នាយករដ្ឋមន្ត្រីវៀតណមបញ្ជាណែនាំការរៀបចំផ្ទះនៅទប់ទល់នឹងទឹកជំនន់សំរាប់ជនក្រីក្រ
(VOV)_ថ្លែងមតិនៅសន្និសីទបូកសរុប កម្មវិធីអនុវត្តពិសោធ ដំណោះស្រាយ
ជួយ ឧបត្ថម្ភគ្រួសារក្រីក្រលើកកំពស់លក្ខណះសុវត្ថិភាពខាងទីលំនៅ ទប់ទល់នឹង
ទឹកជំនន់នៅតំបន់ Trung Bo ខាងជើងនិងតំបន់ឆ្នេរសមុទ្រភាគកណ្ដាលវៀតណាម នាព្រឹកថ្ងៃទី ៨ មេសា នៅខេត្ត Phu Yen (ភាគកណ្ដាលវៀតណាម) នាយករដ្ឋមន្ត្រី
រដ្ឋាភិបាលវៀតណាម លោក Nguyen Tan Dung បានស្ងើសសរសើរ រាល់ការខំប្រឹង
ប្រែង របស់ក្រសួងសំណង់ គ្រប់ក្រសួង ស្ថាប័នទាក់ទិន និងរដ្ឋអំណាចក្នុងការអនុវត្តកម្មវិធីធ្វើពិសោធជួយឧបត្ថម្ភគ្រួសារក្រីក្រកសាងផ្ទះនៅ ទប់ទល់នឹងទឹកជំនន់ ក្នុង
រយះពេលខ្លី។ នាយករដ្ឋមន្ត្រី Nguyen Tan Dung បានចាត់ទុកថា÷ នេះគឺជាកម្មវិធី
ពោពេញ ទៅដោយអត្ថន័យខាងនយោបាយ សង្គមកិច្ច និងមនុស្សសាស្ត្រ ដ៏ជ្រាល
ជ្រៅ។ លោកបានលើកច្បាស់ថា÷
“ កម្មវិធីនេះ ទទួលបានជោគជ័យ ឥឡូវនេះ យើងសម្រេចបើកទូលាយ អនុវត្ត
ទៅលើខេត្ត ទាំង១៤នៅភាគកណ្ដាលវៀតណាម ជាមួយគោលដៅជួយឧបត្ថម្ភកសាង
ផ្ទះនៅ សំរាប់គ្រួសារក្រីក្រប្រមាណ៦ម៉ឹនគ្រួទប់ទល់នឹងទឹកជំនន់។
ក៏ក្នុងកម្មវិធីបំពេញការងារនេះដែរ នារសៀលថ្ងៃទី ៨មេសា នាយករដ្ឋមន្ត្រី
Nguyen Tan Dung បានមានជំនួបធ្វើការជាមួយ ថ្នាក់ដឹកនាំខេត្ត Khanh Hoa ស្ដីពីភារ
កិច្ចអភិវឌ្ឍន៍សេដ្ឋកិច្ច សង្គម ក៏ដូចជាការកំណត់ទិសដៅធំៗ មួយចំនួនដើម្បី Khanh
Hoa អភិវឌ្ឍន៍យ៉ាងលឿននិងចីរភាពទៀតផង៕
 |
| នាយករដ្ឋមន្ត្រី Nguyen Tan Dung បានមានជំនួបធ្វើការជាមួយ ថ្នាក់ដឹកនាំខេត្ត Khanh Hoa(http://dangcongsan.vn/) |