អ្នកនាំពាក្យក្រសួងការ បរទេសវៀតណាម លោកស្រី Pham Thu Hang។ (រូបថត៖ ក្រសួងការបរទេស)

លោកស្រី Pham Thu Hang បានសង្កត់ធ្ងន់ថា៖ “ជនរួមជាតិខ្មែរគឺជាផ្នែកមួយ ដែលមិនអាចបំបែកចេញពីហគមន៍ជនជាតិបងប្អូនទាំង ៥៤ នៅវៀតណាម ដែល រួមរស់ប្រកបដោយសមភាពនិងសុខដុមរមនា រួមវិភាគទានក្នុងបុព្វហេតុកសាងនិង ការពារមាតុភូមិពេញមួយប្រវត្តិសាស្ត្ររបស់ប្រទេសជាតិ។ ជនជាតិទាំងអស់ក្នុង ប្រទេសវៀតណាមត្រូវបានប្រព្រឹត្តដោយស្មើភាព។ រដ្ឋវៀតណាមធានានិងបង្កើតលក្ខ ខណ្ឌសម្រាប់ការអភិវឌ្ឍលើគ្រប់វិស័យ ក្នុងបំណងលើកកំពស់ដោយឥតឈប់ឈរនូវ ជីវភាពរស់នៅទាំងខាងសម្ភារៈ និងស្មារតីរបស់បងប្អូនជនជាតិភាគតិច ថែរក្សាអត្ត សញ្ញាណជនជាតិ និងពង្រីកទំនៀមទម្លាប់ប្រពៃណី និងវប្បធម៌ដ៏ល្អប្រសើររួមចំណែក ពង្រឹងផែនមហាសាមគ្គីភាពប្រជាជាតិទាំងមូល”។

ឆ្លើយតបនឹងសំណួររបស់អ្នកសារព័ត៌មានអំពីព័ត៌មានដែលថា នាវានេសាទវៀត ណាមមួយគ្រឿងរងការវាយប្រហារនៅពេលកំពុងប្រតិបត្តិការនៅក្នុងដែនទឹកនៃប្រជុំ កោះ Hoang Sa របស់វៀតណាមនោះ អ្នកនាំពាក្យក្រសួងការបរទេសវៀតណាម លោកស្រី Pham Thu Hang បាននិយាយថា ស្ថាប័នសមត្ថកិច្ចវៀតណាមកំពុងបំភ្លឺ ករណីនេះជាបន្ទាន់។

លោកស្រី Pham Thu Hang បានសង្កត់ធ្ងន់ថា៖ “ដូចដែលបានបញ្ជាក់ម្តងហើយ ម្តងទៀតថា វៀតណាមមានមូលដ្ឋានច្បាប់ពេញលេញ និងភស្តុតាងប្រវត្តិសាស្ត្រដើម្បី បញ្ជាក់អធិបតេយ្យភាពលើប្រជុំកោះ Hoang Sa ស្របតាមច្បាប់អន្តរជាតិ ក៏ដូចជា អធិបតេយ្យភាព សិទ្ធិអធិបតេយ្យភាព និងយុត្តាធិការចំពោះតំបន់សមុទ្រ ដែលត្រូវ បានកំណត់ដោយអនុលោមតាមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។ វៀតណាមប្រឆាំងជំទាស់នឹងគ្រប់ទង្វើប្រើកម្លាំងទាំងអស់លើនាវានេសាទ វៀតណាម ដែលប្រតិបត្តិការជាធម្មតានៅសមុទ្រ គំរាមកំហែងដល់អាយុជីវិត និង សុវត្ថិភាព ព្រមទាំងបង្ករការខូចខាតដល់ទ្រព្យសម្បត្តិ និងផលប្រយោជន៍របស់ អ្នកនេសាទ ផ្ទុយនឹងច្បាប់អន្តរជាតិ អនុសញ្ញាអង្គការសហប្រជាជាតិស្តីពីច្បាប់សមុទ្រ ឆ្នាំ ១៩៨២”៕