ដំណើរទស្សនកិច្ចនៅវៀតណាមរបស់ប្រធានាធិបតីអាមេរិកបានពង្រឹងនិងពង្រីកទំនាក់ទំនងវៀតណាមនិងអាមេរិក

          (VOV)_នេះគឺជាការអះអាងរបស់សាស្ត្រាចារ្យ Marvin Ott អ្នកស្រាវជ្រាវ​ជួរមុខ
លើពិភពលោកអំពីអាស៊ីអាគ្នេយ៍ ក្នុងជំនួបសន្ទនាជាមួយអ្នកយកព័ត៍មាននៃវិទ្យុសម្លេងវៀតណាម បន្ទាប់ពីពេល ប្រធានាធិបតីអាមេរិក លោក Barack Obama
បញ្ចប់ដំណើរទស្សនកិច្ចនៅវៀតណាមប្រកបដោយជោគជ័យ។ ​ប្រធានាធិបតី​ 
លោក Barack Obama បានខំប្រឹងប្រែងកសាងមូលដ្ឋានសំខាន់​បំផុត ​ដើម្បីជំរុញ
ទំនាក់ទំនងសន្តិសុខយុទ្ធសាស្ត្រវៀតណាមនិងអាមេរិកអោយ​កាន់តែជិតស្និទ្ធិថែម
ទៀត មិនគ្រាន់តែបញ្ហាសមុទ្រខាងកើតប៉ុណ្ណោះទេ ថែម​ទាំងបញ្ហាផ្សេងៗទៀត។ 
ឆ្លើយសម្ភាសន៍អ្នកយកព័ត៍មាន អំពីការជះឥទ្ធិពលរបស់លទ្ធផលបោះឆ្នោត
 ប្រធានាធិបតីអាមេរិក នាចុងឆ្នាំ ២០១៦នេះ ចំពោះទំនាក់​ទំនងវៀតណាមនិង
អាមេរិកនាពេលខាងមុខនេះ សាស្ត្រាចារ្យ Marvin Ott បានអោយដឹងថា៖

          “ ខ្ញុំឃើញថា៖ គ្មានការជជែកវែកញែកណាមួយ អំពីគោលនយោបាយរបស់
​អាមេរិក​ ចំពោះវៀតណាម ក្នុងយុទ្ធនាបោះឆ្នោតនេះទេ។ នេះគឺជាប្រការសំខាន់
ណាស់។ យើងអាចឃើញនូវឯកភាពជាដាច់ខាតរបស់មជ្ឈដ្ឋានមន្ត្រីទាំងឡាយនៅ
អាមេរិក អំពីគោលនយោបាយចំពោះវៀតណាម និងប្រការនេះបានប្រព្រឹត្តទៅ
ពីយូរណាស់មកហើយ។ ខ្ញុំគិតថាគ្មានការផ្លាស់ប្តូរអ្វីក្នុងអនាគតទេ៕”