ព្រឹត្តិការណ៍នេះប្រមូលផ្តុំសិល្បករល្បីៗមកពីប្រទេសហ្វីលីពីននិងពិភពលោកដើម្បីចូលរួមសម្តែងប្រកបដោយបរិយាកាសពិធីដ៏ផុសផុល។

នៅក្នុងពិធីនេះ ក្រុមកីឡាហ្វីលីពីនជាប់កំពូលតារាងមេដាយដោយមានដណ្ដើមមេដាយមាសចំនួន ១៤៩ គ្រឿង។ ទន្ទឹមជាមួយនេះ កីឡាករហែលទឹក Zheng Wen (សិង្ហបុរី) និងកីឡាការិនី Nguyen Thi Anh Vien (វៀតណាម) ទទួលបានពានរង្វាន់អត្តពលិកឆ្នើមបំផុតនៅស៊ីហ្គេម ៣០ ដោយដណ្ដើមបានមេដាយមាសចំនួន ៦ គ្រឿងនិងមេដាយប្រាក់ចំនួន ២ គ្រឿង។ អត្តពលិក Roger Casogay (ហ្វីលីពីន) ទទួលបានពានរង្វាន់ Fair-Play។

ថ្លែងនៅក្នុងពិធីនេះ ប្រធានគណៈកម្មាធិការអូឡាំពិកហ្វីលីពីនលោក Abraham Tolentino បានប្រកាសបិទបញ្ចប់ការប្រកួតកីឡាហ្គេមសមុទ្រ ៣០ និងធ្វើការអបអរសាទរទៅកាន់ស៊ីហ្គេមលើកក្រោយនៅវៀតណាមឆ្នាំ ២០២១។

ខ្ញុំសូមប្រកាសបិទបញ្ចប់ការប្រកួតកីឡាស៊ីហ្គេមលើកទី ៣០ និងអំពាវនាវដល់យុវជននៃបណ្តាប្រទេសអាស៊ីអាគ្នេយ៍ប្រមូលផ្តុំគ្នានៅទីក្រុងហាណូយប្រទេសវៀតណាមបន្ទាប់ពីនេះរយៈពេល ២ ឆ្នាំដើម្បីអបអរការប្រកួតកីឡាស៊ីហ្គេមលើកទី ៣១ ដែលត្រូវទទួលស្វាគមន៍ដោយប្រទេសម្ចាស់ផ្ទះវៀតណាម។

រដ្ឋមន្ត្រីក្រសួងវប្បធម៌ កីឡានិងទេសចរណ៍វៀតណាមលោក Nguyen Ngoc Thien ទទួលទង់ធ្វើជាម្ចាស់ផ្ទះស៊ីហ្គេមលើកទី ៣១ ឆ្នាំ ២០២១ ពីប្រធានគណៈកម្មាធិការអូឡាំពិកហ្វីលីពីន (រូបថត៖ VOV)

បន្ទាប់ពីនេះ រដ្ឋមន្ត្រីក្រសួងវប្បធម៌ កីឡានិងទេសចរណ៍លោក Nguyen Ngoc Thien និងតំណាងថ្នាក់ដឹកនាំគណៈកម្មាធិការប្រជាជនទីក្រុងហាណូយបានទទួលទង់ធ្វើជាម្ចាស់ផ្ទះស៊ីហ្គេមលើកទី ៣១ ឆ្នាំ ២០២១ ពីប្រធានគណៈកម្មាធិការអូឡាំពិកហ្វីលីពីន។

ក្នុងពិធីប្រគល់និងទទួលទង់ អត្តពលិកនិងទស្សនិកជនបានទស្សនាយ៉ាងរីករាយនូវកម្មវិធីសិល្បះបស់ប្រទេសជាម្ចាស់ផ្ទះស៊ីហ្គេមលើកទី ៣១ ដោយបានឧទេ្ទសនាមអំពីទឹកដីនិងមនុស្សវៀតណាមដូចជា៖ ច្រៀងចំរាងរបាំងសូមអញ្ជើញមកជាមួយប្រជាជនវៀតណាម។