នាយករដ្ឋមន្ត្រីវៀតណាម លោក Pham Minh Chinh និងសមភាគីសិង្ហបុរី លោក Lee Hsien Loong។ (រូបថត៖ TTXVN)

ទីភ្នាក់ងារសារព័ត៌មាន Antara របស់ឥណ្ឌូនេស៊ី នាថ្ងៃទី ១១ ខែកុម្ភៈ បានចុះ ផ្សាយអត្ថបទសរសេរអំពីដំណើរទស្សនកិច្ចរបស់នាយករដ្ឋមន្ត្រីវៀតណាម លោក Pham Minh Chinh និងលោកជំទាវទៅកាន់ប្រទេសសិង្ហបុរីនិងប្រ៊ុយណេ (ថ្ងៃទី ៨ ដល់ថ្ងៃទី ១១ ខែកុម្ភៈ) ដោយសង្កត់ធ្ងន់លើអត្ថន័យដ៏សំខាន់នៃដំណើរទស្សនកិច្ចក្នុង បរិបទដែល សមាគមប្រជាជាតិអាស៊ីអាគ្នេយ៍ (អាស៊ាន) និយាយរួម និងវៀតណាម និយាយដោយឡែក ជំរុញកិច្ចសហប្រតិបត្តិការក្នុងការស្តារសេដ្ឋកិច្ចឡើងវិញ ក្រោយ ពីជំងឺរាតត្បាត Covid-19។ តាមអត្ថបទ វៀតណាមបានក្លាយជាការបំផុសគំនិត ហើយ បង្កើតកម្លាំងចលករអភិវឌ្ឍសម្រាប់ប្រទេសនានាក្នុងតំបន់។ ដំណើរទស្សនកិច្ចនេះ គឺជាសារច្បាស់លាស់នៃបំណងចង់ជំរុញកិច្ចសហប្រតិបត្តិការសេដ្ឋកិច្ច ការពង្រឹងភាព ស្អិតរមួតនយោបាយជាមួយបណ្តាប្រទេសអាស៊ាននិយាយរួម និងជាមួយសិង្ហបុរី និងប្រ៊ុយណេនិយាយដោយឡែក ដើម្បីកសាងសហ គមន៍អាស៊ានប្រកបដោយភាព សុខដុមរមនា វិបុលភាព និងការអភិវឌ្ឍប្រកបដោយចីរភាព។ សឹង្ហបុរី ប្រ៊ុយណេ និងវៀតណាមសុទ្ធតែបញ្ជាក់នូវការប្តេជ្ញាចិត្តរួមវិភាគទាន យ៉ាងសកម្មក្នុងការកសាងសហគមន៍អាស៊ានដ៏រឹងមាំ ឯកភាព ពង្រីកមជ្ឈភាព និង សំឡេងរួមរបស់សមាគមក្នុងកិច្ចការតំបន់និងអន្តរជាតិ ក្នុងនោះមានបញ្ហាមីយ៉ាន់ម៉ា និងសមុទ្រខាងកើត។

ភាគីនានាបានឯកភាពជំរុញការអនុវត្តសេចក្តីថ្លែងការណ៍ស្តីពី ការប្រតិបត្តិរបស់ភាគីនានានៅសមុទ្រខាងកើត (DOC) និងសម្របសម្រួលយ៉ាង ជិតស្និទ្ធក្នុងការចរចាអំពីក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធ ភាពនិងចីរភាព ស្របតាមច្បាប់អន្តរជាតិ និង អនុសញ្ញាអង្គការសហប្រជាជាតិស្តីពី ច្បាប់សមុទ្រ (UNCLOS) ឆ្នាំ១៩៨២ផងដែរ៕