អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh

Nguyen Gia/VTCNews -

27 ធ្នូ 2024 | 20:05:00

(VOVWORLD) - ត្រូវបានសាងសង់ឡើងក្នុងចន្លោះសតវត្សទី ១២ - ១៣ ប្រាសាទ Duong Long (ខេត្ត Binh Dinh) ដោយមានស្ថាបត្យកម្មខ្មែរ គឺជាចង្កោមប្រាសាទឥដ្ឋដ៏ខ្ពស់ជាងគេនៅអាស៊ីអាគ្នេយ៍ដែលនៅតែមាន។

ទស្សនាប្រាសាទចាមខ្ពស់ជាងគេនៅអាស៊ីអាគ្នេយ៍ក្នុងខេត្ត Binh Dinh។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 1

ស្ថិតនៅលើកំពូលទួលភ្នំនៅឃុំ Tay Binh (ស្រុក Tay Son ខេត្ត Binh Dinh) មានចម្ងាយប្រហែល ៥០ គីឡូម៉ែត្រ ពីទីក្រុង Quy Nhon ប្រាសាទ Duong Long (ត្រូវបានគេស្គាល់ថាជាប្រាសាទ Nga ប្រាសាទ Binh An ឬប្រាសាទ An Chanh) ត្រូវបានសាងសង់ឡើងក្រោមឥទិ្ធពលនៃស្ថាបត្យកម្មខ្មែរក្នុងសម័យកាលនៃការអភិវឌ្ឍដ៏រុងរឿងបំផុតនៃវប្បធម៌ចាមប៉ា (សតវត្សទី ១២-១៣)។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 2

នេះគឺជាចង្កោមសំណង់ស្ថាបត្យកម្មចាមប៉ាដែលនៅតែរក្សគងវង្ស នៅភូមិភាគកណ្តាលសព្វថ្ងៃនេះ ហើយក៏ជាចង្កោមប្រាសាទឥដ្ឋខ្ពស់ជាងគេនៅវៀតណាមគិតត្រឹមពេលនេះផងដែរ។ ប្រាសាទកណ្តាលមានកំពស់ ៣៩ ម៉ែត្រ ប្រាសាទខាងជើងមានកំពស់ ៣២ម៉ែត្រ និងប្រាសាទខាងត្បូងមានកំពស់ ៣៣ ម៉ែត្រ។ យោងតាមព័ត៌មានពីនាយកដ្ឋានបេតិកភណ្ឌវប្បធម៌ ប្រាសាទកណ្តាលត្រូវបានគេចាត់ទុកថាជាប្រាសាទឥដ្ឋខ្ពស់ជាងគេនៅអាស៊ីអាគ្នេយ៍។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 3

ចង្កោមប្រាសាទ Duong Long ដូចជាប្រាសាទចាមដទៃទៀតនៅ Binh Dinh មានទីតាំងនៅលើទួលភ្នំខ្ពស់តាមរចនាបថប្រាសាទភ្នំរបស់ជនជាតិខ្មែរ។ ចង្កោមប្រាសាទ Duong Long ទាំងមូលស្ថិតលើបន្ទាត់ត្រង់តាមអ័ក្សខាងជើង-ខាងត្បូង ដោយមានខ្លោងទ្វារធំបែរមុខទៅសមុទ្រខាងកើត។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 4

ភាពខុសគ្នារវាងប្រាសាទ ត្រូវបានឆ្លុះបញ្ចាំងនៅក្នុងការតុបតែងក្បាច់ចម្លាក់ពីបាតដៃដ៏ប៉ិនប្រសប់ របស់សិប្បករជនជាតិចាមប៉ាបុរាណ។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 5

ឆ្លងកាត់ប្រវត្តិសាស្ត្ររាប់ពាន់ឆ្នាំ ផ្នែកខ្សែក្រវ៉ាត់ថ្មអោបខឿនប្រាសាទនេះ នៅតែរក្សាបាននូវសភាពដើម។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 6

