ក្រុមជម្រើសជាតិវៀតណាមទោះបីជាចាញ់ក្នុងការប្រកួតក៏ដោយក៏នៅតែដណ្តើមបានសំបុត្រចូលទៅវគ្គជម្រុះចុងក្រោយនៃការប្រកួត World Cup ឆ្នាំ ២០២២

ជាមួយនឹងលទ្ធផលនេះ ទោះបីចាញ់ក៏ដោយ ប៉ុន្តែក្រុមជម្រើសជាតិវៀតណាមបានបង្កើតឡើងប្រវត្តិសាស្ត្រ នៅពេលដែលជាលើកដំបូងដណ្តើមបានសំបុត្រចូលទៅវគ្គជម្រុះចុងក្រោយនៃការប្រកួត World Cup ឆ្នាំ ២០២២ ហើយក្លាយជាតំណាងមួយក្នុងចំណោមតំណាងខ្លាំងទាំង ១២ នៅអាស៊ី។ គ្រូបង្វឹកនិងកូនក្រុមរបស់គ្រូបង្វឹកលោក Park Hang Seo អាចបន្តដំណើរឆ្ពោះទៅមុខ ក្នុងនាមជាក្រុមជើងឯករង ដែលមានស្នាដៃល្អជាងគេទាំង ៥ (មាន ១៧ ពិន្ទុ) ក្នុងវគ្គជម្រុះលើកទី ៣។

ក្នុងការប្រកួត ក្រុមជម្រើសវៀតណាមត្រូវក្រុមអេមីរ៉ាតអារ៉ាប់រួមនាំមុខដោយលទ្ធផល ៣-០។ ក៏ប៉ុន្តែ នៅនាទីចុងក្រោយនៃតង់ទី ២ កីឡាករវៀតណាមបានប្តេជ្ញាចិត្តលេងនិងមានគោល ដៅកាត់បន្ថយពិន្ទុ ៣- ១ នៅវេលានាទី ៨៥ ជាមួយការសុតបញ្ចូលទីរបស់កីឡាករ Tien Minh។ បន្ទាប់មកនៅនាទី ៩៣ កីឡាករ Minh Vuong បានរកគ្រាប់បាល់ទី ២ ជូនក្រុមជម្រើសជាតិវៀតណាម។ បន្ទាប់ពីវគ្គប្រកួត កីឡាករ Minh Vuong បានចែករំលែកថា៖ “តាមពិតទៅ ក្រុមទាំងមូលមានការប្រកួតយ៉ាងស្វិតស្វាញ បើទោះបីជាគូប្រកួតត្រូវបានគេចាត់ទុកថាជាក្រុមខ្លាំងក្នុងពូល G ក៏ដោយ។ ក្រុមទាំងមូលប្រយុទ្ធដោយស្មារតីក្លាហាន ហើយអ្វីដែលសំខាន់បំផុតនោះគឺក្រុមជម្រើសជាតិវៀតណាមបានឈានដល់វគ្គជម្រុះលើកទី ៣។ ក្រុមនឹងឆ្ពោះទៅគោលដៅល្អក្នុងការប្រកួតនាពេលខាងមុខក្នុងវគ្គជម្រុះទី ៣”។

ក្រុមជម្រើសជាតិវៀតណាមបានចាកចេញពីប្រទេសអារ៉ាប់រួមនៅល្ងាចថ្ងៃទី ១៦ ខែមិថុនា ហើយរំពឹងថានឹងចុះចតនៅអាកាសយានដ្ឋាន Tan Son Nhat នៅព្រឹកថ្ងៃទី ១៧ ខែមិថុនា។ បន្ទាប់ពីឆ្លងដែនមក សមាជិកទាំងអស់នឹងអនុវត្តន៍ការធ្វើចត្តា ឡីស័កដោយធានានូវបទប្បញ្ញត្តិស្តីពីការបង្ការទប់ស្កាត់កូវីដ ១៩ ផងដែរ៕