យោងតាមសេចក្តីប្រកាសរបស់ស្ថានបេសកកម្មអចិន្ត្រៃយ៍ប្រទេសក្រិកដែលកំពុងកាន់តំណែងជាប្រធានប្តូរវេននៃក្រុមប្រឹក្សាសន្តិសុខអង្គការសហប្រជាជាតិ កិច្ចប្រជុំបិទគ្រោងនឹងប្រព្រឹត្តទៅនៅម៉ោង ១៥៖០០ រសៀលថ្ងៃទី ៥ ឧសភា តាមម៉ោងនៅទីក្រុងញូវយ៉ក។ បន្ទាប់ពីកិច្ចប្រជុំនេះ តំណាងអចិន្ត្រៃយ៍របស់ប៉ាគីស្ថានប្រចាំអង្គការសហប្រជាជាតិ លោកAsim Iftikhar Ahmad នឹងជួបជាមួយប្រព័ន្ធផ្សព្វផ្សាយ ដើម្បីជូនដំណឹងព័ត៌មានលម្អិតអំពីស្ថានភាពនិងការវិវត្តន៍ថ្មីបំផុត។
 កងកម្លាំងសន្តិសុខឥណ្ឌាត្រូវបានដាក់ពង្រាយនៅកន្លែងកើតហេតុនៃការវាយប្រហារក្នុងទីក្រុង Pahalgam ក្នុង Kashmir ផ្នែកគ្រប់គ្រងដោយឥណ្ឌា ថ្ងៃទី ២២ ខែមេសា ឆ្នាំ ២០២៥ ។ រូបថត៖ ANI/VNA |
សំណើរបស់ប៉ាគីស្ថានសម្រាប់កិច្ចប្រជុំបន្ទាន់បាននាំចេញនៅពេលដែលតំបន់ Kashmir ជាតំបន់ដែនដីវិវាទរវាងឥណ្ឌានិងប៉ាគីស្ថាន កំពុងរងភាពចលាចលនិងអំពើហិង្សារយៈពេលជាច្រើនថ្ងៃ បន្ទាប់ពីការវាយប្រហារភេរវកម្មកាលពីថ្ងៃទី ២២ ខែមេសា នៅទីក្រុង Pahalgam ក្នុងផ្នែកដែលគ្រប់គ្រងដោយឥណ្ឌា ដោយបានសម្លាប់មនុស្ស ២៦ នាក់។
ទីក្រុងញូវដែលីបានចោទប្រកាន់ទីក្រុងអ៊ីស្លាម៉ាបាដថា ជាអ្នកនៅពីក្រោយការវាយប្រហារដោយពួកជ្រុលនិយមអ៊ីស្លាម ហើយបានចាត់វិធានការដ៏តឹងរឹងជាបន្តបន្ទាប់ រួមទាំងការផ្តល់សិទ្ធិប្រតិបត្តិពេញលេញដល់កងទ័ព ការផ្អាកសន្ធិសញ្ញាទន្លេឥណ្ឌូស ដែលជាកិច្ចព្រមព្រៀងគ្រប់គ្រងទឹកដ៏សំខាន់រវាងប្រទេសទាំងពីរ និងការបិទច្រកព្រំដែនគោកតែមួយគត់រវាងប្រទេសទាំងពីរ។ ប៉ាគីស្ថានបានឆ្លើយតបដោយការផ្អាកសកម្មភាពពាណិជ្ជកម្មទាំងអស់ជាមួយឥណ្ឌា និងបិទដែនអាកាសរបស់ខ្លួនចំពោះជើងហោះហើរពីប្រទេសជិតខាង៕
