នាយករដ្ឋមន្ត្រីបានបញ្ជាដាក់ឲ្យដំណើរការស្ពានវែងបំផុតនៅវៀតណាម (VOV)

        Vovworld-នាព្រឹកថ្ងៃទី៨មិថុនានៅទីរួមខេត្ត son Tay ទីក្រុងហាណូយ នាយករដ្ឋមន្ត្រីវៀតណាមលោក Nguyen Tan Dung បានបញ្ជាដាក់ឲ្យដំណើរ​ការ​
ស្ពាន Vinh Thinh លើផ្លូវជាតិលេខ 2C ជាមួយប្រវែងច្រើនបំផុតនាបច្ចុប្បន្ន​ឆ្លង
ទន្លេ Hong តភ្ជាប់ខេត្ត Vinh Phuc ជាមួយរដ្ឋធានីហាណូយ។ នេះជាស្ពាន​បេតុង
ឆ្លងទន្លេមានប្រវែង៥៤៨៧ម៉ែត្រ វែងបំផុតនៅវៀតណាមពីមុនមក។ គំរោង​ការ
មានចំនួនទុនវិនិយោគ១៣៧លានដុល្លារពីប្រភពទុន ODA របស់​កូរ៉េ​ខាងត្បូង
និងទុនរដ្ឋាភិបាល។

        ថ្លែងមតិនៅពិធីដាក់ឲ្យដំណើរការ នាយករដ្ឋមន្ត្រី Nguyen Tan Dung បាន​
សង្កត់ធ្ងន់ថា ស្ពាន Vinh Thinh ជាសំណង់មានអត្ថន័យសំខាន់ក្នុងដំណើរការ​
ឧស្សាហូបនីយកម្ម-ទំនើបភាវូបនីយកម្មអភិវឌ្ឍន៍សេដ្ឋកិច្ចវប្បធម៍សង្គម ធានា​ការពារជាតិសន្តិសុខគមនាគមន៍។ នាយករដ្ឋមន្ត្រី Nguyen Tan Dung បាន​លើក​
ច្បាស់ថា៖

        “ខ្ញុំស្នើរផ្នែកគមនាគមន៍ដឹកជញ្ជូន ទីក្រុងហាណូយ ខេត្ត Vinh Phuc ក៏ដូច​ជាខេត្តក្រុមនានាក្នុងទូទាំងប្រទេសរួមប្រឡងប្រណាំងខំប្រឹងប្រែងកសាងនិង
ដាក់ឲ្យដំណើរការលឿង ធានាគុណភាពប្រសិទ្ធភាពសំណង់ជាច្រើនថែមទៀត​ក្នុងដំណើរការកសាងហេដ្ឋានរចនាសម្ព័ន្ធសេដ្ឋកិច្ចសង្គម៕”