នៅមជ្ឈមណ្ឌលផ្លាស់ប្តូរវប្បធម៌ជប៉ុន (២៧ Quang Trung ហាណូយ) កំពុងប្រព្រឹត្តទៅ ការតាំងពិព័រណ៍ “យុគសម័យប្លាស្ទិក” ដោយបង្ហាញស្នាដៃសិល្បៈប្លែកៗរបស់វិចិត្រករជប៉ុនល្បីឈ្មោះអន្តរជាតិ គឺលោក Fuji Hiroshi។

វិចិត្រករ Fuji Hiroshi បានឲ្យដឹងថា ដោយយល់ដឹងថា ការអភិវឌ្ឍយ៉ាងខ្លាំងនៃផលិតផលផ្លាស្ទិក កំពុងបង្កគ្រោះថ្នាក់ដល់បរិស្ថាន លោកបានចាប់ផ្តើមដំណើរការប្រែក្លាយវត្ថុដែលគេបោះចោល ទៅជាស្នាដៃសិល្បៈ ដោយផ្សព្វផ្សាយសារអំពីបរិស្ថាន និងទំនួលខុសត្រូវរបស់អ្នកប្រើប្រាស់។

វិចិត្រករ Fuji Hiroshi បានចែករំលែកថា "ខ្ញុំបានគិតពីរូបភាពដាយណូស័រ ជាសត្វដែលនៅគង់វង្សអស់រយៈពេលរាប់លានឆ្នាំ ហើយនៅតែបន្សល់ទុករហូតមកដល់សព្វថ្ងៃនេះ។ ដូច្នេះហើយ ទើបខ្ញុំជ្រើសរើសដាយណូស័រធ្វើជានិមិត្តសញ្ញាសម្រាប់ស្នាដៃប្លាស្ទិករបស់ខ្ញុំ។ រូបថត៖ Hong Hai/Vietnam+

ពីប្រដាប់ក្មេងលេងចាស់ៗរាប់ពាន់ប្រភេទ វិចិត្រករបានបង្កើតឡើងស្នាដៃដ៏គួរអោយចាប់អារម្មណ៍អំពីដាយណូស័រនិងសត្វព្រៃមួយចំនួន។

ការតាំងពិព័រណ៍សិល្បៈ "យុគសម័យប្លាស្ទិក" នាំមកនូវបរិយាកាសចម្រុះពណ៌។

ស្នាដៃនីមួយៗត្រូវបានផលិតចេញពីប្រដាប់ក្មេងលេងប្លាស្ទិករាប់ពាន់ដែលមានទំហំនិងការរចនាផ្សេងៗគ្នា។

នៅឯការតាំងពិព័រណ៌ អ្នកទស្សនាអាចស្វែងរកបានយ៉ាងងាយស្រួលនូវប្រដាប់ប្រដាក្មេងលេងដែលធ្លាប់ស្គាល់ ដូចជារូបតុក្កតាជប៉ុនល្បីៗ រួមទាំង Doraemon, Pikachu, Hello Kitty...

ស្នាដៃនីមួយៗត្រូវបានដំឡើងយ៉ាងលម្អិត។

ជាមួយនឹងរូបភាពចម្រុះពណ៌ ការតាំងពិពណ៌ "យុគសម័យប្លាស្ទិក" បានធ្វើឱ្យទស្សនិកជនចាប់អារម្មណ៍យ៉ាងខ្លាំង ជាពិសេសកុមារ។

ពេលទៅទស្សនាការតាំងពិពណ៌ សាធារណជនអាចចូលរួមកម្មវិធីលេងកម្សាន្តសប្បាយៗដែលមានអំណោយដ៏ទាក់ទាញនៅទីនេះ។

ពិព័រណ៍នេះត្រូវបានបើកទ្វារដោយមិនគិតថ្លៃ រហូតដល់ថ្ងៃទី ១ ខែមិថុនា ឆ្នាំ ២០២៥ នៅមជ្ឈមណ្ឌលផ្លាសប្តូរវប្បធម៌ជប៉ុន នៅវៀតណាម លេខ ២៧ Quang Trung ខណ្ឌ Hoan Kiem ទីក្រុងហាណូយ៕