នាពេលថ្មីៗនេះ នៅឯវិថីដើរថ្មើរជើង Tran Nhan Tong ខណ្ឌ Hai Ba Trung ទីក្រុងហាណូយ ក្រសួងឧស្សាហកម្ម និងពាណិជ្ជកម្មបានរៀបចំពិធីបំផុសចលនា “ប្រជាជនទាំងមូលសន្សំសំចៃថាមពល ជួយជ្រោមជ្រែងម៉ោងផែនដី ២០២៥” និងការរត់ប្រណាំងដើម្បីជួយជ្រោមជ្រែងចលនានេះ។ រូបថត៖ VOV

ថ្លែងមតិក្នុងពិធី អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hoang Long បានឲ្យដឹងថា សកម្មភាពជាច្រើនដើម្បីជួយជ្រោមជ្រែងម៉ោងផែនដីឆ្នាំ ២០២៥ ត្រូវបានក្រសួងឧស្សាហកម្មនិងពាណិជ្ជកម្មរៀបចំឡើងក្នុងខែមីនានេះ។ ជាពិសេស ព្រឹត្តិការណ៍បិទភ្លើងរយៈពេលមួយម៉ោង ដើម្បីជួយជ្រោមជ្រែងម៉ោងផែនដី នឹងប្រព្រឹត្តទៅចាប់ពីម៉ោង ២០៖៣០នាទី ដល់ម៉ោង ២១៖៣០ នាទី ថ្ងៃទី ២២ ខែមីនា។ រូបថត៖ VOV

ការរត់ប្រណាំងរួមចំណែកក្នុងការផ្សព្វផ្សាយយ៉ាងខ្លាំងក្លានូវសារ “ការផ្លាស់ប្តូរបៃតង - អនាគតបៃតង”។ សកម្មភាពតូចតាចនីមួយៗនៅពេលរួមបញ្ចូលគ្នានឹងបង្កើតបានជារលកធំធេង នាំប្រទេសយើងឆ្ពោះទៅអនាគតកាន់តែបៃតង និងនិរន្តរភាពជាង”។ រូបថត៖ VOV

ជួយជ្រោមជ្រែងម៉ោងផែនដី ២០២៥ ខេត្ត-ក្រុងជាច្រើនបានជំរុញការងារឃោសនានិងចលនាប្រជាជនឱ្យចូលរួមក្នុងយុទ្ធនាការនេះ។

បុគ្គលិកនៃក្រុមហ៊ុនថាមពលអគ្គិសនី Phu Tien (Hung Yen) ផ្សព្វផ្សាយម៉ោងផែនដី - សន្សំសំចៃអគ្គិសនីនៅស្រុក Phu Cu ។ រូបថត៖ icon.com.vn

ក្រុមហ៊ុនថាមពលវារីអគ្គិសនី An Khe – Ka Nak (ទីក្រុង Quy Nhon, Binh Dinh) បានរៀបចំសកម្មភាពជាច្រើន ដើម្បីផ្សព្វផ្សាយសារនៃយុទ្ធនាការនេះ។ រូបថត៖ tapchicongthuong.vn

បុគ្គលិកនៃក្រុមហ៊ុនថាមពលវារីអគ្គិសនី An Khe - Ka Nak បានដង្ហែក្បួនដោយបញ្ជូនសារអំពីការសន្សំសំចៃថាមពល ការពារបរិស្ថាន និងជំរុញការជួយជ្រោមជ្រែងយុទ្ធនាការម៉ោងផែនដីឆ្នាំ ២០២៥ សម្រាប់សិស្សានុសិស្សនៅអនុវិទ្យាល័យ Quang Trung (ទីក្រុង Quy Nhon, Binh Dinh)។ រូបថត៖ tapchicongthuong.vn

ខេត្ត Ha Giang បានលើកផ្ទាំងបដានៅតាមដងផ្លូវ ដើម្បីចលនាប្រជាជនឲ្យជួយជ្រោមជ្រែងយុទ្ធនាការម៉ោងផែនដីឆ្នាំ ២០២៥។ ប្រជាជនអាចអានឯកសារ និងមើលវីដេអូណែនាំអំពីការសន្សំសំចៃអគ្គិសនីនៅផ្ទះ ដោយស្កែន QR-Code នៅលើផ្ទាំងបដា។ រូបថត៖ baohagiang

តារាល្បីៗជាច្រើនក៏បានផ្ញើសារ “ការផ្លាស់ប្តូរបៃតង - អនាគតបៃតង” តាមរយៈសកម្មភាពជាក់ស្តែង។ (ក្នុងរូបថត៖ បវរកញ្ញារង Dinh Ngan Ha អំពាវនាវដល់យុវជនចូលរួមសកម្មភាពជួយជ្រោមជ្រែងម៉ោងផែនដីឆ្នាំ ២០២៥។ រូបថត៖ tapchicongthuong.vn)

កីឡាករបាល់ទាត់ Nguyen Tien Linh និងបវរកញ្ញារង Miss Earth Vietnam ២០២៣ Hoang Thi Kim Chi បានចូលរួមពិធីបំផុសយុទ្ធនាការម៉ោងផែនដី ឆ្នាំ ២០២៥ នៅខេត្ត Binh Duong។ រូបថត៖ Thuan Uyen/qdnd.vn

ឯកអគ្គរដ្ឋទូតតំណាងយុទ្ធនាការម៉ោងផែនដី និងយុវជនខេត្ត Binh Duong ចូលរួមជិះកង់ដង្ហែរក្បួន ដើម្បីផ្សព្វផ្សាយយុទ្ធនាការ។ រូបថត៖ Thuan Uyen/qdnd.vn

នាថ្ងៃទី២២ ខែមីនា នៅតំបន់បឹង Hoan Kiem ខណ្ឌ Hoan Kiem ទីក្រុងហាណូយ រៀបចំពិធីបំផុសយុទ្ធនាការ ម៉ោហផែនដី ឆ្នាំ ២០២៥ ជាមួយនឹងសកម្មភាពអន្តរកម្មសហគមន៍គួរឱ្យចាប់អារម្មណ៍ជាច្រើនអំពីបរិស្ថាន អាកាសធាតុ និងថាមពល។ រូបថត៖ QT/baoquocte.vn

ជាមួយនឹងសារ “ការផ្លាស់ប្តូរបៃតង – អនាគតបៃតង” ម៉ោងផែនដី ឆ្នាំ ២០២៥ បានសង្កត់ធ្ងន់លើសារៈសំខាន់នៃការផ្លាស់ប្តូរទៅរកវិធីសាស្រ្តអភិវឌ្ឍន៍ប្រកបដោយនិរន្តរភាពនិងស្និទ្ធិស្នាលជាមួយបរិស្ថាន ដើម្បីឆ្ពោះទៅរកអនាគតបៃតងសម្រាប់ភពផែនដី។ រូបភាព៖ គណៈរៀបចំ