(VOV)_បន្តដំណើរ​បំពេញទស្សនកិច្ចនៅអាមេរិក នាថ្ងៃទី ២៤ កក្កដា នៅ​ទីក្រុង ​Wasshington DC ប្រធានរដ្ឋវៀតណាម លោក Truong Tan Sang បានទទួលជួបសន្ទនាជាមួយរដ្ឋមន្ត្រីក្រសួងពាណិជ្ជកម្មអាមេរិក ​លោកស្រី​ Penny Pritzker រដ្ឋមន្ត្រីក្រសួងកសិកម្ម Tom Vilsack ដំណាង​ពាណិជ្ជ​កម្ម Michael Froman…ជាដើម។

ប្រធានរដ្ឋវៀតណាម លោក Truong Tan Sang បានទទួលជួបសន្ទនាជាមួយ រដ្ឋមន្ត្រីក្រសួងពាណិជ្ជកម្មអាមេរិក ​លោកស្រី​ Penny Pritzker (រូបថត​VNA)

 ថ្លែងមតិនៅក្នុងពិធីជប់លៀង ដែលប្រព្រឹត្តទៅនៅក្នុងទីស្នាក់ការនៃក្រសួងការបរទេសអាមេរិក ប្រធានរដ្ឋ​ Truong Tan Sang បានជូនដំណឹងអំពីបណ្ដា​សមិទ្ធិផល​អភិវឌ្ឍន៍ និងគោលនយោបាយដែលវៀតណាមនាំចេញ ​ក្នុងនោះ យកចិត្តទុកដាក់ដល់ការរក្សាល្បឿនកំណើន បន្តលើកស្ទួយជីវភាព​រស់នៅរបស់ប្រជាជន រៀបចំរចនាសម្ព័ន្ធខឿនសេដ្ឋកិច្ចឡើងវិញ…។ល។ ស្ដីពីវិស័យទំនាក់ទំនងការទូត ប្រធានរដ្ឋ​Truong Tan Sang បាន​អោយ​ដឹងថា÷

          “ ក្នុងគោលនយោបាយកិច្ចការបរទេសរបស់ខ្លួន វៀតណាមជានិច្ច​កាល​យកចិត្តទុកដាក់ និងចាត់ទុកអាមេរិក ជាដៃគូដ៏សែន​សំខាន់​។ ក្នុងរយះ​ពេលកន្លងទៅ ទំនាក់ទំនងរវាងប្រទេសទាំងពីរបានមានការផ្លាស់ប្តូរសកម្ម ផ្អែកទៅលើគ្រិះដ្ឋានទំនាក់ទំនងដៃគូសកម្ម មិត្តភាព ស្ថាបនា សហប្រតិបត្តិការលើច្រើនវិស័យ គោរពគ្នាទៅវិញទៅមក និងមានផលប្រយោជន៍ដូចគ្នា។ នាសព្វថ្ងៃ ប្រទេសទាំងពីរមិនគ្រាន់តែសហប្រតិបត្តិការយ់ាងជ្រាលជ្រៅ ​ក្នុងរាល់បញ្ហាទ្វេភាគីប៉ុណ្ណោះទេ ថែមទាំងលើបណ្ដាវិស័យក្នុងតំបន់ និង​អន្តរជាតិទៀតផង។”

វាយតំលៃខ្ពស់ចំពោះកិច្ចសហប្រតិបត្តិការសេដ្ឋកិច្ច ពាណិជ្ជកម្មរវាងប្រទេសទាំងពីរក្នុងរយះពេលកន្លងទៅ ប្រធានរដ្ឋបានចាត់ទុកថា÷​ភាគីទាំង​ពីរត្រូវជំរុញខ្លាំងកិច្ចសហប្រតិបត្តិការថែមទៀត ក្នុងបណ្ដាវិស័យដូចជា÷ ​អប់រំ វិទ្យាសាស្ត្រ បច្ចេកវិទ្យា សុខាភិបាល…ចាដើម។ ប្រធានរដ្ឋ​ Truong Tan Sang បានអះអាងថា ÷វៀតណាមកំពុងខំប្រឹងប្រែងធ្វើអស់ពី​កម្លាំង​កាយចិត្ត ដើម្បីលើកស្ទួយជីវភាពរស់នៅរបស់ប្រជាជន ធានាសិទ្ធិសេរីភាពខាងជំនឿសាសនា រក្សាប្រពៃណីវប្បធម៌ពោពេញទៅដោយអត្តសញ្ញាណ។ 

