ទិដ្ឋភាពនៃជំនួប  (រូបថត៖ TTXVN)

នៅទីនេះ លោកនាយករដ្ឋមន្ត្រី Pham Minh Chinh បានអះអាងថា វៀតណាមតែងតែយោបល់របស់សហគមន៍ធុរកិច្ចបរទេស រួមទាំងធុរកិច្ចហូឡង់ផងដែរ; ស្នើរឲ្យសាជីវកម្ម និងធុរកិច្ចហូឡង់ធំៗ ទាញយកប្រយោជន៍ពីកាលានុវត្តភាពនៃកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EU) (EVFTA); ពង្រឹងការបើកទ្វារទីផ្សារ ខិតខំនាំយកទំហំពាណិជ្ជកម្មទ្វេភាគីឡើងដល់ ១៥ ពាន់លានដុល្លារនាពេលខាងមុខ (គិតត្រឹមខែវិច្ឆិកាឆ្នាំមុន ទំហំពាណិជ្ជកម្មរវាងប្រទេសទាំងពីរឈានដល់ជិត ១០ ពាន់លានដុល្លារអាមេរិក)។ អាជីវកម្មហូឡង់បន្តរក្សា និងពង្រីកកិច្ចសហប្រតិបត្តិការ; ភ្ជាប់ជាមួយអាជីវកម្មវៀតណាមក្នុងវិស័យដែលហូឡង់មានចំណុចខ្លាំង ហើយវៀតណាមមានតម្រូវការដូចជា៖ កសិកម្មបច្ចេកវិទ្យាខ្ពស់ ថាមពលថ្មី ថាមពលកកើតឡើងវិញ បន្ទះឈីប semiconductor ការសម្របខ្លួនទៅនឹងការប្រែប្រួលអាកាសធាតុ   សេវាកម្មសាងសង់កប៉ាល់ កំពង់ផែសមុទ្រ បច្ចេកវិទ្យាសាងសង់កប៉ាល់ ភស្តុភារ ។ល។

សម្រាប់ខ្លួនវិញ លោកស្រី Ingrid Thijssen ប្រធានសហភាពនិយោជក និងឧស្សាហកម្មហូឡង់ បានស្នើឱ្យរដ្ឋាភិបាលដឹកនាំក្រសួង និងសាខាបន្តពិចារណា និងមានគោលនយោបាយកាន់តែប្រសើរឡើងលើពន្ធ ទិដ្ឋាការ និងនីតិវិធីរដ្ឋបាល។ ជាពិសេស មានបំណងថា នឹងមានចំណុចតភ្ជាប់ដើម្បីទទួលបានការគាំទ្រ ផ្ទេរបច្ចេកវិទ្យា និងជំរុញកិច្ចសហប្រតិបត្តិការលើវិស័យសាងសង់កប៉ាល់ កំពង់ផែសមុទ្រ គ្រឿងអេឡិចត្រូនិក ថាមពលកកើតឡើងវិញ ការការពារបរិស្ថាន និងប្រឆាំងអំពើពុករលួយ គម្រោងសាងសង់លំនៅឋានសង្គមចំនួន ១ លានខ្នង។ ក្រៅពីនោះ អង្គភាពអាជីវកម្មបានស្នើឱ្យរដ្ឋាភិបាលដឹកនាំធុរកិច្ចវៀតណាម ជាពិសេសលើវិស័យកសិកម្ម និងម្ហូបអាហារ លើកកំពស់គុណភាពផលិតផល និងអនុវត្តការប្តេជ្ញាចិត្តចំពោះការអភិវឌ្ឍបៃតង សុវត្ថិភាព និរន្តរភាព ប្រឆាំងការក្លែងបន្លំ; មានបំណង ចង់ទិញដោយផ្ទាល់ពីកសិករ... ដើម្បីឱ្យកសិផលវៀតណាមមានឱកាសចូលប្រទេសហូឡង់៕