តុលាការអេស្ប៉ាញលុបចោលសេចក្តីប្រកាសឯករាជ្យនៃតំបន់ Catalonia

(VOVworld) – នាថ្ងៃទី ៨ វិច្ឆិកា តុលាការរដ្ឋធម្មនុញ្ញអេស្ប៉ាញ់បានលុបចោលជា ផ្លូវការសេចក្តីប្រកាសឯករាជ្យដោយឯកតោភាគីរបស់ក្រុមប្រឹក្សានីតិបញ្ញាត្តិនៃតំបន់ Catalonia នាថ្ងៃទី ២៧ តុលា កន្លងទៅ។ អ្នកនាំពាក្យតុលាការបានលើកច្បាស់ថា៖ «សេចក្តីប្រកាសឯករាជ្យនាថ្ងៃទី ២៧ តុលា នៃក្រុមប្រឹក្សានីតិបញ្ញាត្តិតំបន់ Catalonia រំលោភទៅលើរដ្ឋធម្មនុញ្ញនិងគ្មានសុពលភាព។» មុននេះ នាយករដ្ឋមន្ត្រីអាស្ប៉ាញ លោក  Mariano Rajoy បានបញ្តេញចេញពីដំណែងជាអភិបាលតំបន់ Catalonia ចំពោះលោក Carles Puigdemont និងរដ្ឋអំណាចតំបន់ Catalonia ទាំងមូល បន្ទាប់ពីតំបន់នេះបានប្រកាសឯករាជ្យចេញពី Madrid៕