រដ្ឋមន្ត្រីការបរទេសឥណ្ឌូណេស៊ីបានសង្កត់ធ្ងន់ថា អាស៊ានមានគោលបំណងដោះស្រាយជម្លោះ រួមទាំងបញ្ហាសមុទ្រខាងកើតដោយសន្តិវិធី (ប្រភព៖ Tempco/VOV)

ថ្លែងមតិតាមប្រព័ន្ធអ៊ីនធឺណែតក្នុងសិក្ខាសាលា រដ្ឋមន្ត្រីការបរទេសឥណ្ឌូនេស៊ី លោក ស្រី Retno Marsudi បានសង្កត់ធ្ងន់ថា សមាគមប្រជាជាតិអាស៊ីអាគ្នេយ៍ (អាស៊ាន) តែងតែមានគោលបំណងដោះស្រាយជម្លោះដែនសមុទ្រតាមរយៈមធ្យោបាយសន្តិវិធី ហើយអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)  គឺជាគន្លឹះក្នុងការសម្រេចគោលដៅនេះ។

នៅក្នុងសុន្ទរកថា លោកស្រី Retno ក៏បានសង្កត់ធ្ងន់ថា ច្បាប់អន្តរជាតិត្រូវតែទទួលបានការគោរព រួមទាំង UNCLOS ជាស្តង់ដាចម្បងសម្រាប់កំណត់សកម្មភាពរបស់ប្រទេសជាប់ដែនសមុទ្រ។ ថ្វីត្បិតដូច្នេះក៏ដោយ  រដ្ឋមន្ត្រីការបរទេសឥណ្ឌូនេស៊ីក៏បានទទួលស្គាល់ថា UNCLOS កំពុងប្រឈមមុខនឹងភាពតានតឹងផ្នែកភូមិសាស្ត្រនយោបាយ ដែលទំនងជាបង្កើនហានិភ័យនៃការកើនឡើងទៅជាជម្លោះបើកចំហ។

នៅក្នុងសិក្ខាសាលានេះផងដែរ  ធ្វើការវាយតម្លៃពីអត្ថន័យ និងសារៈសំខាន់នៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ក្នុងរយៈពេល ៤០ ឆ្នាំកន្លងមកនេះ លោក Veeramalla Anjaiah អ្នកសិក្សាស្រាវជ្រាវនៃវិទ្យាស្ថានកិច្ចការអាស៊ី-អាគ្នេយ៍នៅឥណ្ឌូនេស៊ីបានវាយតម្លៃថា៖ “អាចនិយាយបានថា UNCLOS គឺជារដ្ឋធម្មនុញ្ញនៃមហាសមុទ្រ ដោយកំណត់នូវក្រិត្យក្រមច្បាប់ និងសណ្តាប់ធ្នាប់ដ៏ទូលំទូលាយមួយនៅក្នុងសមុទ្រ និងមហាសាគររបស់ពិភពលោក ដោយបង្កើតច្បាប់សម្រាប់គ្រប់គ្រងការប្រើប្រាស់នគរ និងធនធានរបស់វា។ ក្នុងអំឡុងពេល ៤០ ឆ្នាំកន្លងមកនេះ UNCLOS បានបង្ហាញថា ខ្លួនជាឧបករណ៍ដ៏សំខាន់សម្រាប់ដោះស្រាយរាល់បញ្ហាដែលទាក់ទងនឹងការធ្វើនាវា ចរណ៍អន្តរជាតិ រួមទាំងជម្លោះដែនសមុទ្រ ក៏ដូចជាការចែកចាយធនធាននៅសមុទ្រ និងមហាសាគរ”៕