ឈូតសំដែងមួយក្នុងកម្មវិធី (រូបថត៖ Qdnd)

នាយប់ថ្ងៃទី១ កុម្ភៈ នៅរដ្ឋធានីហាណូយ ក្នុងឱកាសរំលឹកខួបអនុស្សាវរីយ៍លើកទី៨៨ ទិវាបង្កើតបក្សកុម្មុយនិស្តវៀតណាម (ថ្ងៃទី៣ កុម្ភៈ ឆ្នាំ១៩៣០ ថ្ងៃទី៣ កុម្ភៈ ឆ្នាំ២០១៨) និងស្វាគមន៍បុណ្យចូលឆ្នាំថ្មីប្រពៃណី២០១៨នោះ កាសែត Quan doi nhan dan បានសហការជាមួយស្ថានីយ៍ទូរទស្សន៍វៀតណាមនិងស្ថាប័នពាក់ព័ន្ធនានារៀបចំកម្មវិធីសិល្បៈក្រោមប្រធានបទ “ជំនឿជាក់និងសេចក្ដីស្រឡាញ់ពេញលេញចំពោះបក្ស” លើកទី៣។

ក្នុងកម្មវិធីខាងលើ ទស្សនិកជនបានកំសាន្តបទចម្រៀងពិរោះៗជាច្រើនដូចជា៖ “បក្សផ្ដល់ជូនយើងនិទាឃរដូវមួយ” “និទាឃរដូវដំបូង” និង “និទាឃរដូវនៅស្រុកកំណើត” តាមរយៈសំនៀងរបស់តារាចម្រៀងល្បីល្បាញ។

ក្រៅពីនោះ គណៈចាត់តាំងបានរៀបចំសកម្មភាពតបស្នងសង់គុណមួយចំនួនដូជាអំពាវនាវឲ្យសប្បុរសជនកសាងសាលាមតេយ្យសិក្សានិងប្រគល់អំណោយជូនក្រុមគ្រួសារគោលនយោបាយនិងក្រុមគ្រួសារក្រីក្រ៕