          មុននេះ នាព្រឹកថ្ងៃទី ២៤ កក្កដា តាមម៉ោងនៅទីក្រុង ​Wasshington DC ក្នុងពិធីជួបសន្ទនា​ជា​មួយប្រធានរដ្ឋវៀតណាម រដ្ឋមន្ត្រីក្រសួងពាណិជ្ជកម្មអាមេរិក លោកស្រី Penny Pritzker រដ្ឋមន្ត្រី​ក្រសួងកសិកម្ម Tom Vilsack ដំណាងពាណិជ្ជកម្ម Michael Froman។​បានសង្កត់ធ្ងន់ថា÷ ទំនាក់ទំនងនៃប្រទេសទាំង​ពីរកំពុងមានឱកាសដ៏ធំធេញដើម្បីអភិវឌ្ឍន៍ខ្លាំងក្លា ក្នុងរយះពេលខាងមុខនេះ និងសន្យាថា​ជំរុញកិច្ចសហប្រតិបត្តិការលើច្រើនវិស័យជាមួយ​វៀតណាម លើបណ្ដាវិស័យដូចជា÷​សេដ្ឋកិច្ច ពាណិជ្ជកម្ម និងវិនិយោគ។

          ក៏ក្នុងថ្ងៃនេះដែរ ប្រធានរដ្ឋTruong Tan Sang បានជួបសន្ទនាជាមួយ​បណ្ដាសមាជិកនៃរដ្ឋសភាអាមេរិក និងគណះកម្មាធិការកិច្ចការបរទេស​ព្រឹទ្ធសភាអាមេរិក។ នៅទីនេះ បណ្ដាសមាជិកសភាអាមេរិកបានសង្កត់ធ្ងន់ថា÷ដំណើរ​បំពេញទស្សនកិច្ចរបស់ ប្រធានរដ្ឋTruong Tan Sang លើក​នេះ បានបើកចេញដំណាក់កាលអភិវឌ្ឍន៍ថ្មី ក្នុងទំនាក់ទំនងអាមេរិកនិង​វៀតណាម។ លោក ក៏បានអះអាងដែរថា÷ អាមេរិកយកចិត្តទុកដាក់ដល់តួនាទីរបស់វៀតណាមក្នុងរាល់បញ្ហានៅក្នុងតំបន់ និងរដ្ឋសភាអាមេរិកគាំទ្រ​រដ្ឋអំណាចក្នុងគោលនយោបាយនាំទំនាក់ទំនងវៀតណាមនិងអាមេរិក ​អភិវឌ្ឍន៍ឡើងកំរិតថ្មី។ទន្ទឹមនឹងនោះ បណ្ដាសមាជិកសភា ក៏បានចែករំលែកការយកចិត្តទុកដាក់ ចំពោះបញ្ហាមួយចំនួនក្នុងតំបន់ ដែលក្នុងនោះមាន​បញ្ហាសុវត្ថិភាព សន្តិសុខនាវាចរណ៍នៅលើសមុទ្រខាងកើត វាយតំលៃ​ខ្ពស់ចំពោះខំប្រឹងប្រែងរបស់អាស៊ាននិងវៀតណាម ក្នុងការជំរុញការចរចារជា​ផ្លូវការអំពី ក្រម​ប្រតិបត្តិ​តំបន់​សមុទ្រ​​ខាង​កើត​ ​ហៅ​កាត់​ថា COC ( Code of Conduct )ផងដែរ​។ ​