នាយករដ្ឋមន្ត្រីជប៉ុនរៀបចំសន្និសីទកាសែតក្នុងឱកាសមកបំពេញទស្សនកិច្ចនៅវៀតណាម

(VOV)_ក្នុងក្របខ័ណ្ឌដំណើរបំពេញទស្សនកិច្ចនៅវៀតណាម ចាប់ពីថ្ងៃទី១៦​ដល់
ថ្ងៃទី១៧ មករាឆ្នាំ ២០១៧ នាយប់ថ្ងៃទី១៦មករា នៅទីក្រុងហាណូយនាយករដ្ឋ​មន្ត្រី
ជប៉ុន លោក Shinzo Abe បានអញ្ជើញជាអធិបតីសន្និសីទកាសែត​ជាតិនិងអន្តរ​
ជាតិ​។ ថ្លែងមតិនៅទីនេះ នាយករដ្ឋមន្ត្រី​លោក Shinzo Abe បានសង្កត់ធ្ងន់​ថា៖ 
​“ទន្លេ Hong ( ទន្លេក្រហម)ដ៏អស្ចារ្យបានហូរ​បានឆ្លងកាត់ទីក្រុងហាណូយ។ចរន្ត
ទន្លេបាន​ឆ្ពោះទៅ​សមុទ្រ​ខាងកើត ឆ្ពោះទៅសមុទ្រហ្វាទុង និងតភ្ជាប់ជាមួយឈុង
សមុទ្រ Tokyo ។ ​គ្មានអ្វីអាចរាំងស្កាត់ដំណើរសេរីភាពនេះតាមរយៈចរន្តលំហូរនៃ
ទន្លេនេះបានឡើយ។ ជប៉ុននិងវៀតណាម​ ជាប្រទេសជិតខាង ដែលបានតភ្ជាប់
ជាមួយគ្នាតាមរយៈតំបន់សមុទ្រសេរីភាព​”។​ នាយករដ្ឋមន្ត្រីជប៉ុន បានអះអាង ថា៖ ហ្វីលីពីន ឥណ្ឌូនេស៊ី និងអូស្ត្រាលី សុទ្ធតែជា​ប្រទេសជិតខាងសំខាន់ រួមគ្នាចែក
រំលែកអត្ថប្រយោជន៍ជាមួយគ្នា និងរួមគ្នាចែករំលែកតំលៃមូលដ្ឋានជាមួយជប៉ុន។
 គោលការណ៍សន្តិសុខ សុវត្ថិភាព សេរីភាពនាវាចរណ៍ ដើរតួនាទីដ៏សែនសំខាន់។​
ដើម្បីអនុវត្តបានគោលការណ៍នោះ ​ការគោរពច្បាប់​ត្រូវបានអនុវត្តអោយបានពេញលេញ។ 

          នាយករដ្ឋមន្ត្រីជប៉ុន លោក Shinzo Abe បានអោយដឹងថា៖ តាមរយៈ​ជំនួប​
ធ្វើការជាមួយរដ្ឋាភិបាល និងគោលបំណងរបស់ភាគីវៀតណាម ជប៉ុនបានសម្រេច
ចិត្តផ្គត់ផ្គង់អោយវៀតណាម នាវាយាមល្បាតថ្មី និងបន្តជួយឧបត្ថម្ភលើកកំពស់
​សមត្ថភាពរបស់កងកម្លាំងប៉ូលីសសមុទ្រវៀតណាម។នាយករដ្ឋមន្ត្រី​ លោក Shinzo
Abe ក៏បានអះអាងថា៖វៀតណាម ជប៉ុន ក៏ដូចជាប្រទេសផ្សេងៗ ត្រូវគោរពច្បាប់
 ​ធានាសេរីភាពនាវាចរណ៍ ដោះស្រាយជំលោះដោយសន្តិវិធី៕