ប្រធានរដ្ឋចិនលោក Xi Jinping និងប្រធានក្រុមប្រឹក្សាអឺរ៉ុបលោក Herman Van Rompuy (AFP)

        Vovworld-សហភាពអឺរ៉ុប(EU)និងចិនបានឯកភាពបង្កើនកិច្ច​សហប្រតិបត្តិ
​ការ​ដោះស្រាយបញ្ហាក្នុងដំបន់និងសកលដើម្បីធានាសន្តិភាពស្ថិរភាព។ នៅ​
សន្និសីទ​កាសែតនាថ្ងៃទី៣១មិនាបន្ទាប់ពីការសន្ទនារវាងប្រធានរដ្ឋចិនលោក
Xi Jinping និងប្រធានក្រុមប្រឹក្សាអឺរ៉ុបលោក Herman Van Rompuy រួមជាមួយ​
ប្រធាន​គណៈកម្មាធិការអឺរ៉ុបលោក Jose Manuel Barroso នៅទីស្ដីការ EU នៅ​
ទីក្រុង Brussels (បែលហ្ស៊ីក) ភាគីទាំងពីរបានផ្ដោតទៅលើរាល់បញ្ហាយកចិត្ត
ទុក​ដាក់រួមដូចជាវិបត្តិនៅអ៊ុយក្រែនអ៊ីរ៉ង់និងស៊ីរីក៏ដូចជាការខ្វែងគំនិតក្នុង​
ពាណិជ្ជកម្ម។

        អំពីការខ្វែងគំនិតក្នុងពាណិជ្ជកម្ម តាមនោះមកដល់ឥឡូវនេះ EU មិនទាន់​
ទទួល​ស្គាល់ខឿនសេដ្ឋកិច្ចទីផ្សាររបស់ចិន លោក Xi Jinping បានអះអាងថា ទំនាក់ទំនងសហប្រតិបត្តិការរវាងចិននិង EU នឹងមិនត្រូវបានរារាំងដោយការ
លំបាក​រឺខ្វែងគំនិតណាមួយឡើយ។ លោកសង្ឃឹមថា ដំណើរទស្សនកិច្ចនៅ
ទីក្រុង Brussels លើកនេះនឹងនាំមកផលប្រយោជន៍សំរាប់ភាគីទាំងពីរលើវិស័យ
ជាច្រើន រួមចំណែកនាំដៃគូរទាំងពីរខិតមកជិតគ្នាតាមយុទ្ធសាស្ត្រសហប្រតិបត្តិ
ការចិន- EU ដល់ឆ្នាំ២០២០។

        ក្នុងពេលនោះ ប្រធានសភាអឺរ៉ុប (EP) លោក Martin Schulz បន្ទាប់ពីជួប​សន្ទនាជាមួយប្រធានរដ្ឋចិនបានឲ្យដឹងថា ការខ្វែងគំនិតរវាង EU និងចិនអាច​ដោះស្រាយដោយការសន្ទនានិងដំណើរទស្សនកិច្ចលើកនេះរបស់លោក Xi
Jinping ជាភស្តុតាងសឲ្យឃើញថា ថ្នាក់ដឹកនាំចិនគាំទ្រសន្ទនាស្មោះត្រង់និង​បើក​ចំហរអំពីបញ្ហាទាំងអស់ដែលមិនទាន់បានដោះស្រាយ។

        នេះជាដំណើរទស្សនកិច្ចដំបូងរបស់ប្រធានរដ្ឋចិនមកបែលហ្ស៊ីកក្នុងអំឡុង
២៧ឆ្នាំកន្លងមកនិងជាប្រទេសទី៤ដែលលោក Xi Jinping ធ្វើដំណើរ​ទស្សនកិច្ច
នៅទ្វីបអឺរ៉ុបលើកនេះ៕