យោងតាមការប្រកាសរបស់សេតវិមាន ថ្នាក់ដឹកនាំអាមេរិកនិងស.ប.ប.កូរ៉េ នឹងគោរពស្វាគមន៍គ្នាទៅវិញទៅមកនៅវេលាម៉ោង ១៨និង៣០នាទី (តាមម៉ោងនៅរដ្ឋធានីហាណូយ) នៅសណ្ឋាគារ Sofitel Legend Metropole នៃទីក្រុងហាណូយ។ បន្ទាប់ពីនោះ ភាគីទាំងពីរនឹងមានកិច្ចប្រជុំដោយឡែកមួយក្នុងរយៈពេល  ២០ នាទី  មុនពេលទទួលទានអាហារពេលល្ងាច។ យោងតាមផែនការ អាហារពេលល្ងាច នឹងមានរយៈពេលប្រហែលមួយម៉ោងកន្លះនិងបញ្ចប់នៅវេលាម៉ោង ២០និង៣៥នាទី។  សេតវិមានក៏បានឲ្យដឹងថា អមដំណើរប្រធានាធិបតីអាមេរិក លោក  Trump ក្នុងពិធីជប់លៀងអាហារពេលល្ងាចនោះមានវត្តមាន លោក Mike Pompeo និងប្រធានខុទ្ទកាល័យសេតវិមាន Mick Mulvaney។ ភាគីថ្នាក់ដឹកនាំស.ប.ប.កូរ៉េ ក៏មានការអមដំណើរដោយឧបការីពីររូបផងដែរ។

ថ្នាក់ដឹកនាំទាំងពីរនឹងមានកិច្ចប្រជុំជាផ្លូវការជាបន្តបន្ទាប់នៅក្នុងថ្ងៃទី ២៨ ខែកុម្ភៈ៕