ព្រះអង្គម្ចាស់ក្សត្រិយ៍ មហាចក្រី សិរិន្ទថន នៃប្រទេសថៃ យាងទៅទស្សនាស្តង់ទំនិញវៀតណាម។ (រូបថត៖ VNA)
ប្រព្រឹត្តទៅចាប់ពីថ្ងៃទី ២៧ ខែកុម្ភៈ ដល់ថ្ងៃទី ២ ខែមីនា នៅមជ្ឈមណ្ឌលពាណិជ្ជកម្ម Siam Paragon ទីក្រុងបាងកក ពិព័រណ៍នេះមានការ ចូលរួមពីស្ថានទូតប្រចាំនៅថៃចំនួន ៥៦ ដោយមានស្តង់ទំនិញចំនួន ២៤៦ ស្តង់ ដែល ឧទ្ទេសនាម តាំងបង្ហាញ និងលក់ផលិតផលប្រចាំប្រទេសនីមួយៗ រួមមានផលិតផល ប្រើប្រាស់ សម្លៀកបំពាក់ ម្ហូបអាហារ គ្រឿងតុបតែងគេហដ្ឋាន។ល។ ពិព័រណ៍នេះគឺ សំដៅរៃអង្គាសមូលនិធិសប្បុរសធម៌ ដើម្បីជួយឧបត្ថម្ភដល់បេសកកម្មនៃសមាគមកាក បាទក្រហមថៃ ក្នុងការជួយសង្គ្រោះ លើកកំពស់សុខុមាលភាព ព្យាបាលជំងឺ និងកែលម្អគុណភាពជីវិតជូនប្រជាពលរដ្ឋដែលជួបការលំបាក និងរងគ្រោះដោយគ្រោះធម្មជាតិ។
ក្នុងអំឡុងពេល ៤ ថ្ងៃ នៃពិព័រណ៍ ភ្ញៀវអន្តរជាតិយ៉ាងច្រើនកុះករបានមក ទស្សនា និងទិញទំនិញនៅស្តង់វៀតណាម ដោយបង្ហាញចំណាប់អារម្មណ៍ចំពោះ ផលិតផលសិប្បកម្មវិចិត្រសិល្បៈដ៏ល្អប្រណិតរបស់ភូមិសិប្បកម្មប្រពៃណីនៅវៀត ណាម៕