ខេត្ត Nghe An ស្ងើចសរសើរ «និស្សិតឆ្នើម» និងប្រគល់ពានរង្វាន់ «តារាខែមករា» (baonghean.vn)

(VOVworld) – នាយប់ថ្ងៃទី ៦ មករា នៅទីក្រុង Vinh ខេត្ត Nghe An ភាគកណ្ដាលវៀតណាម បានប្រព្រឹត្តទៅពិធីរំលឹកខួបអនុស្សាវរីយ៍លើកទី ៦៨ ឆ្នាំទិវាប្រពៃណីសិស្សានុសិស្សនិង សមាគមនិស្សិតវៀតណាម (ថ្ងៃទី ៩ មករា ឆ្នាំ ១៩៥០ - ថ្ងៃទី ៩ មករា ឆ្នាំ ២០១៨) ព្រមទាំង លើកដម្កើងនិស្សិតឆ្នើមចំនួន ២៩ នាក់ ដោយប្រគល់ពានរង្វាន់  «Sao Thang Gieng» (តារាខែមករា) ថ្នាក់ខេត្តឆ្នាំសិក្សា ២០១៦-២០១៧។ កិត្តិនាម «និស្សិតឆ្នើម» និងពាន រង្វាន់ «តារាខែមករា» គឺជាពានរង្វាន់ដ៏ថ្លៃថ្លាដែលកត់សម្គាល់ការរួមវិភាគទានរបស់និស្សិតគំរូដែលមានស្នាដៃលេចធ្លោក្នុងការសិក្សារៀនសូត្រនិងការងារសមាគមចលនានិស្សិតក្នុងទូទាំងខេត្ត។ បណ្ដាពានរង្វាន់នេះនឹងរួមវិភាគទានពង្រីកថែមទៀតនូវចលនាសិក្សារៀនសូត្រនិងហាត់ពត់លត់ដំរបស់និស្សិតក្នុងខេត្ត៕