កីឡាវៀតណាមមានសំបុត្រទី ៥ ដើម្បីចូលរួមអូឡាំពិកទីក្រុងប៉ារីសឆ្នាំ ២០២៤
(VOVWORLD) - នាយប់ថ្ងៃទី ១១ ខែមីនា អ្នកប្រដាល់ស្រី្ត Vo Thi Kim Anh បានឈ្នះសំបុត្រជាផ្លូវការដើម្បីចូលរួមអូឡាំពិកទីក្រុងប៉ារីសឆ្នាំ ២០២៤ នៅពេលបានស្ថិតក្នុងTop៤ អ្នកប្រដាល់ឆ្នើមបំផុត ក្នុងវគ្គជម្រុះដំបូង (៣-១១ ខែមីនា) ។
 Kim Anh បានឈ្នះសំបុត្រទៅអូឡាំពិកទីក្រុងប៉ារីសឆ្នាំ ២០២៤។ រូបថត៖ NVCC |
នៅក្នុងវគ្គជម្រុះដំបូងនៃអូឡាំពិកទីក្រុងប៉ារីសឆ្នាំ ២០២៤ ដែលប្រព្រឹត្តទៅនៅប្រទេសអ៊ីតាលី អ្នកប្រដាល់ស្រី្ត Vo Thi Kim Anh បានឈ្នះសំបុត្រចូលវគ្គពាក់កណ្តាលផ្តាច់ព្រ័ត្រ ទម្ងន់ ៥៤ គីឡូក្រាម ដូច្នេះដណ្ដើមបានសំបុត្រចូលរួមព្រឹត្តិការណ៍កីឡាអូឡាំពិករដូវក្តៅ។ នេះគឺជាសំបុត្រចូលរួមអូឡាំពិកឆ្នាំ ២០២៤ ទី ៥ របស់កីឡាវៀតណាម។ សំបុត្រទាំងបួនកាលពីមុននោះ បានទៅលើកីឡាកររួមមាន៖ Trinh Thu Vinh, Le Thi Mong Tuyen (បាញ់កាំភ្លើង) Nguyen Thi That (ជិះកង់) និង Nguyen Huy Hoang (ហែលទឹក) ។
នេះជាលើកទី ២ ជាប់ៗគ្នាហើយដែល កីឡាប្រដាល់វៀតណាមមានអ្នកប្រដាល់ឈ្នះសិទ្ធិចូលរួមអូឡាំពិក បន្ទាប់ពី Nguyen Thi Tam និង Nguyen Van Duong នៅអូឡាំពិកទីក្រុងតូក្យូឆ្នាំ ២០២០ ៕