ឯកអគ្គរដ្ឋទូតវិសាមញ្ញនិងពេញសមត្ថភាពវៀតណាមលោកស្រី Le Thi Tuyet Mai ប្រធានក្រុមបេសកកម្មអចិន្រ្តៃយ៍វៀតណាម អមអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិនានាប្រចាំនៅ ទីក្រុងហ្សឺណែវ (ប្រទេសស្វីស) បានជួបជាមួយអគ្គនាយិកា នៃ ការិយាល័យអង្គការសហប្រជាជាតិប្រចាំនៅទីក្រុងហ្សឺណែវ លោកស្រី Geneva Tatiana Valovaya និងជូនសារតាំងឡើង អគ្គលេខាធិការអង្គការអង្គការសហប្រជាជាតិលោកAntónio Guterres នារសៀលថ្ងៃទី ១០ ខែកុម្ភៈ។

ឯកអគ្គរដ្ឋទូតវៀតណាមលោកស្រី Le Thi Tuyet Mai និងអគ្គនាយិកានៃការិយាល័យអង្គការសហប្រជាជាតិប្រចាំនៅទីក្រុងហ្សឺណែវ លោកស្រី Geneva Tatiana Valovaya (រូបថត៖ TTXVN)

អញ្ជើញថ្លែងនៅក្នុងជំនួបជាមួយលោកស្រី Le Thi Tuyet Mai នោះ អគ្គនាយិកា លោកស្រី Tatiana Valovaya បានវាយតំលៃខ្ពស់ចំពោះតួនាទី និងកិច្ចសហប្រតិបត្តិការរបស់វៀតណាមជាមួយអង្គការសហប្រជាជាតិលើគ្រប់វិស័យ។ លោកស្រីបានសំដែងក្តីសង្ឃឹមថាក្នុងអាណត្តិបេសកកម្មការទូតរបស់លោកស្រី ឯកអគ្គរដ្ឋទូតនោះ វៀតណាមនឹងបន្តរួមវិភាគទៅក្នុងបណ្ដាវេទិកា សកម្មភាពរបស់អង្គការសហប្រជាជាតិនៅទីក្រុង ហ្សឺណែវ ព្រមទាំងជំរុញទំនាក់ទំនងរវាងបណ្ដាវេទិការអង្គការសហប្រជាជាតិ និងសមាគមប្រជាជាតិអាស៊ីអាគ្នេយ៍ (អាស៊ាន) ក្នុងនាមជាប្រធានអាស៊ានឆ្នាំ ២០២០ ដើម្បីគោលដៅសន្តិភាព សន្តិសុខ អភិវឌ្ឍន៍ប្រកបដោយចីរភាព និងវិបុលភាពរួមជូនប្រជាជាតិទាំងអស់។

ជាការឆ្លើយតប លោកស្រី Le Thi Tuyet Mai ប្រធានក្រុមបេសកម្មអចិន្រ្តៃយ៍វៀតណាម បានអះអាងថា ទំនាក់ទំនងជាមួយអង្គការសហប្រ ជាជាតិជាអាទិភាពក្នុងគោលនយោ បាយកិច្ចការបរទេសរបស់វៀតណាមជានិច្ច ហើយវៀតណាមជានិច្ចកាលខិតខំប្រឹងប្រែងក្លាយទៅជាសមាជិកដ៏សកម្ម ប្រកបដោយមានការទទួលខុសត្រូវ រួមចំណែកយ៉ាងជាក់ស្ដែង ប្រសិទ្ធភាព ទៅក្នុងសកម្មភាពរបស់អង្គការសហប្រជាជាតិ អង្គការអន្តរជាតិនានា ក៏ដូចជាជំរុញកិច្ចសហប្រតិបត្តិការរវាងអង្គការសហប្រជាជាតិនិងអាស៊ានផងដែរ៕