(VOVworld) - នាព្រឹកថ្ងៃទី១៧ មិនា នៅទីក្រុងហូជីមិញ ភាគខាងត្បូងវៀតណាម បានប្រព្រឹត្តទៅសិក្ខាសាលាវិទ្យាសាស្ត្រដោយប្រធានបទ “ទីក្រុងហូជីមិញ-៤០ឆ្នាំ
កសាង អភិវឌ្ឍន៍និងសមាហរណកម្ម” ក្នុងឱកាសរំលឹកខួបអនុស្សាវរីយលើកទី៤០ នៃទិវារំដោះភាគខាងត្បូង ឯកភាពប្រទេសជាតិ។បណ្ដាបទថ្លែងសន្ទរកថានៅទីនេះ បានលើកច្បាស់ថា ៤០ឆ្នាំក្រោយទិវារំដោះ ទីក្រុងហូជីមិញបានម្ចាស់ការ ខំប្រឹង ប្រែងអភិវឌ្ឍន៍សេដ្ឋកិច្ចសង្គម ឆ្លងកាត់លើដំណាក់កាលវិបត្តិសេដ្ឋកិច្ច និងរក្សារឹងមាំ
ស្ថិរភាពនយោបាយ។ដោយមានតួនាទីជាកម្លាំងចលករនៃមណ្ឌលសេដ្ឋកិច្ចស្នូល
នៅភាគខាងត្បូង សារៈសំខាន់របស់ទីក្រុងហូជីមិញកាន់តែត្រូវបានបញ្ជាក់ក្នុង ការ
កំណត់ទិសដៅអភិវឌ្ឍន៍សេដ្ឋកិច្ច និងសមាហរណកម្មទៅក្នុងពិភពលោក។នា
បច្ចុប្បន្ន ល្បឿនអភិវឌ្ឍន៍សេដ្ឋកិច្ចរបស់ទីក្រុងស្មើរនឹង១,៧ដងទូទាំងប្រទេស តំលៃ
ផលិតផលផ្ទៃក្នុងសរុបស្រូបយក២១% និងរួមវិភាគទាន៣០%នៃថវិការទូទាំង
ប្រទេស។ថ្លែងមតិនៅសន្និសីទនេះ លោក Le Thanh Hai សមាជិកការិយាល័យ នយោបាយនិងជាលេខាគណៈកម្មាធិការបក្សទីក្រុងហូជីមិញបានសង្កត់ធ្ងន់ថា៖
![ទីក្រុងហូជីមិញ-៤០ឆ្នាំកសាង អភិវឌ្ឍន៍និងសមាហរណកម្ម - ảnh 1](https://image.vovworld.vn/w730/uploaded/vovworld/cqjwqkrwq/2015_03_17/40 nam.jpg) |
ទិដ្ឋភាពនៃសិក្ខាសាលានេះ (រូបថត៖qdnd.vn) |
“ដំបូងបង្អស់ ទីក្រុងត្រូវជ្រួតជ្រាបការផ្ដួចផ្ដើមគំនិតរបស់បក្ស សកម្មផ្លាស់ប្ដូរត្រិះរិះ សាកល្បងរបៀបធ្វើការងារថ្មី រូបសណ្ឋានថ្មី។ទី២គឺត្រូវថែទាំជីវភាពរស់នៅ សំរាប់
ប្រជាជន។ទី៣គឺជំរុញខ្លាំងកិច្ចសហប្រតិបតិ្តការសេដ្ឋកិច្ចវប្បធម៌សង្គម ជាមួយខេត្ត
ក្រុងដទៃនៅទូទាំងប្រទេសដើម្បីអភិវឌ្ឍន៍យ៉ាងលឿននិងប្រកបដោយចីរភាព”៕