(VOV)_បទពិសោធន៍រៀបចំបណ្ដាសកម្មភាពយុវជនស្ម័គ្រចិត្តដើម្បីសហគ
មន៍ សុខុមាភាពសង្គម នោះគឺជាខ្លឹមសារនៃសិក្ខាសលា១ ក្នុងក្របខ័ណ្ឌសន្និសីទ
សហប្រតិបត្តិការយុវជន ប្រទេសទាំង៣ វៀតណាម-ឡាវ-កម្ពុជា២០១៤ ដែលទើប
នឹងបានប្រព្រឹត្តទៅនៅរដ្ឋធានីហាណូយ។ តាមរយៈសិក្ខាសាលានេះ យុវជននៃប្រ
ទេសទាំង៣ មានឱកាសយល់ដឹងបន្ថែមអំពីឧត្តមភាព ក្នុងការងារស្ម័គ្រចិត្តនៅប្រ
ទេសរបស់ខ្លួន ហើយពីនោះដកបទពិសោធន៍ រួមចំណែកសុក្រិតការងារស្ម័គ្រចិត្ត
របស់យុវជននៃប្រទេសនិមួយៗ។
 |
| សិក្ខាសាលា៖បទពិសោធន៍រៀបចំបណ្ដាសកម្មភាពយុវជនស្ម័គ្រចិត្តដើម្បីសហគមន៍និងសុខុមាលភាពសង្គម |
`សន្និសីទសហប្រតិបត្តិការយុវជននៃប្រទេសទាំង៣ វៀតណាម-ឡាវ-កម្ពុជា ២០១៤
ដោយមានការចូលរួមរបស់ដំណាងចំនួន៦០រូប។ នេះគឺជាឱកាសដើម្បីថ្នាក់ដឹកនាំ
ជាន់ខ្ពស់នៃបណ្ដាអង្គការយុវជនពិភាក្សា ផ្លាស់ប្តូរបទពិសោធន៍ក្នុងការងារ រៀន
សូត្រអំពីរបៀបល្អគ្នាទៅវិញទៅមក …លៗ។ សកម្មភាពជាច្រើនត្រូវបានរៀបចំ
ឡើង នៅឱកាសនេះ ហើយចំណុចលេចធ្លោ នោះគឺសិក្ខាសាលា ស្ដីពី៖ បទពិ
សោធន៍រៀបចំបណ្ដាសកម្មភាពយុវជនស្ម័គ្រចិត្តដើម្បីសហគមន៍និងសុខុមាល
ភាពសង្គម។ នៅទីនេះ ដំណាងនៃប្រទេសនិមួយៗ មានបទសន្ទរកថាស្ដីពីឧត្តម
ភាពរបស់ចលនាយុវជននៃប្រទេសខ្លួនក្នុងរយៈពេលកន្លងទៅ។ នៅទីនេះ បងស្រី
ស្រូយ សុជាតិ សមាជិកាគណៈកម្មាធិការអចិត្ត្រៃយ៍ នៃសហព័ន្ធយុវជនកម្ពុជា
បានអោយដឹងថា៖
“ ក្នុងប៉ុន្មានឆ្នាំកន្លងទៅ យើងខ្ញុំបានរៀបចំបណ្ដាសកម្មភាពវប្បធម៌ ជួបប្រាស្រ័យ ដូចជា៖ ពិធីបុណ្យចូលឆ្នាំថ្មីព្រឹត្តិការណ៍ អង្គរសង្ក្រាន នៅអង្គរវត្ត ចល
នារាំជាពួក Flashmod …ជាដើម។ នេះគឺជាមូលដ្ឋាន១ដើម្បីចែករំលែកវប្បធម៌
បង្កើនការយល់ដឹងគ្នាទៅវិញទៅមក ឧទ្ទេសនាមអំពីវប្បធម៌ ទំនៀមទំលាប់
បទពិសោធន៍…លៗ។”
 |
| សិក្ខាសាលា៖បទពិសោធន៍រៀបចំបណ្ដាសកម្មភាពយុវជនស្ម័គ្រចិត្តដើម្បីសហគមន៍និងសុខុមាលភាពសង្គម |
` រីឯភាគីឡាវ លោក Thongdeng Sanephaseuth នាយកភូមិយុវជនវៀតណាម-ឡាវ
