ថ្នាក់ដឹកនាំវៀតណាមជួបសន្ទនាជាមួយប្រធានរដ្ឋសភាហុងគ្រី Kover Laszlo

        Vovworld-នាថ្ងៃទី៩វិច្ឆិកា អគ្គលេខាបក្សកុម្មុយនីស្តវៀតណាមលោក Nguyen Phu Trong និងនាយករដ្ឋមន្ត្រីលោក Nguyen Tan Dung បានទទួលជួប​សន្ទនាដាច់ដោយឡែកជាមួយប្រធានរដ្ឋសភាហុងគ្រីលោក Kover Laszlo ដែលកំពុងបំពេញ​ទស្សនកិច្ចនៅវៀតណាម។ ប្រធានរដ្ឋសភាលោក Kover Laszlo បានវាយតំលៃ​ខ្ពស់រាល់សមិទ្ធិដ៏ធំធេងដែលបក្សរដ្ឋនិងប្រជាជនវៀតណាមដណ្ដើមបានក្រោយ​រយៈពេលជិត៣០ឆ្នាំផ្លាស់ប្តូរថ្មី វាយតំលៃខ្ពស់បទពិសោធន៍របស់វៀតណាម ឥទ្ធិពលនិងតួនាទីរបស់វៀតណាមក្នុងដំបន់និងលើពិភពលោក។

        រីឯអគ្គលេខា Nguyen Phu Trong បានថ្លែងអំណរគុណរដ្ឋសភារដ្ឋាភិបាល​និងប្រជាជនហុងគ្រីបានបង្កលក្ខណៈងាយស្រួលសំរាប់ពលរដ្ឋវៀតណាមរស់នៅធ្វើការនិងរៀនសូត្រនៅហុងគ្រី។ លោក Nguyen Phu Trong បានសង្កត់ធ្ងន់ថា វៀតណាមជានិច្ចកាលគោរពទំនាក់ទំនងជាមួយប្រទេសមិត្តភក្តិប្រពៃណី ក្នុង​នោះ​មានហុងគ្រីផង។ វៀតណាមប្តេជ្ញាខំប្រឹងប្រែងសំដៅពង្រឹងនិងពង្រីកថែម​ទៀតនូវទំនាក់ទំនងល្អប្រសើរនោះរវាងប្រទេសទាំងពីរ។

ក្នុងជំនួបសន្ទនាជាមួយប្រធានរដ្ឋសភាហុងគ្រី នាយករដ្ឋមន្ត្រីវៀតណាម​លោក Nguyen Tan Dung បានសម្ដែងបំណងរួមជាមួយហុងគ្រីនាំទំនាក់ទំនង​រវាងប្រទេសទាំងពីរបន្តអភិវឌ្ឍន៍ស៊ីជម្រៅនិងមានប្រសិទ្ធិភាពលើគ្រប់វិស័យពិសេសគឺ​អំពីសេដ្ឋកិច្ចពាណិជ្ជកម្មវិនិយោគអប់រំបណ្ដុះបណ្ដាលជាដើម។ លោក Nguyen Tan Dung ក៏ស្នើរហុងគ្រីទទួលស្គាល់វៀតណាមជាខឿនសេដ្ឋកិច្ចទីផ្សារពេញ​លេញយ៉ាងឆាប់រហ័សនិងគាំទ្រការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EU)៕