អនុប្រធានរដ្ឋសភាវៀតណាម លោក Vu Hong Thanh និងប្រធានក្រុមប្រឹក្សាធុរកិច្ចអាមេរិក-អាស៊ាន (USABC) លោក Ted Osius អតីតឯកអគ្គរដ្ឋទូតអាមេរិកប្រចាំនៅវៀតណាម។ (រូបថត៖ VNA)
លោក Ted Osius បានឲ្យដឹងថា វិស័យដែលសហគ្រាសអាមេរិកមានបំណង់និងត្រៀមខ្លួនជាស្រេចវិនិយោគ និងពង្រីក ការវិនិយោគនៅវៀតណាមគឺ ការផ្លាស់ប្តូរបៃតង បច្ចេកវិទ្យា នវានុវត្តន៍ សេដ្ឋកិច្ច ឌីជីថល AI ពាណិជ្ជកម្មអេឡិចត្រូនិក ការអភិវឌ្ឍប្រកបដោយនិរន្តរភាព។ល។ តំណាងសហគ្រាសអាមេរិកសង្ឃឹមថា រដ្ឋសភា និងរដ្ឋាភិបាលវៀតណាមនឹងបន្តធ្វើ កំណែទម្រង់បែបបទរដ្ឋបាល កែលម្អបរិយាកាសធុរកិច្ច គាំទ្រ និងបង្កើតលក្ខខណ្ឌ អំណោយផលថែមទៀតសម្រាប់សហគ្រាសបរទេស រួមទាំងសហគ្រាសអាមេរិក។
រីឯខ្លួនវិញ អនុប្រធានរដ្ឋសភាវៀតណាម លោក Vu Hong Thanh បានអះអាង ថា រដ្ឋសភាវៀតណាមជានិច្ចកាលយកចិត្តទុកដាក់ និងតាមដានយ៉ាងដិតដល់នូវបញ្ហា ទាក់ទិននឹងបរិយាកាសវិនិយោគ និងអាជីវកម្ម; ការអភិវឌ្ឍសេដ្ឋកិច្ច បង្កើតគោល នយោបាយគាំទ្រដល់សហគ្រាស ជាពិសេសសហគ្រាសបរទេស រួមទាំងវិនិយោគិន មកពីសហរដ្ឋអាមេរិកផងដែរ។ ទន្ទឹមនឹងធនធានពីថវិការដ្ឋ វៀតណាមមានបំណង ចង់កៀងគរធនធានពីសហគ្រាស និងវិនិយោគិនបរទេស រួមទាំងសហគ្រាសសមាជិក របស់ USABC ដើម្បីចូលរួមក្នុងយុទ្ធសាស្ត្រអភិវឌ្ឍន៍សេដ្ឋកិច្ចយ៉ាងឆាប់រហ័ស និងប្រកបដោយនិរន្តរភាពរបស់វៀតណាមក្នុងប៉ុន្មានឆ្នាំខាងមុខ៕