បណ្ដាអង្គភាពនិងសប្បុរសជនរួមវិភាគទានទឹកប្រាក់សម្រាប់មូលនិធិគាំពារកុមារ (រូបថត៖ TTXVN)

  នាថ្ងៃទី៥ខែមករានៅរដ្ឋធានីហាណូយ មូលនិធិគាំពារកុមារ (ក្រសួងការងារ យុទ្ធជនពិការនិងសង្គមកិច្ចវៀតណាម) បានសហការជាមួយក្រុមហ៊ុនភាគហ៊ុនវិនិយោគនិងផ្សាយពាណិជ្ជកម្មសកលលោក (GAIC) និងអង្គភាពទាក់ទិននានា រៀបចំកម្មវិធី “និទាឃរដូវសម្រាប់កុមារ” លើកទី១៣ សំដៅនាំមកជូនកុមារក្រីក្រ កុមារមានស្ថានភាពរស់នៅលំបាក នូវអំណោយដ៏មានអត្ថន័យជាក់ស្ដែងក្នុងឱកាសបុណ្យចូលឆ្នាំថ្មីប្រពៃណីខាងមុខនេះ។ 

       អញ្ជើញថ្លែងនៅកម្មវិធី អនុប្រធានរដ្ឋវៀតណាមលោកស្រី Dang Thi Ngoc Thinh បានសង្កត់ធ្ងន់ថា កម្មវិធី “និទាឃរដូវសម្រាប់កុមារ” ជាសកម្មភាពប្រចាំឆ្នាំសំដៅលើកតម្កើង បង្ហាញការដឹងគុណចំពោះបណ្ដាអង្គការបុគ្គល និងសមូហភាពដែលបានយកចិត្តទុកដាក់ ចូលរួមនិងគាំទ្រចំពោះសកម្ម ភាពរបស់មូលនិធិគាំពារកុមារវៀតណាម។ លោកស្រីអនុប្រធានរដ្ឋមានគោលបំណងថា បណ្ដាអង្គភាពនិងបុគ្គលនឹងបន្តរួមជាមួយមូលនិធិរៀបចំសកម្មភាពដ៏មានអត្ថន័យជាច្រើនថែមទៀត ក្នុងបំណងថែទាំដល់កុមារជាច្រើនថែមទៀត ជាពិសេសគឺកុមារមានស្ថានភាពរស់នៅលំបាក។

        នៅកម្មវិធីនេះ មូលនិធិគាំពារកុមារវៀតណាមទទួលបានទឹកប្រាក់ចំនួន១១៤ពាន់លានដុងរបស់បណ្ដាអង្គការ បុគ្គល សហគ្រាស និងសប្បុរសជននៅក្នុងនិងក្រៅប្រទេស៕