រដ្ឋមន្ត្រីក្រសួងការពារជាតិចិន អញ្ជើញមកដល់វៀតណាម ដើម្បីចូលរួមសកម្មភាពក្នុងជំនួបប្រាស្រ័យមិត្តភាពការពារព្រំដែន

(VOVWORLD) - បន្តកម្មវិធីជំនួបប្រាស្រ័យមិត្តភាពការពារព្រំដែនវៀតណាម-ចិន លើកទី៩ នាព្រឹកថ្ងៃទី១៧ ខែមេសា នៅខេត្ត Lang Son នាយឧត្តមនាវី Dong Jun រដ្ឋមន្ត្រីក្រសួងការពារជាតិចិន និងគណៈប្រតិភូជាន់ខ្ពស់ក្រសួងការពារជាតិចិន បានអញ្ជើញមកកាន់វៀតណាម ដើម្បីចូលរួមសកម្មភាពក្នុងក្របខ័ណ្ឌនៃជំនួបប្រាស្រ័យ។

រដ្ឋមន្ត្រី Phan Van Giang បានទទួលស្វាគមន៍រដ្ឋមន្ត្រី Dong Jun ។ ប្រភព៖ qndn.vn

នាយឧត្តមសេនីយ៍ Phan Van Giang រដ្ឋមន្ត្រីក្រសួងការពារជាតិ អញ្ជើញជាអធិបតីក្នុងពិធីបដិសណ្ឋារកិច្ចជាផ្លូវការ នាយឧត្តមនាវី Dong Jun និងសមាជិកគណៈប្រតិភូ។

រដ្ឋមន្ត្រី Phan Van Giang បានទទួលស្វាគមន៍រដ្ឋមន្ត្រី Dong Jun ។ ប្រភព៖ qndn.vn

នៅក្នុងកម្មវិធីនេះ នៅប្រទេសវៀតណាម បានប្រព្រឹត្តទៅសកម្មភាពរួមមាន៖ ពិធីទទួលស្វាគមន៍គណៈប្រតិភូចិន; ការដាំដើមឈើមិត្តភាព; ទស្សនាសាលាបឋមសិក្សា Dong Dang និងចូលរួមពិធីកាត់ខ្សែបូរសម្ភោជអគារពហុមុខងារ; ទស្សនាប៉ូស្ត៍ការពារព្រំដែននៅច្រកទ្វារព្រំដែនអន្តរជាតិ Huu Nghi; ទស្សនាឧទ្យានឡូជីស្ទិករបស់សារជីវកម្មឧស្សាហកម្ម - ទូរគមនាគមន៍យោធា; កិច្ចប្រជុំពិភាក្សា និងធ្វើជាសាក្សីក្នុងពិធីចុះហត្ថលេខាលើឯកសារសហប្រតិបត្តិការមួយចំនួន។

ពិធីស្វាគមន៍ត្រូវបានប្រារព្ធឡើងយ៉ាងឱឡារិក។ ប្រភព៖ qndn.vn

គណៈប្រតិភូជាន់ខ្ពស់នៃក្រសួងការពារជាតិចិនក្នុងពិធីស្វាគមន៍។ ប្រភព៖ qndn.vn

គណៈប្រតិភូវៀតណាម។ ប្រភព៖ qndn.vn

មុននោះ នាថ្ងៃទី ១៦ មេសា នាយឧត្តមសេនីយ៍ Phan Van Giang និងគណៈប្រតិភូជាន់ខ្ពស់ក្រសួងការពារប្រទេសវៀតណាមបានបញ្ចប់សកម្មភាព ក្នុងក្របខ័ណ្ឌនៃជំនួបប្រាស្រ័យនៅតំបន់ស្វយ័តជនជាតិ Zhuang ខេត្ត ក្វាងស៊ី (ចិន)។ នៅប្រទេសចិន គណៈប្រតិភូជាន់ខ្ពស់ក្រសួងការពារប្រទេសវៀតណាមបានទៅទស្សនាតំបន់ទេសចរណ៍ Huu Nghi Quan; ទៅសួរសុខទុក្ខកងអនុសេនាធំ ការពារព្រំដែននៅច្រកទ្វារព្រំដែន Huu Nghi Quan; ធ្វើជាសាក្សី កងនាវាល្បាតនៃកងទ័ពជើងទឹករបស់ប្រទេសទាំង ២ រាយការណ៍តាមអ៊ីនធឺណិត មុនពេលធ្វើការយាមល្បាតរួម; ទស្សនាច្រកទ្វារព្រំដែនឆ្លាតវៃ នៅច្រកទ្វារព្រំដែន Huu Nghi Quan; ទស្សនាសាលាបឋមសិក្សាលេខ ៤ ក្នុងទីក្រុង Pingxiang (ចិន); ទស្សនាភូមិគំរូ Zhu Lian ស្រុក NingMing (ចិន)៕