នាព្រឹកថ្ងៃទី ​១៨ កក្កដា នាយករដ្ឋមន្ត្រី Nguyen Tan Dung បាន​ទទួល​ជួបជាមួយ  រដ្ឋមន្ត្រីការបរទេសស៊ីរីលង្កា Gamini Lakshman Peiris ដែល​កំពុងមានដំណើរ បំពេញ ទស្សនកិច្ចជាផ្លូវការនៅវៀតណាម តាមសេចក្ដីអញ្ចើញរបស់រដ្ឋមន្ត្រីការបរទេសវៀត
ណាម Pham Binh Minh។ នាយករដ្ឋ​មន្ត្រី ​Nguyen Tan Dung សង្កត់ធ្ងន់ថា វៀតណាម  និងស៊ីរីលង្កាមានទំនាក់ទំនង​ប្រពៃណីដ៏ល្អប្រសើរពីយូរអង្វែង។ វៀតណាមគោរព  និងមានគោលបំណង​បង្កើនទំនាក់ទំនងសហប្រតិបត្តិការជាមួយស៊ីរីលង្កា  កាន់តែ
ជាក់ស្ដែង  មានប្រសិទ្ធភាពពី១ថ្ងៃទៅ១ថ្ងៃ ដើម្បីនាំមកនូវផលប្រយោជន៍អោយភាគី
ទាំងពីរ។ នាយករដ្ឋមន្ត្រីបានស្នើ រដ្ឋាភិបាលនៃប្រទេសទាំងពីរខំប្រឹងប្រែងអនុវត្តបណ្ដា ការព្រមព្រៀង ដែលថ្នាក់ដឹកនាំនៃប្រទេសទាំងពីរបានឯកភាពជាមួយ​ជំរុញយ៉ាងខ្លាំង
កិច្ច សហប្រតិបត្តិការ លើគ្រប់វិស័យនយោបាយ ​សន្តិសុខ ការពារជាតិ សេដ្ឋកិច្ច…។
ល។នាយករដ្ឋមន្ត្រី Nguyen Tan Dung ក៏​បានអះអាងថា៖​វៀតណាមត្រៀមខ្លួន​ជាស្រេច ជួយជ្រោមជ្រែង ស៊ីរីលង្កា បង្កើន​កិច្ច​សហប្រតិបត្តិការជាមួយបណ្ដាប្រទេសអាស៊ាន។ ​នាយករដ្ឋមន្ត្រីក៏បាន​សម្ដែងនូវ​គោលបំណងថា៖ ស៊ីរីលង្កាគាំទ្រសន្តិភាព  ស្ថិរភាព  សេរីភាពនាវាចរណ៍នៅសមុទ្រខាងកើត រាល់ការប្រជែងដណ្ដើម រវាងភាគីនានា ត្រូវ
ការដោះស្រាយដោយសន្តិវិធីដោយផ្អែកទៅលើការគោរពច្បាប់អន្តរជាតិ ពិសេសគឺ
សន្ធិ​សញ្ញាអំពីច្បាប់សមុទ្រនាឆ្នាំ ១៩៨២ របស់អង្គការសហប្រជាជាតិដែរ។

           រដ្ឋមន្ត្រីការបរទេសស៊ីរីលង្កា Gamini Lakshman Peiris បានអះអាង​ថា​៖​ជាសមាជិក មួយក្នុងចំណោមបណ្ដាសមាជិកបង្កើតសន្ធិសញ្ញាអំពីច្បាប់សមុទ្រ ​ស៊ីរីលង្កាគាំទ្រ  បណ្ដាគោលការណ៍ អំពីការធានាសន្តិសុខ និងសេរីភាពនាវាចរណ៍​ ដោះស្រាយ បណ្ដាការប្រជែងដណ្ដើមគ្នាលើសមុទ្រខាងកើត ​​ដោយ​សន្តិវិធី ​ដោយផ្អែក​ទៅលើ ការគោរពច្បាប់អន្តរជាតិ។ រដ្ឋមន្ត្រីការបរទេសស៊ីរីលង្កា ​មាន​គោល​បំណងបើក ទូលាយកិច្ចសហប្រតិបត្តិការជាមួយវៀតណាម ​លើ​គ្រប់វិស័យ ​ពិសេស​គឺ​វិស័យ​រុករក ធ្វើអាជីវកម្មប្រេង ឧស្ម័ន កសិកម្ម ទេសចរណ៍ …ជាដើម៕