ខ្សែក្រវាត់ថ្មនៅកំពូលប្រាសាទ ត្រូវបានរៀបចំយ៉ាងល្អិតល្អន់ តាមប្រធានបទស្នូលគឺរូបផ្កាឈូក។ មានរាងដូចសុដន់ស្ត្រី នេះជានិមិត្តរូបរបស់ទេពធីតា Uroja។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 7

តួប្រាសាទក្នុងចង្កោមប្រាសាទ Duong Long ត្រូវបានសាងសង់ពីឥដ្ឋ ជ្រុងត្រូវបានផ្សំដោយដុំថ្មធំៗ ដែលមានចម្លាក់ដ៏ល្អិតល្អន់។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 8

កត្តាមួយ ដែលបង្ហាញយ៉ាងច្បាស់ពីឥទ្ធិពលនៃវប្បធម៌ខ្មែរ គឺរូបពស់នាគរាជ មានក្បាល ១ ក្បាល ៣ ក្បាល ៥... បន្ទាប់ពីការជីកកកាយចំនួន៣លើកនៅប្រាសាទ Duong Long ក្នុងគោលបំណងជួសជុលឡើងវិញ នៅឆ្នាំ២០០៦ ឆ្នាំ ២០០៧ និងឆ្នាំ ២០០៨ បុរាណវិទូបានរកឃើញចម្លាក់ថ្មក្នុងបរិមាណធំ ដែលភាគច្រើនបង្ហាញពីប្រធានបទពស់នាគ។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 9

ប្រភេទឥដ្ឋដែលជនជាតិចាមប្រើសម្រាប់សាងសង់ប្រាសាទ គឺជាអាថ៌កំបាំងមួយ ដែលក្រោយពីការស្រាវជ្រាវជិត ១០០ ឆ្នាំមក ទើបអ្នកវិទ្យាសាស្ត្រអាចបកស្រាយបំភ្លឺបានតាមនោះប្រាសាទចាមត្រូវបានសាងសង់ដោយប្រភេទឥដ្ឋពិសេស។ ឥដ្ឋប្រភេទនេះមានភាពស្រួយ ស្រូបទឹក បញ្ចេញចំហាយទឹកនៅពេលប៉ះនឹងពន្លឺព្រះអាទិត្យ មានភាពជាប់បានយូររាប់សតវត្ស។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 10

ទោះជាយ៉ាងណាក៏ដោយ ក្រោមការប៉ះពាល់ពីពេលវេលា និងមនុស្សរាប់ពាន់ឆ្នាំមក សព្វថ្ងៃនេះ ចង្គោមប្រាសាទបានរងការខូចខាតយ៉ាងធ្ងន់ធ្ងរ ប៉ុន្តែលក្ខណៈស្ថាបត្យកម្មដ៏វិសេសវិសាលនៅតែមិនសាបសូន្យទៅនោះឡើយ។

អញ្ជើញទស្សនចង្គោមប្រាសាទចាមធ្វើពីឥដ្ឋដ៏ខ្ពស់បំផុតនៅអាស៊ីអាគ្នេយ៍នៅខេត្ត Binh Dinh - ảnh 11

ចង្គោមប្រាសាទ Duong Long ត្រូវបានក្រសួងវប្បធម៌ និងព័ត៌មានចាត់ថ្នាក់ជាកេរ្តិ៍ដំណែលស្ថាបត្យកម្មសិល្បៈក្នុងឆ្នាំ ១៩៨០ ហើយត្រូវបាននាយករដ្ឋមន្ត្រីរៀបចំណាត់ថ្នាក់ជាកេរ្តិ៍ដំណែលជាតិពិសេសកាលពីថ្ងៃទី ២៣ ខែធ្នូ ឆ្នាំ ២០១៥។

Nguyen Gia/VTCNews