នាយករដ្ឋមន្ត្រីជប៉ុន លោក Kishida Fumio (រូបថត៖ Reuters)

យោងតាមសេចក្តីថ្លែងការណ៍រួមដែលបានចេញផ្សាយបន្ទាប់ពីកិច្ចប្រជុំរវាងនាយករដ្ឋមន្ត្រីនៃប្រទេសទាំងពីរនៅរាជធានីភ្នំពេញ ថ្នាក់ដឹកនាំទាំងពីររូបបានឯកភាពពង្រឹងកិច្ចសហប្រតិបត្តិការដើម្បីធានាការអនុវត្តពេញលេញនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។

កម្ពុជាជាកន្លែងបង្អង់ដំណើរទី ២ នៃដំណើរទស្សនកិច្ចនៅអាស៊ីរបស់នាយករដ្ឋមន្ត្រីជប៉ុន។ មុននេះនាយករដ្ឋមន្ត្រីជប៉ុនបានទៅបំពេញទស្សនកិច្ចនៅឥណ្ឌា។

សូមគូសបញ្ជាក់ថា ដោយមានសុពលភាពចាប់ពីថ្ងៃទី ១ ខែមករាឆ្នាំ ២០២២ នេះ  RCEP រួមមានប្រទេសសមាជិកចំនួន ១០ នៃសមាគមប្រជាជាតិអាស៊ីអាគ្នេយ៍ (អាស៊ាន) រួមជាមួយប្រទេសចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់ ដែលស្រូបយក ៣០% នៃចំនួនប្រជាជន (ស្មើនឹង ២,៧ ពាន់លាននាក់) និងផលិតផលក្នុងស្រុកសរុប (GDP - ស្មើនឹង ២៦.២០០ ពាន់លានដុល្លារ)។ ក្នុងនាមជាប្លុកពាណិជ្ជកម្មដ៏ធំបំផុតរបស់ពិភពលោក RCEP នឹងលុបចោល ៩០% នៃពន្ធលើទំនិញដែលត្រូវបានជួញដូររវាងប្រទេសហត្ថលេខីក្នុងរយៈពេល ២០ ឆ្នាំខាងមុខ។ RCEP ត្រូវបានរំពឹងថានឹងបង្កើតខ្យល់ថ្មីមួយដើម្បីជម្រុញការស្តារឡើងវិញរបស់តំបន់ក្រោយជំងឺរាតត្បាតកូវីដ ១៩ ព្រមទាំងជាកាតាលីករដែលរួមចំណែកដល់ការជម្រុញសេដ្ឋកិច្ចពិភពលោកផងដែរ៕