ទីភ្នាក់ងារសារព័ត៌មាន ស៊ីនហួ បានចុះផ្សាយព័ត៌មានអំពីជំនួបរវាងនាយករដ្ឋមន្ត្រីចិនលោក លីឈាំង និងអគ្គលេខាបក្ស ប្រធានរដ្ឋវៀតណាម លោក តូឡឹម។ រូបថត៖ TTXVN

ទន្ទឹមនឹងនោះ យោងតាមកាសែតប្រជាជនប្រចាំថ្ងៃ បានឲ្យដឹងថា ថ្លែងនៅក្នុងជំនួបជាមួយអគ្គលេខាបក្ស ប្រធានរដ្ឋវៀតណាម លោក តូឡឹម នាយករដ្ឋមន្ត្រីចិនលោក លី ឈាំង បានសង្កត់ធ្ងន់ថា ចិនត្រៀមខ្លួនជាស្រេចសហប្រតិបត្តិការជាមួយវៀតណាម ដើម្បីអនុវត្តន៍ការយល់ដឹងរួមដ៏សំខាន់ដែលថ្នាក់ដឹកនាំជាន់ខ្ពស់នៃបក្សទាំងពីរ និងប្រទេសទាំងពីរសម្រេចបាន ទន្ទឹមនឹងនោះរក្សាទំនាក់ទំនងមិត្តភាពជាប្រពៃណី បង្កើនការជួបប្រាស្រ័យកម្រិតខ្ពស់ ពង្រឹងការផ្លាស់ប្តូរជាយុទ្ធសាស្ត្រ សាមគ្គីភាព និងកិច្ចសហប្រតិបត្តិការជិតស្និទ្ធ ព្រមទាំងជំរុញខ្លាំងការកសាងសហគមន៍ចែករំលែកអនាគតចិន-វៀតណាម ដែលមានសារៈសំខាន់ជាយុទ្ធសាស្ត្រ។ លោកនាយករដ្ឋមន្ត្រី លី ឈាំង បានអះអាងថា ចិនត្រៀមខ្លួនជាស្រេចសហប្រតិបត្តិការជាមួយវៀតណាម ដើម្បីបន្តពង្រីកកិច្ចសហប្រតិបត្តិការសេដ្ឋកិច្ចនិងពាណិជ្ជកម្ម ស្រាវជ្រាវយ៉ាងសកម្មអំពីការកសាងជាសាកល្បងនូវតំបន់សហប្រតិបត្តិការសេដ្ឋកិច្ចឆ្លងដែន និងពង្រីកកិច្ចសហប្រតិបត្តិការលើវិស័យដែលទើបលេចចេញ ដូចជាបច្ចេកវិទ្យាព័ត៌មាន ថាមពលថ្មី សេដ្ឋកិច្ចឌីជីថល ធនធានរ៉ែសំខាន់ៗ ក៏ដូចជាការពង្រឹងការជួបប្រាស្រ័យរវាងប្រជាជននិងប្រជាជនផងដែរ៕