឹងបន្តវិនិយោគប្រហែល ១,៥ ពាន់លានដុល្លារអាមេរិក បន្ថែមទៀតនៅវៀតណាម រួមទាំងការវិនិយោគលើរោងចក្រផលិតកម្មតាម ជីវបច្ចេកវិទ្យា និងរោងចក្រផលិតសរសៃកាបូននៅខេត្ត Ba Ria - Vung Tau។ លោកនាយករដ្ឋមន្ត្រីបានស្នើឱ្យក្រុមហ៊ុនស្រាវជ្រាវនិងបញ្ជាទិញការផលិតសម្ភារៈជីវសាស្ត្រនៅវៀតណាមដើម្បីបម្រើដល់គម្រោង។

នារសៀលថ្ងៃនេះផងដែរ នៅខេត្ត Ba Ria-Vung Tau លោកនាយករដ្ឋមន្ត្រីបាន ទទួលជួបតំណាងក្រុមហ៊ុនចំកាត់គម្រោង Ho Tram រួមទាំងលោក Walt Power អគ្គនាយកក្រុមហ៊ុន។ ក្រុមហ៊ុនកំពុងធ្វើការជាមួយភ្នាក់ងារ និងមូលដ្ឋានដើម្បីបំពេញ នីតិវិធីជាបន្ទាន់សម្រាប់វិនិយោគលើការសាងសង់ផ្លូវតភ្ជាប់ពីអាកាសយានដ្ឋានអន្តរជាតិ Long Thanh ទៅគម្រោង Ho Tram (ស្រុក Xuyen Moc ខេត្ត Ba Ria - Vung Tau)៕