បុរសម្នាក់ឈរលើគំនរបាក់បែកបន្ទាប់ពីកងទ័ពអ៊ីស្រាអែលវាយឆ្មក់ចូលទីក្រុង Hebron ក្នុងតំបន់ West Bank កាលពីថ្ងៃទី ២១ ខែមករា។ រូបថត៖ AFP

ទាក់ទងនឹងអនាគតនៃសង្រ្គាម នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃទី ២១ ខែមករា បានបញ្ជាក់ថា កងកម្លាំងប្រដាប់អាវុធរបស់ប្រទេសនេះ នឹងបន្តប្រយុទ្ធលើគ្រប់សមរភូមិ មិនថានៅតំបន់ហ្គាហ្សា ប្រទេសលីបង់ ស៊ីរី ឬកន្លែងផ្សេងទៀតឡើយ គឺដើម្បីធានាសន្តិសុខរបស់ប្រទេសខ្លួន។ ប្រមុខរដ្ឋាភិបាលអ៊ីស្រាអែលក៏បានច្រានចោលសំណើរដែលចលនាអ៊ីស្លាមហាម៉ាសបានដាក់ចេញ លើបញ្ហាផ្លាស់ប្តូរអ្នកទោស និងចំណាប់ខ្មាំង ដែលទាមទារឱ្យអ៊ីស្រាអែលបញ្ឈប់យុទ្ធនាការវាយលុកលើតំបន់ហ្គាហ្សា និងដោះលែងអ្នកទោសប៉ាឡេស្ទីនទាំងអស់៕