ក៏បានឧទ្ទេសនាមអំពីសកម្មភាពជាច្រើនរបស់យុវជនឡាវផងដែរ។ លោក Thong
deng Sanephaseuth បានសង្កត់ធ្ងន់ទៅលើបណ្ដាសកម្មភាពសង្គម៖
“ ឡាវជាប្រទេស១រងឥទ្ធិពលដោយខ្យល់ព្យុះតិចតូចណាស់ ប៉ុន្តែ ក្នុងខ្យល់
ព្យុះ Ketxana បានបណ្ដាលឡើងការខូចខាតជាច្រើនខាងអាយុជីវិតនិងទ្រព្យសម្បត្តិ
នៅខេត្ត Attapu និងខេត្ត Xekong ភាគខាងត្បូងប្រទេសឡាវផងដែឬ។ ពេលខ្យល់
ព្យុះនេះផុតទៅ យុវជនពីគ្រប់ទិសទី ដូចជានៅរដ្ឋធានីវៀងច័ន្ទ បានមកដល់ទីនេះ
ដើម្បីជួយឧបត្ថម្ភប្រជាជន។ នេះគឺជាប្រការដ៏ធម្មតា ពីព្រោះនោះគឺជាចរិតលក្ខ
ណះមនុស្សសាស្ត្រ។”
រីឯភាគីវៀតណាម បង Vu Minh Ly អនុប្រធានគណៈកម្មការសាមគ្គីភាពនិង
ប្រមូលផ្តុំយុវជន នៃមជ្ឈឹមសម្ព័ន្ធសមាគមយុវជន និងជានាយកមជ្ឈមណ្ឌលស្ម័គ្រ
ចិត្តជាតិវៀតណាម បានឧទ្ទេសនាមអំពីរបៀបធ្វើសកម្មភាពរបស់យុវជននាពេល
កន្លងទៅ៖
“ យើងខ្ញុំបានរៀបចំបណ្ដាសកម្មភាពស្ម័គ្រចិត្តជាប្រចាំនៅតំបន់នានា។ បណ្ដា
សកម្មភាពនេះប្រមូលផ្តុំចូលទៅលើការងារការពារបរិស្ថាន បរិច្ចាកឈាម ថែទាំសុខ
ភាពប្រជាជន…លៗ។”
ក៏ក្នុងសិក្ខាសាលានេះដែរ បណ្ដាដំណាងបានចោទសំនួរជាច្រើន ហើយបាន
ស្ដាប់ការអធិប្បាយ បំភ្លឺអំពីបញ្ហាជាច្រើន។។ បងស្រី ស្រូយ សុជាតិ សមាជិកា
គណៈកម្មាធិការអចិត្ត្រៃយ៍ នៃសហព័ន្ធយុវជនកម្ពុជា បានវាយតំលៃថា៖
“ យុវជននៃប្រទេសនិមួយៗ សុទ្ធតែចូលរួមសកម្មភាពស្ម័គ្រចិត្តយ៉ាងសកម្ម។
សកម្មភាពនេះមានអត្ថន័យជាច្រើន។ទី១គឺនាំមកនូវការយល់ដឹងសំរាប់អ្នកចូលរួម
ទីពីរគឺនាំមកនូវផលប្រយោជន៍ជាក់ស្ដែងសំរាប់សង្គមរបស់យើង។ ក្នុងពេលព្រឹក
ថ្ងៃនេះ ខ្ញុំចាប់អារម្មណ៍យ៉ាងខ្លាំងចំពោះកម្មវិធីរបស់បណ្ដាមិត្តស្ម័គ្រចិត្តវៀតណាម។
គេមានគោលការណ៍ ផែនការដ៏ម៉ត់ចត់ មានការចូលរួមនិងទទួលបានការជួយឧបត្ថម្ភ
ពីថ្នាក់ដឹកនាំជាន់ខ្ពស់ទៀតផង។”
ក្នុងឆ្នាំ២០១៥ខាងមុខ សន្និសីទសហប្រតិបត្តិការយុវជននៃប្រទេសទាំង៣
វៀតណាម-ឡាវ-កម្ពុជានឹងប្រព្រឹត្តទៅនៅកម្ពុជា។ សង្ឃឹមថានឹងមានស្នាដៃលេច
ធ្លោជាច្រើនជាងទៀតក្នុងចលនាយុវជននឹងបានឧទ្ទេសនាមនៅសិក្ខាសាលាផ្សេងៗ
ទៀត៕