កងទ័ពជើងទឹកប្រជាជនវៀតណាមពង្រីកតួនាទីការពាររឹងមាំអធិបតេយ្យភាពកោះសមុទ្រនៃមាតុប្រទេស
(VOV)_ថ្ងៃទី៥ សីហា ជាទិវារំលឹកខួបអនុស្សាវរីយ៍លើកទី៥០នៃជ័យជំនះលើកដំបូងរបស់កងទ័ពជើងទឹកប្រជាជនវៀតណាម។
ឆ្លើយសម្ភាសន៍អ្នកយកព័ត៍មាននៃវិទ្យុសម្លេងវៀតណាម ឧត្តមនាវីត្រីDinh Gia That ស្នងការនយោបាយអង្គការកងទ័ពជើងទឹកវៀតណាម បានអះអាងនូវបណ្ដាមេរៀនដ៏ថ្លៃថ្លានៃជ័យជំនះលើកដំបូងរបស់កងទ័ពជើងទឹកវៀតណាម។ បណ្ដាមេរៀនក្នុងអតីតកាល នៅបានអនុវត្ត ក្នុងដំណើការកសាងនិងអភិវឌ្ឍន៍ កងទ័ពជើងទឹកវៀតណាម ជានិច្ចកាលសម្រេចភារកិច្ចគឺជាកងទ័ពប្រយុទ្ធផងនិងជាកងទ័ពធ្វើពលកម្ម ផលិតកម្មទៀតផង។ កងទ័ពជើងទឹកវៀតណាមជានិច្ចកាលពង្រីកតួនាទីឈានទៅមុខ ធានាសន្តិសុខ ធ្វើជាទីបង្អែកសំរាប់អ្នកនេសាទ និងកងកម្លាំងសេដ្ឋកិច្ចផ្សេងៗ។ ស្ដីពីទិសដៅធ្វើសកម្មភាពនាពេលខាងមុខនេះ ឧត្តមនាវីត្រីDinh Gia That បានអោយដឹងថា៖
“ កងទ័ពជើងទឹកប្រជាជនបន្តកសាងអង្គទ័ពប្រកបដោយទំនើប ជាកងកម្លាំងស្នូលក្នុងបុព្វហេតុការពារអធិបតេយ្យភាព បូរណភាពដែនដីកោះសមុទ្ររបស់មាតុប្រទេស។ ទន្ទឹមនឹងនោះ ជំរុញខ្លាំងការងារឃោសនាសំរាប់ប្រជាជនគ្រប់ស្រទាប់ ជួយប្រជាជនយល់ថែមទៀតអំពីសារសំខាន់ របស់កោះ សមុទ្រក្នុងបុព្វហេតុអភិវឌ្ឍន៍សេដ្ឋកិច្ច សង្គម និងការពារប្រទេស សន្តិសុខជាតិ ក្នុងដំណាក់កាលនាបច្ចុប្បន្ន។ ”
រួមជាមួយនោះ កងទ័ពជើងទឹកបន្តបំពេញបន្ថែម កសាងនិងអភិវឌ្ឍន៍ យន្តការសហប្រតិបត្តិការថ្មីជំរុញ ដំណើការកសាងកងទ័ពជើងទឹកប្រជាជនវៀតណាម ប្រកបដោយទំនើប ជំរុញសកម្មភាពកិច្ចការបរទេសលើសមុទ្រ រួមចំណែកកសាងតំបន់សមុទ្រប្រកបដោយសន្តិភាព ស្ថិរភាព និងអភិវឌ្ឍន៍ ការពាររឹងមាំអធិបតេយ្យភាព បូរណភាពដែនដីនៃមាតុប្រទេស៕