ទោះជាយ៉ាងណា បើតាមលោក មិនទាន់មានកិច្ចព្រមព្រៀងសមស្របណាមួយត្រូវបាននាំចេញនោះទេ។ លោកក៏បានប្រកាសថា លោកនឹងប្រកាន់ខ្ជាប់នូវយុទ្ធសាស្រ្តដែលបានកំណត់ដោយលោក Hassan Nasrallah ហើយបានបញ្ជាក់ថា ក្រុមនេះមានសមត្ថភាពបន្តការប្រយុទ្ធក្នុងរយៈពេលជាច្រើនខែទៀត។

មេដឹកនាំថ្មីនៃចលនា Hezbollah ក្នុងប្រទេសលីបង់ លោក Naim Qassem ។ រូបថត៖ IRNA/TTXVN

ទាក់ទិននឹងបញ្ហានេះ នៅក្នុងសេចក្តីប្រកាសមួយទៅកាន់វិទ្យុ Al Jadeed នាយករដ្ឋមន្ត្រីបណ្តោះអាសន្នលីបង់ លោក Najib Mikati បានបញ្ជាក់ថា រដ្ឋាភិបាលនៃប្រទេសនេះកំពុងខិតខំប្រឹងប្រែងដើម្បីសម្រេចបាននូវបទឈប់បាញ់រវាងអ៊ីស្រាអែលនិងក្រុមហេសបូឡា ក្នុងរយៈពេលប៉ុន្មានម៉ោង ឬប៉ុន្មានថ្ងៃខាងមុខ គឺមុនថ្ងៃទី៥ ខែវិច្ឆិកា ជាពេលដែលការបោះឆ្នោតប្រធានាធិបតីអាមេរិកប្រព្រឹត្តិទៅ។

ទន្ទឹមនឹងនោះ កិច្ចខិតខំប្រឹងប្រែងដើម្បីជំរុញបទឈប់បាញ់នៅក្នុងតំបន់នៅតែបន្ត។ តាមការគ្រោងទុក នាថ្ងៃទី ៣១ ខែតុលា មន្ត្រីសន្តិសុខអាមេរិកនឹងទៅបំពេញទស្សនកិច្ចនៅអេហ្ស៊ីបនិងអ៊ីស្រាអែល ដើម្បីពិភាក្សាអំពីបញ្ហាទាក់ទងនឹងអ៊ីរ៉ង់ លីបង់ និងការដោះលែងចំណាប់ខ្មាំងនៅតំបន់ហ្គាហ្សា៕